Yelemiya 10:7 - Libuka Lya Kuyela

⁷ Kati kuli wabula kukutina ndi, Obe Mwene wa matunga? Obe wafwanina kutiniwa, ndaba hakati ka bantu bangana ba matunga nimwawo, namu wene wabo nimwawo, kowa ou wakufweka.

Yelemiya 10:7 Iomraidhean Croise

2 Bamyene 17:39

Mukanyombatale Ami Nyambi ya Ngula Nyambi yenu, pe nikamilamwina ku bamalamo benu.”

1 Byambo 16:25

Nyambi ya Ngula wamunene. Nafwanini ku yemeziwa shikuma, uku fwanina kulemeekiwa shikuma kupitakana ba nyambi nimwabo.

Eshita 1:13

Shengile shiheka sha mwene kwipulanga bankongo bendi bakanangatima na ngana, bya ha kufundiziza na ha ndayano, pe wehanine bankongo baya ba kulimuka bya ku fwanina kutenda.

Nyimbo 147:5

Mwene wetu wamunene shikuma, na ngovu nimwazo, kami ngana zendi kutwesha kufwanikiziwa zifwako.

Nyimbo 22:28

Kulela kwenga kwa Nyambi ya Ngula, niye ukulela matunga nimwawo.

Nyimbo 47:3

Watufwomwene matunga, na kuwayaka ku nceto ya mawulu wetu.

Nyimbo 72:11

Bamyene nimwabo baka mu shungumanina, matunga nimwawo akamulemesha.

Nyimbo 76:7

Ngoboni obe, Nyambi ya Ngula, watiniwa ku bantu nimwabo. Yani wakutwesha kwimana ku lupala lwobe oho wapilamakale.

Nyimbo 86:8

Obe Mwene, kowa nyambi wakufweka, kowa mulimo wakufweka ngonehi wobe.

Nyimbo 86:9

Matunga nimwawo walengele akeza na ku shintama kukwobe, na kuyemeza lizina lyobe.

Nyimbo 89:6

Obe Nyambi ya Ngula, yani muyilu ukutwesha kulingana na nobe? Ku nimwabo ba muyilu kowa wakulifwanikiza na nobe.

Kututika 8:10

Fwalo wakumbwile ngayi, “Nzona ukandombelele.” Moshesha wambile ngayi, “Nikatenda ngonehe osho unamba, mwanga ulimuke ngayi kowa nyambi washenge wakufweka ngo Nyambi ya Ngula, Nyambi yetu.

Kututika 9:14

Shikati shino nikutuma malwa amanene, kaliha ha babilolo bobe naha bantu bobe tuhu, ngoboni nikashushwila kumo na nobe ngayi mwanga mulimuke ngayi kowa umo wafweka Ami muno mu litunga.

Ishaya 2:4

Nyambi ya Ngula ukayata byambo mukati ka matunga, na kumanisha nkani za bantu ba mishobo yayingi. Bakafula mikwale yabo kwinga makahu, na milinga yabo bakafulaho zimpoko. Matunga kukalwa na matunga amina afwako, hinge kuliwahishila bya nzita afwako.

Yelemiya 10:6

Obe Nyambi ya Ngula, kowa muntu waku kufweka, wenga uli wamunene, kami lizina lyobe lyenga lyalinene na ngovu.

Yelemiya 5:22

Nyambi ya Ngula ukwamba ngayi, kati kunyuvwila bowa mufwako ndi? Kati kukanka ku meho wami mufwako ndi? Nayakile lihekelela ngayi linge nginza na liwate, ya mwaya myaka ya kubula kukilukiwa, hinge ndi mankanyi akwenda ngoboni kukiluka nginza afwako kami hinge ndi akunkwancana ku shandola nginza afwako.

Ndanyele 2:27

Ndanyele wakumbwile ku meho a mwene ngayi, “Obe mwene ya Ngoma, kowa wakukeya, mukamalele hinge mukakwaula hinge mukakulaba nyenye ou ukutwesha kukutongweza eshe.

Ndanyele 2:28

Ngoboni kwali Nyambi wa muyilu niye ukuholola bya kukomokesha niye unatongweze hekulyetu Mwene Nembukandineza, ebye bikamoneka kumbili. Mulo na shimonekesho sha biya wamonene oho hinga walala ha wulili byenga ebye.

Hambakuki 3:2

Obe Nyambi ya Ngula nayuvwu mpupo yobe, nili na bowa, obe Nyambi ya Ngula ha milimo yobe. Haya yipindule kami mukati ka myaka yetu, mukati kayino myaka yikwayanishe, winge wa nceshe hingebene unapilama.

Zakaliya 2:11

Ha mutena uyo matunga amengi akalifungila na kwiza kuli Nyambi ya Ngula, pe bakenga bantu bami, kami ni kekala mukatikenu, kami niho eze mukalimuke ngayi, Nyambi wa Makunge niye nantumu kukwenu.

Malaki 1:11

Lizina lyami lyalinene hakati ka matunga nimwawo, kufuma kukututika kwa mutena kutwala na kukulela kwawo. Muzimbalila nimwazo incence ya kuhokesha iya yatutwishanga livumba lyaliwahe yatupuliwanga ku lizina lyami, na ntupu ya kuyela kulemeeka lizina lyami. Ndaba lizina lyami lyalinene mukati ka matunga.” Eshe nisho anamba Nyambi wa Makunge.

Luka 12:5

Ngoboni nikumimonesha ou mu ku fwanina kutina. Tinenu Nyambi ou, oho nazihi muntu, uli na ngovu za kumuyumbila mu ngehena. Ee, nikumitongweza ngayi ou mutinenu.

1 Kolinte 8:6

ngoboni kukwetu, kuli tuhu Nyambi umo, niye Tate, niye Shakalenga ou walengele byuma nimwabyo, kami wumi wetu uli mumwendi. Kami tuli na Mwene umo Yeshu Kilishitu. Nyambi walengele byuma nimwabyo kupitila mumwendi, kami tukuyoyela mumwendi.

Yoshuwa 4:24

Ndaba ya neshe bantu nimwabo hano hanci bakalimuke wunene wa ngovu za Nyambi ya Ngula eshe wekala, ngayi mukekale na bowa na Nyambi ya Ngula, Nyambi yenu, mwaya myaka.”

Kuholoka 11:15

Niho lingeloyi lya mutanu na abili lyashibile mpandula yalyo, pe kwekalile mazu abilikizilenga muyilu ngayi, “Wene wa kaye unafutuku kwinga wene wa Mwene wetu na wa uya Kilishitu wendi. Kami niye ukalela mwaya myaka!”

Kuholoka 15:4

Yani ukabula kukuyuvwila bowa, obe Mwene? Yani ukabula kupana maleema lizina lyobe? Ndaba obe tuhu wa kuyela. Ndaba matunga nimwawo akeza na kukulemesha ndaba kuyata kwobe kunamoneke.”