Yelemiya 15:1 - Libuka Lya Kuyela

¹ Nyambi ya Ngula wambile kukwami ngayi, “Hinge ndi shinga ba Moshesha na Shamwele bakwimana kuno ku meho wami na kundambilila, hinge noho kukatwala mutima ku naba bantu nifwako. Batande bafume ku meho wami bayenga.

Yelemiya 15:1 Iomraidhean Croise

Shitatiko 19:27

Oho kwashile lumenemene Abulahama wanyankupile kuya ku mbalila oku emanine ku meho a Nyambi ya Ngula.

2 Bamyene 17:20

Nyambi ya Ngula wakanine Baishalela nimwabo, wabashushwile na kubapanika ku bamalamo babo banguma, hantu noho abatandile ku lupala lwendi.

Nyimbo 106:23

Nohobene Nyambi wambile ngayi ukabalobesha, sha kubula Moshesha mukamulimo wendi wakuhatiwa, ou wabemaninine kuli Nyambi, watengulwile wukali wendi waku shinga kubalobesha.

Nyimbo 99:6

Moshesha na Aloni bekalile hakati ka bakankombela bendi, na Shamwele naye kami wekalile hakati umo wehanine ha lizina lyendi. Behanine kuli Nyambi ya Ngula, pe wa bakumbwile.

Zincimpi 14:35

Mwene wa wahililanga na muka mulimo ukutenda bya ngana, ngoboni wukali wendi watulilanga ha uya ukutenda bya lisheni.

Yelemiya 10:18

Ndaba Nyambi ya Ngula ukwamba ngayi, “Nikafumisha aba bali mu litunga hashikati shino na ku baletela malwa, akutwaliwa mu wuntapwa.”

Yelemiya 11:14

“Yelemiya, hinga ulombelela aba bantu. Hinga ulila hinga ku balombelela, ndaba nifwako kuka bayuvwilila ngayi nikabayavwe oho eze bakekale mu wukalu.”

Yelemiya 14:11

Nyambi ya Ngula wambile kukwami ngayi, “Hinga ulombelela aba bantu ngayi bayavwiwe.

Yelemiya 14:12

Hinge ndi bakazila kulya, kukayuvwa malombelo wabo nifwako. Hinge ndi bakakombelela zinkombela za kuhokesha na zinkombela za mpeka, kukazitambula nifwako. Ngoboni nikabaziha na zinzita na kapande na malweli.”

Yelemiya 15:19

Haya Nyambi ya Ngula ukwamba ngayi, “Ndi ukulishisha, nika kutambula, ngayi mwanga ukenge mukamulimo wami kami. Ndi ukamba mazu amawahe na kubula kwamba byowa pe ukenga muluwe wami kami. Bantu bakeza kukwobe, obe kukaya kukwabo wufwako.

Yelemiya 16:13

Haya nikamiyumbila mu litunga liya enu na bankakazenu babula kulimuka. Kuyo mukalemeshenga banyambi bashenge mwaana na wushiku ndaba kukamiyuvwila nceshe nifwako.’ ”

Yelemiya 16:5

Nyambi ya Ngula ukwamba ngayi, “Hinga wingina mu litala muli malila, hinge ku monesha wunginga, ndaba nafumishi ku mwena kwami ku naba bantu na nceshe zami za mwaya myaka na shikeketima shami binafumu kukwabo, ebye nibyo akwamba Nyambi ya Ngula.

Yelemiya 18:20

Kati wubi ukutwesha kwinga ncuungu ya wuwahe ndi? Ngoboni banankabili linkwina ngayi nifwemo. Anuka eshe nemaninenga na kulambilila ngayi wufumishe wukali wobe hahabo.

Yelemiya 22:28

Yelemiya wambile ngayi, “Kati mwene Yehoyakini wafutukakale kwinga ngonehe ntesho ya kupabuka yinayumbiwili kwakutali ya kubula muntu wakuyishinga ndi? Shumangani bana bendi bakayumbiwa na kubatandila mu litunga babula kulimuka?”

