Yelemiya 23:2 - Libuka Lya Kuyela

² Eshe nisho anamba Nyambi ya Ngula, Nyambi wa Ishalela ha balishani baya balamanga bantu ngayi, “Mwafwanina kulama bantu bami ngoboni munabatandili kwakutali. Haya nikamishushula hanebye munatende, byabibi.

Yelemiya 23:2 Iomraidhean Croise

Kututika 32:34

Haya yanga, ukatwaminine bantu ku mwanya ou nakutongwezele. Mona, lingeloyi lyami likakutwaminina, ngoboni shikati shili na kwiza oho nikashushula bantu aba ha wubi wabo.”

Yelemiya 10:21

Nakumbwile ngayi, “Bakakutwaminina betu bakuyeba, kupenza kuli Nyambi ya Ngula ngayi abayavwe bafwako. Nohobene, kutangamishiwa bafwako, matanga abo a bambelele anapanzana.

Yelemiya 11:22

Nyambi wa Makunge ukwamba hahabo ngayi, “Monenu, nikabashushula! Bandumbana babo, bakafwa ku mukwale na banababo bakafwa kukapande.

Yelemiya 13:17

Ngoboni ndi kuyuvwilila mufwako mutima wami ukalilila kuwi, ndaba ya kuliyemeza kwenu, meho wami akapwezuma shikuma na mihozi ndaba likunge lya Nyambi ya Ngula lili na kutwaliwa mu wuntapwa.”

Yelemiya 13:20

Nyambi ya Ngula ukwamba ngayi, “Yelushalema, yimbula meho wobe umone aba bakufuma ku ncelele, kati balikuti baya bantu ba kupanikile ngayi ubalamenga, bantu waliyemezele nabo?

Yelemiya 13:21

Haya ukamba bishini oho matunga aya waliyuvwile nawo baya bengile bahoni bobe oho bakafutuka kwinga bahekulyobe? Kati kaliha ukayuvwa kukola ku mutima ngonehe kukola kuya ayuvwanga mbuyama hashikati sha kubeleka ndi?

Yelemiya 17:10

Ami Nyambi ya Ngula nikafwatula mutima na kuhengola bihanganiko bya muntu. Nikupana muntu ngonehe kubiheka byendi, ngonehe ku mikabo ya milimo yendi.

Yelemiya 21:12

“Yuvwililenu baka litala lya Ndavita kunebye nikwamba Ami Nyambi ya Ngula. Yatenunga mukupwisha ha mutena na mutena. Lamwinenu Kayunda mu maboko amukakumuyandisha na muntu ou unapukuliwi, ndi kutenda noho mufwako, ntendelo yenu yayibi yikabangiza kupilama kwami ngo mundilo ukabanga kami kowa muntu ukatwesha kukawuzima.”

Yelemiya 23:34

Ndi umo wa bantu bami, enge muluwe hinge mukankombela bene ukwamba na wuncengwe ngayi, ‘Muziho wa Nyambi ya Ngula,’ pe nikamushushula hamo na bana bendi.

Yelemiya 44:22

Mutena uno walelo bene, litunga lyenu lyashalakale mapembe, kami kowa muntu eze akazikemo. Nilyo linafutuku likendu ku bantu, kami banafutulu lizina lyalyo ngo shikuto ndaba Nyambi ya Ngula wufwako kutwalililaho ku wumina byabibi nanebye byawunyengwe mwatendele.

Yelemiya 5:29

Kati kubashushula ndaba ya byuma ebye nifwako ndi? Kati kubweshela wubi ku nawa matunga nifwako ndi? Ebye nisho anamba Nyambi ya Ngula.

Yelemiya 5:9

Kati kuka bashushula nifwako ha byuma ebye ndi? Kati Amimwine kuka babweshela wubi ha matunga wakwinga ngonehe ou nifwako ndi?” Eshe nisho anamba Nyambi ya Ngula.

Yelemiya 8:12

Kati bali na lisheni oho ba kutenda bya wunyengwe ndi? Byo, lisheni bafwalyo, hinge kulimuka sha kuliyenena bafwako. Nohobene bakalituntula na kuwa hamo na baminabo nimwabo oho nikabashushula.” Eshe nisho anamba Nyambi ya Ngula.

Ezekiyele 34:5

Nohobene bambelele bapanzanine ndaba kaliha kwekalile mulishani, pe oho bapanzanine bafutukile kwinga byakulya bya tunzama nimwato twa mu lishaka.

Hoshiya 2:13

Nikamushushula, ndaba ya kukombelela incence na zinkombela ku banyambi bashenge ba Mbaalu, pe kami unavwala tumbalaminwe twendi na bya kuliyenga nabyo na kukonka banjenge zendi na kuvulama.” Eshe nisho anamba Nyambi ya Ngula.

Mika 7:4

Hinge aba ba ku moneka ngayi bakwoloka, bakufweka ngo mutondo wa mikona. Hinge kami bakwoloka banalyezeke kutwepa kwa muhongela wa mukona. Mutena ou mwahanganikile ngayi mukashushuliwa, wakumakale. Haya mukekala mulumpa.

Zakaliya 10:3

Nyambi ya Ngula ukwamba ngayi, “Ninapilamini shikuma balishani, pe nikashushula bakakutwaminina. Ndaba Nyambi wa Makunge, ukalama litanga lyendi, baka litala lya Yunda. Nikabenga ngonehe akeyukanga mbishi mu nzita.”

Zakaliya 11:16

Ndaba nikayaka mulishani mu litunga, ou ukabula kutwala mutima ku bambelele ba kuyongala, hinge kukafwatula babashe, hinge kupanga ba kukola, hinge kulisha balishiwahe, ngoboni ukalya nyama ya bambelele babawahe na kutabula zimpazi zabo.

Mateo 25:36

nekalile na wuvwu, kami mwamvwikile, nakolele kami mwezile na ku mona, nekalile mu tolongo kami mwanzingwile.’

Mateo 25:43

nengile muyeni, kaliha mwantambwile, nekalile na wuvwu, kaliha mwamvwalikile nakolele, nekalile mu tolongo, ngoboni kaliha mwayile na ku mona.’

Yakoba 1:27

Kukulupila kwa kuyela kwine na kubula mazilo ku meho a Nyambi na Tate kwenga eshe, kuzingula banginga na bamfwile mu makalikiza abo na kuliholeka wakubula libala ku kaye.