Yelemiya 21:4 - Libuka Lya Kuyela

⁴ “Katongwezenu Zendekiya ngayi Nyambi ya Ngula, Nyambi wa Ishalela ukwamba ngayi, ‘Monenu, nikafumisha bilwisho bya nzita obyo bili mu maboko wenu na kulwisha nabyo mwene wa Mbambiloni na banzita bendi aba banazinguluku twimbi twenu, kami nikabibungika mukati ka luno lukena.

Yelemiya 21:4 Iomraidhean Croise

Ishaya 10:4

Kowa shimina shikashalaho, ngoboni muka bashama tuhu hanci hamo na bantapwa hinge kufwa tuhu hamo na baya banazihiwi mu nzita. Hinge noho wukali wa Nyambi ya Ngula kukafwomoka wufwako na liboko lyendi lishili kukolobela mu kushushula.

Ishaya 13:4

Yuvwililenu, miyoyo ha mapili! Yikushowela ngo miyoyo ya likunge lyalinene. Yuvwililenu mishunga mukati ka wene, yikwinga ngonehe matunga analikungwili hamo! Nyambi wa Makunge ukukungulula bakanzita bendi kuya ku nzita.

Ishaya 5:5

Haya nikumitongweza ebi nikatenda ku mfuba yami ya shinyanca. Nikafumisha mishimino yaku mfuba, ngayi mwanga mikolobozi yiliwe ku tuyamana, nikashiwula kembi kayo, pe mikolobozi bakayilyatangila hanci.

Yelemiya 20:4

Nyambi ya Ngula ukwamba ngayi, mona, nikakwingisha mutentu obe na bahoni bobe, nimwabo obo bakafwa ku mukwale wa bamalamo babo obe hiwupenza. Kami nikayaka Bayunda nimwabo mu maboko a mwene wa Mbambiloni, ou ukabatwala mu wuntapwa ku Mbambiloni, kuya niko bakazihiwila.

Yelemiya 21:3

Yelemiya niho ambile kukwabo ngayi,

Yelemiya 32:24

“Monenu, bamalamo bazingulukakale lukena ngayi balukone, pe ndaba ya nzita na kapande na wulweli, lukena lwapanikiwakale mu maboko aba Mbambiloni aba bali na kululwisha, pe nimwabyo wambile binengi bya kupwisha.

Yelemiya 32:3

Mwene Zendekiya wamu Yunda wayakile Yelemiya mu tolongo na ku mwambila ngayi, “Kati shumangani ukulubulwila na kwamba ngayi, ‘Nyambi ya Ngula wambile ngayi monenu, nikapanika luno lukena ku liboko lya mwene waku Mbambiloni, pe ukalushimba.

Yelemiya 32:5

Nyambi ya Ngula ukwamba ngayi Zendekiya ukatwaliwa ku Mbambiloni, ukekalako kutwala noho nikamizingula, hinge ndi ukulwisha kuka batwesha ufwako.’”

Yelemiya 33:5

mu kulwisha baka Mbambiloni. Ngayi, matala wabo akenzala na mituntu ya bantu obo nazihile mu wukali na kupilama kwami. Nikaholeka lupala lwami ku lukena olu ndaba ya wubi ou banatende.”

Yelemiya 35:17

Haya Nyambi wa Makunge, Nyambi wa Ishalela ukwamba ngayi, “Nikaleta makando nimwawo aya natoyele ha bantu nimwabo ba Yunda na baya bali mu Yelushalema. Nambile kukwabo, ngoboni kaliha banyuvwile. Nabehanine ngoboni kaliha bankumbwile.”

Yelemiya 39:3

Yelushalema oho akwatiwile, babilolo babalemu bamwene waku Mbambiloni bezile mukwikala mu lipangati lya hakati. Bengile Nelingale Sheleza na Shamunga mukulwane wa bakanzita na Shalashekima na mukulwane wa babilolo na Nelingale Sheleza wamina na babilolo nimwabo bamwene wa Mbambiloni.

Yelemiya 52:18

Kami bashimbile mafwosholo na binzoyo bya kukundwisha mutoko ha kaala. Bashimbile na zimanya kwa kupatika mimuni na zindonga na nimwabyo biya baliyavwishilenga ha kukombelela mu Litala lya Nyambi.

Malila 2:3

Mu wukali waketwile ngovu za Ishalela, wakanine kutuyavwa oho bamalamo batulwishilenga. Watupilaminine ngonehe mundilo wabangilenga muli Yakobo ou ukutwesha kulobesha byuma nimwabyo.

Malila 2:5

Nyambi ya Ngula, wafutukakale ngonehe kamalamo, nalobeshe Ishalela. Nashiyi zinkena nimwazo na bipata mu mapembe. Nalete wunginga ha bantu bamu Yunda wakubula kumana.

Malila 2:7

Nyambi ya Ngula washiyile kaala kendi, na ku shiya kami Litala lyendi lya kuyela. Niye wetabilishile bamalamo ku shiwula twimbi twabo. Bamalamo batendele miyoyo mu Litala lya Nyambi ya Ngula, ngonehe ha mutena wa shimbo.

Ezekiyele 39:3

Nikawisha shipando sha mivwi shili mu liboko lyobe lya shimoho na kukuyumbisha mivwi yili mu liboko lyobe lya shilyo.

Hoshiya 9:12

Hinge ndi bakalela bana nikabayangabo, kukabula hinge umo wakushalako. Makando wabo oho nikafuma kukwabo.”

Zakaliya 14:2

Ndaba nika kungula mikoka nimwayo kwiza na kulwisha Yelushalema, lukena lwa Yelushalema lukakomiwa na matala wamo akapukuliwa na bambuyama bakahanduliwa, shitika sha bantu ba lukena bakatwaliwa mu wuntapwa, ngoboni wingi wa bantu bakashala mu lukena bakekalilila.

Mateo 22:7

Mwene wapilamine shikuma, watumine bakanzita bendi kuya mu kuziha aba bakakupununa na kuhokesha munzi wabo.