Yelemiya 10:8 - Libuka Lya Kuyela

⁸ Nimwabo bakuyeba na kubula ngana, ndaba kowa ebye ba kutwesha kulilongesha kutunankishi twa kubaza ha bitondo.

Yelemiya 10:8 Iomraidhean Croise

Nyimbo 115:8

Bantu aba babitendanga na naba bakukulupila mumwabyo, bafweke ngo tuya tunankishi batendanga.

Nyimbo 135:18

Bantu nimwabo batendanga otu tunankishi, na naba bakukulupila mumwabyo, bakafweka tuya tunankishi batendanga!

Ishaya 41:29

Mona, nimwabo aba banengi byowa, ebye ba kutenda byenga byowa, tunankishi twabo twa kuyungulula twa kupopa na kubula ngovu.

Ishaya 44:18

Bantu banehe, kowa ebye ba kulimuka, kami ku yuvwishisha bafwako. Meho abo anazimanana pe kutwesha ku mona bafwako, kami ngana zabo zinashinki, pe kutwesha ku yuvwishisha bafwako.

Ishaya 44:19

Kunaba bantu kowa muka kalimukisho. Kowa muka ngana, hinge muka ku yuvwishisha ukutwesha kwamba ngayi, “Nacabanga shitondo, kwinga nkuni za ku yibika mundilo, nayohangaho mankende na nyama iya na lyanga, haya kati nafwanina kubaza kanankishi ha shitondo shiya shina shalaho ndi? Kati nafwanina kufunkamina shivutu sha shitondo ndi?”

Yelemiya 10:14

Bantu nimwabo banengi bakuyeba, na kubula kalimukisho. Bamfuzi nimwabo banayeneshiwi na tunankishi twabo, ndaba banyambi babo ba mahalo kami wumi bafwawo.

Yelemiya 2:27

Bambanga ku mitondo ngayi, “Obe tatiyetu,” na ku limanya, “Obe mandiyetu.” Banamfutulukili, ngoboni oho muli mu wukalu mukwamba ngayi, “Yeka, utulamwine!”

Yelemiya 3:9

Kaliha waliyuvwile lisheni, wabipishile litunga oho atendelenga bya wunjenge ha kulemesha mamanya na bitondo.

Yelemiya 4:22

Nyambi ya Ngula ukwamba ngayi, “Bantu bami bakuyeba, kundimuka bafwako. Banengi ngonehe batwanuke bakubula ngana, kalimukisho bafwako. Benzilila kutenda byabibi ngoboni kulimuka kutenda byabiwahe bafwako.”

Yelemiya 5:4

Niho nambile ngayi, “Aba bantu banengi ba kushepwa, banengi bakubula ngana ndaba kulimuka nzila ya Nyambi ya Ngula bafwako, hinge kulimuka ebye akushinga Nyambi yabo bafwako.

Hoshiya 4:12

Bantu bami bakuya na kwipula shitondo, ngayi shibatongweze mwa kutendela. Kubuka mwa shikuma niko kwezanga mu mitima yabo. Banankana. Ngonehe mbuyama akwinga walwiholwiho, banalipana nibo bene ku banyambi bashenge.

Yona 2:8

Obo bakulemesha tunankishi twowa banafutamini nceshe za maleema abo kukwobe.

Hambakuki 2:18

Kati tukuwana bishini ku kanankishi, oho mukakukabaza wakabazakale shifwekesha sha kanankishi kakuyungulula, uku longesha bya mahalo. Ndaba ou wakabazile unakulupili muneshe atenda niyemwine mu kaya kanankishi ka shimumu.

Zakaliya 10:2

Ndaba tunankishi twa mu matala, twambanga byowa, bakakwawula bamonanga bya mahalo, kami bambanga milo ya mahalo. Babengezekanga na mazu a kubula kuyavwa. Nohobene, bantu ba kuyebangila ngo bambelele, bakuyandishiwa, ndaba ya kubula mulishani.