Yelemiya 10:9 - Libuka Lya Kuyela

⁹ Tunankishi twabo twa kufwikiwa na shiliva yaku Tashishi na ngolinde yaku Ufwazi. Tunatendiwi na bantu bamanono, bambazi naba mfuzi banatuvwiki bivwalo bya kufumbuluka bya likwiza lya shimbombo, ebye binatendiwi na bantu bamanono.

Yelemiya 10:9 Iomraidhean Croise

1 Bamyene 10:22

Ndaba mwene wekalile na muhoko wa mato amanene avuwiliwilenga hamo na muhoko wa mato a Hilamu. Oho kwapitakale myaka yihatu, muhoko wa mato endi aletelenga ngolinde na shiliva na mayewe a banzovu na bampuya na tumumi.

2 Byambo 9:21

Kami Sholomoni wekalile na muhoko wa mato amanene aya avuwiwilenga na muhoko wa mato amanene a Mwene Hilamu ayile ku Tashishi. Oho kwapitakale myaka yihatu muhoko wa mato wendi wabokelenga na ngolinde na shiliva na mayewe a banzovu na bampuya.

Nyimbo 115:4

Ngoboni tunankishi twabo twatendiwa ha shiliva na ngolinde, twatendiwa na maboko a bantu.

Nyimbo 72:10

Mwanga bamyene ba Tashishi na bamu bikuli baka mutupwilenga zintupu, kami bamyene ba Alembiya na Etopya baka muletelenga zintupu.

Ishaya 23:6

Tininenu ku Tashishi, lilenu na kuyena, enu mwazika ha shibumbo sha liwate.

Ishaya 40:19

Ufwako kulifweka na kanankishi kaya abazanga muntu wamanono, kaya banafwiki na ngolinde ku bamfunzi, na kakutanga nketwana za shiliva.

Ezekiyele 27:12

Bantu ba ku Tashishi batendele mikwebo nobe bashimbile shiliva, byondo, muwe na makango mu kutambashana na byuma byobe byabingi.

Ezekiyele 27:7

Makwiza wobe akuvuwisha engile akubalanga, likwiza lyaliwahe lya kulelema lyafumine ku Engepita. Lyengile lya wangu kulimukiwa hinge kwakutali. Likwiza lyobe lya kutinisha mwana lyafuminenga ku shikuli sha Elishahi, lyekalile na mishombela ya wuhombo na kufumbuluka.

Ndanyele 10:5

nayimbwile meho wami pe namonene mulume ou wavwalile makwiza a kulelema na mukunzi wa ngolinde wa ufwazi mu lukanda lwendi.

Hoshiya 8:6

Kaya kanankishi kaliha kengile Nyambi. Muntu wa wutungu wafumine ku Ishalela niye wakatendele. Kaya kanankishi kaku Shamaliya kakacancoliwa.

Yona 1:3

Ngoboni Yona wakatukile na kutinina ku Tashishi kufuma ku meho a Nyambi ya Ngula. Wayile ku Yopa oko akawanine shishepe shayilenga ku Tashishi, niho ayumbile mali a nzila na kwingina mu shishepe ngayi aye nabo ku Tashishi, kutina Nyambi ya Ngula.

Hambakuki 2:19

Makando nimwendi ukwambila shuma sha kubaza ngayi, “Tona,” Hinge ku limanya lya shimumu ngayi, “Katuka.” Kati ebye bikutwesha kuholola byuma ndi? Monenu, kanafwikiwi na ngolinde na shiliva, kami mukati kako mowa kwoya.