Yelemiya 10:6 - Libuka Lya Kuyela

⁶ Obe Nyambi ya Ngula, kowa muntu waku kufweka, wenga uli wamunene, kami lizina lyobe lyenga lyalinene na ngovu.

Yelemiya 10:6 Iomraidhean Croise

2 Shamwele 7:22

Obe Nyambi wa Makunge. Wunene wobe wakuma hati! Kowa wakufweka, Kami kowa nyambi wamina, Obe tuhu Nyambi tunaliyuvwili na matu wetu.

1 Byambo 16:25

Nyambi ya Ngula wamunene. Nafwanini ku yemeziwa shikuma, uku fwanina kulemeekiwa shikuma kupitakana ba nyambi nimwabo.

Nehemiya 4:14

Pe namonene ngayi bantu nimwabo baliyakatile, niho nambile kukwabo naku bakakutwaminina babo naku babilolo ngayi, “Hinga mutina bamalamo betu. Anukenu wunene wa Hekulyetu, Niye wenga wakukomokesha. Pe, mulwile bantu bamu litunga lyenu na bana benu babalume na bana benu ba bambuyama na bakazenu na minzi yenu.”

Nehemiya 9:32

“Obe Nyambi, Nyambi yetu, wunene wobe unyabo shikuma! Wenga wakukomokesha, kami wenga wa ngovu shikuma! Walamanga bikulupisho bya Kulimama kwobe na nceshe zobe za mwaya myaka. Ku balika ku shikati shiya batuyandishilenga bamyene Baashiliya, kukuma ni ku shikati shino. Anuka makando wetu! Bamyene betu na bana ba bamyene betu na bakankombela betu na bamiluwe betu, na bankakazetu na bantu betu nimwabo banayanda! Kufuma ku matena a bamyene ba Baashiliya kukuma na kulelo.

Nyimbo 145:3

Nyambi ya Ngula wamunene, uku fwanina kuyemeziwa shikuma, wunene wendi wakupitakana shikuma, kami shashikalu ku yuvwishisha.

Nyimbo 147:5

Mwene wetu wamunene shikuma, na ngovu nimwazo, kami ngana zendi kutwesha kufwanikiziwa zifwako.

Nyimbo 35:10

Nikawahilila na mutima wami nimwawo na kwamba ngayi, “Kati yani wakulifweka na nobe Nyambi ya Ngula? Ukulamwina ba kupopa, kuli aba banabapitakana ku ngovu. Bakuyanda na ba kushepwa kuli aba ba kubapukula.”

Nyimbo 48:1

Nyambi ya Ngula niye wamunene pe unafwanini kuyemeziwa shikuma muyo mu lukena lwa Nyambi yetu, ha lipili lyendi lya kuyela.

Nyimbo 96:4

Nyambi ya Ngula wamunene. Nafwanini ku yemeziwa shikuma, uku fwanina kulemeekiwa shikuma kupitakana ba nyambi nimwabo.

Kututika 15:11

“Obe Nyambi ya Ngula, yani wakulifweka na nobe mukati ka banyambi bowa? Yani wakulifweka na nobe, wamunene mu kuyela? Yani ukutwesha kwikala na wulemu, ngo obe ha kutenda bikomokesho na milimo ya ngovu?

Kututika 8:10

Fwalo wakumbwile ngayi, “Nzona ukandombelele.” Moshesha wambile ngayi, “Nikatenda ngonehe osho unamba, mwanga ulimuke ngayi kowa nyambi washenge wakufweka ngo Nyambi ya Ngula, Nyambi yetu.

Kututika 9:14

Shikati shino nikutuma malwa amanene, kaliha ha babilolo bobe naha bantu bobe tuhu, ngoboni nikashushwila kumo na nobe ngayi mwanga mulimuke ngayi kowa umo wafweka Ami muno mu litunga.

Ishaya 12:6

Wulumwinenu na tunkelenkele, yimbilenu nyimbo za ku wahilila enu bantu ba Ziyoni, ndaba ou wa Kuyela wa Ishalela, wamunene ou wekala mukatikenu.”

Ishaya 40:18

Kati yani mukutwesha kufwanikiza na Nyambi? Hinge bifwekesha ngani bya kumufwanikizisha.

Ishaya 40:25

Nyambi wa kuyela ukwamba ngayi, kati yani ukufwanikiziwa na nami? Kati ukutwesha kulyezeka na nami yani?

Ishaya 46:5

Kati mukamfwekesha nayani wakulyezeka na nami, mu kumfwanikiza nayani, ngayi twezekele hamo?

Ishaya 46:9

Anukenu byuma bya ku mwaka, ndaba Ami Nyambi, kowa wamina kami, Mwa shikuma Ami Nyambi, kowa wakulifwanikiza na nami.

Yelemiya 10:16

Nyambi wa Yakobo, kaliha walifweka na tunankishi. Niye walengele byuma nimwabyo kami wahatile Ishalela kwinga bantu bendi. Lizina lyendi, niye Nyambi wa Makunge.

Yelemiya 32:18

Unamoneshe nceshe zobe za mwaya myaka ku makulukazi, ngoboni washushulanga bantu ndaba ya wubi wa bahemi babo. Obe Nyambi wamunene wa ngovu shikuma. Lizina lyobe Nyambi wa Makunge.

Ndanyele 4:3

Bilimukisho byendi eshe byaneneha, na bikomokesho byendi eshe byekala na ngovu, Wene wendi wenga wa mwaya myaka, kulela kwendi kukekala kufuma ku mukoka kuya kuwamina.

Ndanyele 4:34

Oho shikati shamanine, ami Nembukandineza natilaminine meho wami kuyilu, ngana zami zabokele kukwami. Nayemezele Wakukangana na kumupana maleema na wuwahe ou wayoya mwaya myaka. Ndaba kulela kwendi kwenga kwa mwaya myaka, na wene wendi ukalaluka kufuma ku mukoka na kuya ku mukoka wamina.

Malaki 1:11

Lizina lyami lyalinene hakati ka matunga nimwawo, kufuma kukututika kwa mutena kutwala na kukulela kwawo. Muzimbalila nimwazo incence ya kuhokesha iya yatutwishanga livumba lyaliwahe yatupuliwanga ku lizina lyami, na ntupu ya kuyela kulemeeka lizina lyami. Ndaba lizina lyami lyalinene mukati ka matunga.” Eshe nisho anamba Nyambi wa Makunge.

1 Kolinte 8:6

ngoboni kukwetu, kuli tuhu Nyambi umo, niye Tate, niye Shakalenga ou walengele byuma nimwabyo, kami wumi wetu uli mumwendi. Kami tuli na Mwene umo Yeshu Kilishitu. Nyambi walengele byuma nimwabyo kupitila mumwendi, kami tukuyoyela mumwendi.

Ndayano 32:31

Bakankole babo hibalimuka ngayi banyambi babo ba kupopa, kulyezeka na Limanya lya Ishalela bafwako.

Ndayano 33:26

Kowa nyambi wakufweka ngonehe Nyambi yenu, enu bantu ba Yeshulani, ou ukwenda mu mbimbayilu. Ukukunkuluka na kupita mu makumbi kwiza mu kumiyavwa.