Yelemiya 10:12 - Libuka Lya Kuyela

¹² Nyambi ya Ngula niye walengele hanci na ngovu zendi, walengele kaye na ngana zendi, na kalimukisho kendi watandubwile mayilu.

Yelemiya 10:12 Iomraidhean Croise

Shitatiko 1:1

Ha kutatika Nyambi walengele liyilu na kaye.

Shitatiko 2:5

kwabulile bya kumena hanci kami kowa mbuto yamenene ndaba Nyambi ya Ngula kaliha walokeshele mvula hano hanci, kami kwabulile muntu wa kulima mafuba.

1 Byambo 16:26

Ba nyambi nimwabo ba matunga amina banengi tuhu tunankishi, ngoboni Nyambi ya Ngula niye walengele mayilu.

Yobo 26:7

Nyambi watandubwile liyilu lya ku ncelele mumbimbayilu, na kunyenzelesha hanci ha wuntangantanga.

Yobo 37:18

Kati obe ukutwesha kuyavwa Nyambi ha kutandubula mbimbayilu, na kuyishumisha kwinga ngonehe shondo ndi?

Yobo 9:8

Nyambi ninkayendi niye tuhu watandubwile mayilu, na kwenda ha mankanyi a liwate.

Nyimbo 104:2

Unalifwiki liyeye ngonehe shivwalo. Unatandubulu mayilu ngonehe shiya batandubulanga ntanda,

Nyimbo 104:24

Obe Nyambi ya Ngula, unatende byuma byabingi! Wabitendele nimwabyo na ngana! Hanci hanenzala na bibumbwabumbwa byobe.

Nyimbo 119:90

Kwoloka kwobe kukekalanga ku mikoka nimwayo, wayakile kaye mu mwanya, kami kekalilila.

Nyimbo 24:2

Wazikile mwimbi wako mu mampunga a liwate, pe wakayalile ha mishinzi.

Nyimbo 33:6

Nyambi ya Ngula wambile pe mayilu alengiwile, Mimuni nimwayo ya lengiwile na lizu lyendi.

Nyimbo 65:7

Wamweneshanga kukwancana kwa mawate na miyoyo ya mankanyi. Wamweneshanga kushongwanya kwa miyoyo ya bantu.

Nyimbo 78:69

Wazikile mwanya wendi wa kuyela, ngonehe mayilu, wawushumishile ngonehe ha shuma naho hanci, mwaya myaka.

Nyimbo 93:1

Nyambi ya Ngula niye mwene. Wavwala maleema na nyala ngonehe mwene avwalanga bivwalo byabiwahe. Kaye wakashumisha, pe kowa ukutwesha kukahenyesha.

Zincimpi 3:19

Nyambi ya Ngula na ngana zendi walengele kaye, na ku yuvwishisha kwendi walengele mayilu.

Zincimpi 30:4

Kati yani nakandama kuyilu na ku huluka? Kati yani wakungula mpepo mu liboko lyendi na kuyikamatila? Kati yani wavungila mema mu shivwalo shendi? Kati yani wazikanga zinkumo za hano hanci? Kati lizina lyendi yani? Kami lizina lya mwanendi kati yani? Ndi hiwulimuka ntongweze.

Ishaya 37:16

“Obe Nyambi wa Makunge, Nyambi wa Ishalela, unekala ha litanda lya wene wobe hayilu ya makelumbi, obe Nyambi, ninkayobe ukalela wene nimwawo wa hano hanci. Obe walengele hanci na liyilu.

Ishaya 40:22

Nyambi niye ukulela hano hanci nimwaho, kami aba bekalamo bakufweka ngo bambimba. Ukutandubula mayilu ngo likwiza lya shibamba, na kuwatandubula kufwekesha ntanda ya kwikalamo.

Ishaya 42:5

Eshe nisho anamba Nyambi, Nyambi ya Ngula, ou walengele mayilu na kuwatandubula, ou wayalile hanci na kupaho nimwabyo biliho, ou ukupana wumi na moyo ku bantu nimwabo baliho.

Ishaya 44:24

Nyambi ya Ngula ukwamba ngayi, Mukakumikuliza ou wamibumbile ukwamba nehe ngayi, Ami Nyambi ya Ngula, ou walengele byuma nimwabyo, Ami ninkayami natandubwile mayilu, ha kutandubula hano hanci, yani wekalile na nami?

Ishaya 45:12

Nalengele hanci, na kubumbilaho muntu. Engile maboko ami aya atandubwile mayilu, na kuyaka nimwabyo biya bilimo.

Ishaya 45:18

Ndaba eshe nisho anamba Nyambi ya Ngula, ou walengele mayilu, niye bene Nyambi! Ou wabumbile hano hanci na kutendaho, wazikile mwimbi waho, kaliha walengele tuhu ngayi hekale nahiya, wabumbileho ngayi henge mwanya wakuzika, Ami Nyambi ya Ngula, kami kowa wamina.

Ishaya 48:13

Liboko lyami lyatendele mwimbi wa hanci, na liboko lyami lya shilyo lyatandubwile mayilu, oho nikwihana kukwabyo, bikwimana hamo.

Ishaya 49:8

Nyambi ya Ngula ukwamba ngayi, oho shikati sha kumipulwisha shakakuma, nikamiyamiziza, na kukumbula malombelo wenu. Nikamilama na kumi koweza ngayi mumwenu nimo nikalimama, na bantu bami nimwabo nikamitabilisha kwikala mu litunga lyenu, kami elye linafutuku mapembe lelo.

Yelemiya 10:13

Oho ambanga, mema a muyilu ankwancananga, ukukakamisha makumbi kwakumina hano hanci. Wamwesheshanga mimuni ya kulokesha mvula kami wapepokeshanga, mpepo kuyifumisha oku ayikongelanga.

Yelemiya 10:16

Nyambi wa Yakobo, kaliha walifweka na tunankishi. Niye walengele byuma nimwabyo kami wahatile Ishalela kwinga bantu bendi. Lizina lyendi, niye Nyambi wa Makunge.

Yelemiya 14:22

Tunankishi twowa twa bakamatunga, kutwesha kulokesha mvula tufwako. Liyilu ninkayalyo, kutwesha kulokesha mvula lifwako. Obe Nyambi ya Ngula, Nyambi yetu, mumwobe nimo tukulumbeza, ndaba obe watendanga ebye nimwabyo.

Yelemiya 27:5

“Na nyala zami zazinene na liboko lyami lya ngovu nalengele kaye na bantu na batuyamana nimwabo bali hanci, pe nabipananga ku muntu ou uku moneka shiwahe kukwami.

Yelemiya 32:17

obe Nyambi ya Ngula, obe walengele mayilu na hano hanci na ngovu zobe zazinene na liboko lyobe. Kowa shuma shashikalu kukwobe.

Zakaliya 12:1

Lizu lya Nyambi ya Ngula alubulwile muluwe wa Nyambi hali Ishalela. Nyambi ya Ngula, ou watandubwile mayilu na kuyaka mwimbi wa hano hanci, ou wayakile moyo wa muntu ou uli mumwendi, ukwamba ngayi,

Yowano 1:3

Nyambi walengele byuma nimwabyo kupitila mumwendi, kowa shuma shimo shalengiwile kwakubula niye.

Koloshe 1:16

Ndaba kupitila mumwendi Nyambi walengele byuma nimwabyo bili muyilu na hano hanci, bya ku moneka na bya kubula ku moneka, hinge matanda, hinge ngovu za kulela, hinge batulela, hinge ngovu za kutwaminina byuma nimwabyo byalengiwile kupitila mumwendi, kami byenga byendi.