Yelemiya 10:10 - Libuka Lya Kuyela

¹⁰ Ngoboni Nyambi ya Ngula wenga Nyambi wa kupwisha, wenga Nyambi wakuyoya, kami wenga Mwene wa mwaya myaka. Oho akalihanga hano hanci hakankanga, kami matunga kutwesha kwimana ku wukali wendi afwako.

Yelemiya 10:10 Iomraidhean Croise

Shitatiko 21:33

Niho Abulahama atampikile mutondo wa Tamalishika mu Mbelishemba na kulemesha Nyambi ya Ngula, Nyambi wa mwaya myaka.

1 Bamyene 18:39

Oho bantu bamonene eshe baliyumbilile nibo bamwine hanci, pe bakalokele ngayi, “Nyambi ya Ngula niye Nyambi! Nyambi ya Ngula, ninkayendi niye Nyambi.”

1 Bamyene 8:60

Nohobene haya ngayi mikoka nimwayo ya hano hanci yilimuke ngayi Nyambi ya Ngula ninkayendi niye Nyambi, kowa washenge.

1 Byambo 29:11

Obe wamunene na ngovu na wuwahe na maleema na mukakukoma. Byuma nimwabyo bili muyilu na byuma nimwabyo bili hanci binengi byobe, kami uli mwene na kalela wakupitakana nimwabo.

2 Byambo 15:3

Ndaba Ishalela wayoyele shikati shashitali sha kubula kulemesha Nyambi wa kupwisha na kubula kwikala na bakankombela ba kubalongesha, kami na kubula ndayano.

Yobo 9:6

Nyambi wakankishanga kaye mu mwanya wako, na bishimi byanyenkananga.

Nyimbo 10:16

Nyambi ya Ngula niye mwene mwaya myaka. Ukafumisha bakakulemesha ba nyambi bowa mu litunga lyendi.

Nyimbo 100:3

Limukenu ngayi Nyambi ya Ngula, niye Nyambi! Niye watutendele, kami tuli bendi, tuli bantu bendi, bambelele bamu mulaka wendi.

Nyimbo 100:5

Ndaba Nyambi ya Ngula wamuwahe, shishemo shendi sha mwaya myaka, kami kwoloka kwendi kuli ku mikoka nimwayo.

Nyimbo 104:32

Oho wapenzanga hanci, pe hakankanga, oho wakwatanga mapili, atutumanga wishe.

Nyimbo 114:7

Kanka ku meho a Mwene, obe hanci ku meho a Nyambi wa Yakobo,

Nyimbo 145:13

Wene wobe wenga wene wa mwaya myaka, kulela kwobe kukekala ku mikoka nimwayo. Nyambi ya Ngula wenga wa kwoloka ku mazu wendi nimwawo, na shishemo kunebye atenda nimwabyo.

Nyimbo 146:6

Ou walengele liyilu na hanci, na liwate na biya bilimo nimwabyo. Ukulama kwoloka kwendi mwaya myaka.

Nyimbo 18:7

Niho hanci hakankile pe hanyenkanine, mimbi ya mapili ya kankile na ku nyenkana, ndaba Nyambi wapilamine.

Nyimbo 29:10

Nyambi ya Ngula wekala ha litanda na kulela mampunga a mema, hinga enga mwene mwaya myaka.

Nyimbo 31:5

Ni kupana moyo wami mu maboko wobe. Obe Nyambi ya Ngula, u na nkulizi, Obe Nyambi wa kwoloka.

Nyimbo 42:2

Nili na linyontwa lya kushinga Nyambi, Nyambi wakuyoya. Kati mutena ngani nikamona lupala lwa Nyambi?

Nyimbo 68:11

Mwene wapanine ndayano, pe bambuyama babengi bashimbile ncango zaziwahe.

Nyimbo 68:8

Hanci hanyenkanine mayilu alokeshele mvula ku meho a Nyambi, hinge ndi nilyo lipili lya Shinayi lyakankile ku meho a Nyambi, Nyambi wa Ishalela.

Nyimbo 74:12

Ngoboni Obe Nyambi naku mwaka, obe uli mwene yetu. Unalete kupulwisha hano hanci bikati byabingi.

Nyimbo 76:7

Ngoboni obe, Nyambi ya Ngula, watiniwa ku bantu nimwabo. Yani wakutwesha kwimana ku lupala lwobe oho wapilamakale.

Nyimbo 76:8

Oho uli omo muyilu wayatile hano hanci, ba hano hanci batinine na ku mwena.

Nyimbo 77:18

Kumbyazeka kwa mishika yobe kwayuvwanikile mukakundukundu, kumwesha kwa mimuni yobe kwamunikile mukaye, hanci hakankile pe hanyenkanine.

Nyimbo 84:2

Mutima wami uli na nyumwa shikuma, ndaba ya Litala lya Nyambi ya Ngula. Nikwimbila na ku wahilila na mutima wami nimwawo kuli Nyambi wakuyoya.