Yelemiya 23:39

mwa shikuma bantu aba hamo na lukena luyo nabapanikile nikabatola na kubayumbila kwakutali na nami.

Yelemiya 35:19

Haya Nyambi wa Makunge, Nyambi wa Ishalela ukwamba nehi ngayi, ku mukoka wa Yehonandambu mwana Lekabe, shikati nimwasho kukekalanga umo akantendelenga milimo.”

Yelemiya 52:3

Nyambi ya Ngula wapilaminine bantu bamu Yelushalema namu Yunda, nisho shaleteshele ngayi abatande ku meho wendi. Zendekiya wafutukilile mwene Nembukandineza waku Mbambiloni.

Yelemiya 9:19

Ndaba kukuyuvwanika kulila mu Ziyoni ngayi, ‘Twalobakale, tunayuvwishiwi lisheni shikuma ndaba tunashiyi litunga lyetu kami matala wetu anashiwuku.’”

Ezekiyele 14:14

Hinge ndi obo balume bahatu, ba Nowa na Ndanyele na Yobo bekalilenga kuyo ndaba ya kukulupila kwabo batweshele tuhu kulilamwina nibo bamwine,” Eshe nisho anamba Nyambi ya Ngula.

Ezekiyele 22:30

Ami nashingile muntu wamina ukutwesha kutendulula kembi, ukutwesha kwimana mu mwanya kumbili yami na kulama litunga oho nili hahepi mu kulobesha. Ngoboni kaliha namuwanine.

Hoshiya 9:15

Nyambi ya Ngula ngayi, “Mu Ngilingale nimo muli byabibi byabo byabingi, nimwawo natatikile ku bazimba. Ndaba ya kuluwa kwa ntendelo yabo, nikabatanda mu litunga lyami. Kukabahaka kami nifwako nihani, babilolo nimwabo banengi bakakufutulukila.

Zakaliya 3:3

Yoshuwa wemanine ku meho a Lingeloyi hinga avwala bivwalo bya mazilo.

Ndayano 9:26

Kami nalombelele ngayi, ‘Obe Nyambi ya Ngula, mwene yami, hinga ulobesha bantu bobe, bantu aba walamwinine na kubafumisha ku Engepita na liboko lyobe lyalinene na ngovu zobe zazinene na nyala.

Bahebelu 9:24

Ndaba Kilishitu kaliha wenginine mu Kampenci Kakuyela kaya batendele na maboko a wuntu, kaya kengile shifwanikizo sha kampenci kakupwisha, ngoboni wayile muyilu mwine, muya ali na kutwimanina ku meho a Nyambi.

Bakakuyata 5:9

Mutima wami uli hamo na bakakutwaminina banzita ba Ishalela, hamo na bantu aba balipanine nibo bamwine na mitima ya ku shoboloka. Yemezenu Nyambi ya Ngula!

1 Shamwele 12:19

Bambile kuli Shamwele ngayi, “Hekulu, tulombelele kuli Nyambi ya Ngula, Nyambi yobe ngayi mwanga tubule kufwa. Haya tukulimuka ngayi kufungila ku wubi wetu wamina nimwawo twatenda, twabipishile kami ha kunyepa mwene.”

1 Shamwele 12:23

Nehiboni ami, nifwako kushinga kutenda wubi kuli Nyambi ya Ngula, ndi nikaleha kumi lombelela, pe Nyambi ya Ngula akancushule. Ngoboni, nikamilongesha byabiwahe nanebye bya kupwisha ngayi mukabitendenga.

1 Shamwele 7:9

Shamwele wazihile mwana mbelele waku mabele pe wamuhokeshele wanzimba kwinga nkombela ya kuli Nyambi ya Ngula. Niho alombelele kuli Nyambi ya Ngula ngayi ayavwe Baishalela, pe niho akumbwile malombelo wendi.