Yelemiya 10:4 - Libuka Lya Kuyela

⁴ Shiya shinabaziwi bashiwahishanga shiwahe na shiliva na ngolinde, bashipampalanga na bipikili ngayi hinga shiwa.

Yelemiya 10:4 Iomraidhean Croise

Nyimbo 115:4

Ngoboni tunankishi twabo twatendiwa ha shiliva na ngolinde, twatendiwa na maboko a bantu.

Nyimbo 135:15

Banyambi ba matunga batendiwa ha shiliva na ngolinde, batendiwa na maboko a bantu.

Ishaya 44:12

Mfuzi wafulanga shondo ha mundilo wa mu ncaka, wafulanga kanankishi na shikoma anakwata na maboko wendi a ngovu, oho afulanga, wayuvwanga nzala na linyontwa, kami wakwanganga.

Ishaya 46:6

Bantu bamo ba kushukumuna ngolinde mu zimpamba zabo, pe ba kufwanikiza ngolinde mu bipimo. Bakwihana mfuzi pe ukubatendelaho nyambi, niho ba kushintama hanci na kukalemesha.

Ishaya 46:7

Bakukakatula na kukashimba ku bifuzi na kukatwala, pe ba kukayaka mu mwanya wako, kakemanangamo. Kukatwesha kuhenya muyo kafwako. Hinge ndi muntu ukukabilikiza, kutwesha kukumbula kafwako, hinge kutwesha kumupulwisha ku wukalu kafwako.

Hoshiya 13:2

Nihano bashili kutenda wubi, banatende tunankishi twa kuyungulula ha shiliva. Tunankishi tunatendiwi na bantungu bakwamba ngayi, “Tupulenu zinkombela kukwabo, lemeshenu tunankishi twa bana ba zingombe pe mutuzupezupe.”

Hambakuki 2:19

Makando nimwendi ukwambila shuma sha kubaza ngayi, “Tona,” Hinge ku limanya lya shimumu ngayi, “Katuka.” Kati ebye bikutwesha kuholola byuma ndi? Monenu, kanafwikiwi na ngolinde na shiliva, kami mukati kako mowa kwoya.