Yelemiya 15:2 - Libuka Lya Kuyela

² Oho bakakwipula ngayi, ‘Tukaya kuti?’ Kabatongweze ngayi, Baya banayatiwi ngayi bafwe ku wulweli, bakafwa ku wulweli. Baya banayatiwi ngayi bafwe ku mukwale, bakafwa ku mukwale. Bamina banayatiwili ngayi bafwe kukapande, bakafwa kukapande. Baya banayatiwi kukatwaliwa mu wuntapwa, bakaya mu wuntapwa.”

Yelemiya 15:2 Iomraidhean Croise

Ishaya 10:4

Kowa shimina shikashalaho, ngoboni muka bashama tuhu hanci hamo na bantapwa hinge kufwa tuhu hamo na baya banazihiwi mu nzita. Hinge noho wukali wa Nyambi ya Ngula kukafwomoka wufwako na liboko lyendi lishili kukolobela mu kushushula.

Ishaya 24:18

Ou nimwendi ukutina ndaba ya malwa ukuwila mu linkwina, pe ou nimwendi ukufuma mu linkwina, ukukwatiwa mu kantamba. Ndaba mampananga a mema muyilu, ana shinkululiwi na mimbi ya hanci, yili na kukanka.

Yelemiya 14:12

Hinge ndi bakazila kulya, kukayuvwa malombelo wabo nifwako. Hinge ndi bakakombelela zinkombela za kuhokesha na zinkombela za mpeka, kukazitambula nifwako. Ngoboni nikabaziha na zinzita na kapande na malweli.”

Yelemiya 14:16

Aba bantu ba kulubulwila, bakafwa kukapande naku zinzita, bakapyukwama mu mikwakwa yamu Yelushalema, kowa ukatwesha ku bafunda. Olu lufu lukeza ku nimwabo, ku bakazabo naku bana babo babalume naba ba bambuyama. Nikabweshela kuluwa kwabo hahabo.”

Yelemiya 16:4

bakafwa ku malweli akutinisha. Bafwako kukaliliwa hinge kufundiwa. Bakabungana ngonehe wilo wa hanci. Bakaloba na mukwale kami bakafwa kukapande, zinyutu zabo zikenga byakulya bya batuyoni na tunzama twa mu lishaka.”

Yelemiya 19:7

Kami mwanya ou, nikamanisha biyongola bya bantu ba Yunda na Yelushalema, kami bantu bamo bakafwa ku mukwale wa bamalamo babo na liboko lya nobo bakushinga wumi wabo. Pe nikapanika mituntu yabo ku tuyoni naku batuyamana ngayi yikenge byakulya byabo.

Yelemiya 43:11

Nembukandineza ukeza na kulwisha litunga lya Engepita. Bantu obo bayatiwilile kufwa ku wulweli bakafwa ku wulweli, obo bayatiwilile kutwaliwa mu wuntapwa ukabatwala mu wuntapwa nanobo bayatiwilile kuzihiwa ku mukwale bakazihiwa ku mukwale.

Ezekiyele 12:11

Batongweze ngayi ebye unatende shinengi shilimukisho kunebye bikatendiwa kukwabo, nibo bakenga bakakuholama na bantapwa.

Ezekiyele 14:21

Eshe nisho anamba Nyambi ya Ngula ngayi, “Ami nikatuma tushushwilo twami tunaa ku Yelushalema, nzita na kapande na batuyamana ba lishaka na malweli, mu kulobesha bantu na batuyamana nimwabo.

Ezekiyele 33:27

Batongweze ngayi, eshe nisho akwamba Nyambi ya Ngula ngayi, mwa shikuma ngonehe nayoya Ami Nyambi, nimwendi ou uli mu lukena luya luli na kuloba ukazihiwa mu nzita. Nimwendi ou uli mumafuba ukaliwa ku tunzama twa mu lishaka. Nimwendi ou uli mubipata na mumanzolongoma ukafwa ku wulweli.

Ezekiyele 5:12

Bantu ba shitika sha wuhatu bakafwa ku malweli a kubula kupangiwa na kukapande, bamina bakaketuliwa na mikwale ha munkanda wa lukena. Nikapanzanishila bamamaninino mu zimbalila nimwazo na kubakonka na mukwale.

Ezekiyele 5:2

Uhokeshe shiketu sha wuhatu shazo mu lukena oho nzita yakamana. Ukashimbeho zimina pe ukaziketozole na mukwale wobe, oho ukazingulukanga lukena. Ukayumbile zinashalaho ku nozo muyilu pe ami nikazilwisha na mukwale wami.

Ndanyele 9:12

Watendele ebye wambile ngayi ukabitenda kukwetu na batulela betu ha kuleta malwa hahetu. Washushwile Yelushalema shikuma kupitakana, hinga shatanga ku moneka hano hanci.

Amoshi 5:19

Shikenga ngo muntu ukutina shimbwi pe ha kulihangana na mbeya, hinge ndi ukwingina mu litala na kukwata ha limota pe ha kuhumiwa ku liyoka.

Zakaliya 11:9

Nambile ngayi, “Nifwako kukenga mulishani wenu. Haya aba ba kulifwila, bafwenga tuhu. Aba ba kuyongala, bayongwelenga tuhu, pe aba ba kushalaho, balivwote umo na wamina.”

Kuholoka 13:10

Ou ukukwatiwa mu wutampwa, ukaya mu wutampwa, ou ukuziha na mukwale, uku fwanina kuzihiwa na mukwale. Ku kushingiwa lunzewe na kukulupila ku bakakuyela.”