Nyimbo 9:8

Ukulela kaye mu kulunga, wayatanga bantu mu kupwisha.

Nyimbo 90:11

Yani ukulimuka ngovu za wukali wobe? Ndaba kupilama kwobe kwaleteshanga bantu kukutina.

Nyimbo 90:2

Oho shilolo ulenge mapili, hinge kulenga hano hanci na kaye, wengile Nyambi wa mwaya myaka. Kami ukenga Nyambi wa mwaya myaka.

Nyimbo 93:2

Obe Nyambi ya Ngula, litanda lyobe lya wene, unalishumishi ku balika kushikale, kami wekalileko oho kaye shilolo kalengiwe.

Nyimbo 97:4

Mimuni ya kumwesha kwendi yikumunika ha kaye, pe hanci ha kukanka.

Ishaya 37:17

Haya, obe Nyambi ya Ngula tengeka litu lyobe utuyuvwe na kupenza meho wobe kukwetu obe Nyambi ya Ngula umone. Yuvwilila ku byuma nimwabyo biya anambanga Shenakelimba bya kukuhandula obe Nyambi wakuyoya.

Ishaya 37:4

Mwene wamunene wa Ashiliya unatumu shilolo wendi wa mukulwane wa nzita kwiza mu kuhandula Nyambi wakuyoya. Nyambi ya Ngula, Nyambi yobe unayuvwu lihandu eli, pe ashushule baya bambabyo, nohobene lombelelenu bantu betu banashalaho kuli Nyambi.’”

Ishaya 40:15

Mona, matunga akufweka ngonehe limata lya mema a kukwanzulula mu ntesho, kami a kulabiwa ngo lukungu ha shipimo. Ukufwanikiza bikuli kwinga ngo lukungu lwaluhehu.

Ishaya 40:28

Kati kulimuka ufwako ndi? Kati shilolo uyuvwe ndi? Nyambi ya Ngula niye Nyambi wa mwaya myaka, Niye walengele kaye nimwako. Kaliha wakwanganga hinge kupopa, kowa ukutwesha kupima ngana zendi.

Ishaya 57:15

Ami Nyambi uli hayilu ya nimwabyo, Nyambi wa kuyela, ou wayoya mwaya myaka, Ami Nyambi wayoya hayilu, na kumbalila ya kuyela. Ngoboni nekala na bantu ba kulilimbwilisha na kutenguluka, ngayi nipindule kukanca na kulumbeza kwabo.

Ishaya 65:16

Nohobene ou ukushinga mfuywezi mu litunga liyo, ukanyepa mfuywezi kuli Nyambi wa kupwisha, kami muntu nimwendi ukulibeza mu litunga liyo, ukalihaha na Nyambi wa kupwisha, Ndaba wukalu wakumwaka unavulamiwi, kami unafumishiwi ha meho wami.

Yelemiya 23:36

Nohobene kaliha ba ku fwanina kuliyavwisha mazu awa akwamba ngayi, ‘Muziho wa Nyambi ya Ngula,’ ndaba ndi muntu ukutenda noho, nikamona ngayi mazu wami unengi muziho bene kukwendi, ndaba bantu banaluwanganishi mazu a Nyambi yabo, Nyambi wa Makunge.

Yelemiya 4:2

haya ndi ukulibeza ha lizina lyami mu kulunga namu kupwisha na mukwoloka ngayi, ‘Ngonehe Nyambi ya Ngula ayoya,’ niho matunga nimwao akanyepa mfuywezi zami na kunyemeza.”

Yelemiya 4:24

Napenzele ku mapili, anyenkaninenga na binkanda byakankilenga.

Yelemiya 50:46

Oho Mbambiloni akakoniwa, kaye kakakanka, lukuwa lwa kulila kwabo lukayuvwanika ku matunga amina.”

Yelemiya 51:29

Hanci hali na kunyenkana na kukanka, ndaba Nyambi ya Ngula uli na kutenda bifungo byendi, bya kulwisha Mbambiloni na kulobesha litunga lya Mbambiloni ngayi mwanga kukabule muntu wakwikalamo.

Ndanyele 4:3

Bilimukisho byendi eshe byaneneha, na bikomokesho byendi eshe byekala na ngovu, Wene wendi wenga wa mwaya myaka, kulela kwendi kukekala kufuma ku mukoka kuya kuwamina.

Ndanyele 4:34

Oho shikati shamanine, ami Nembukandineza natilaminine meho wami kuyilu, ngana zami zabokele kukwami. Nayemezele Wakukangana na kumupana maleema na wuwahe ou wayoya mwaya myaka. Ndaba kulela kwendi kwenga kwa mwaya myaka, na wene wendi ukalaluka kufuma ku mukoka na kuya ku mukoka wamina.

Ndanyele 6:26

Nikutuma ndayano ngayi mu litunga lyami nimwamo, muntu nimwendi uku fwanina kutina na kulemeeka Nyambi wa Ndanyele, niye Nyambi wakuyoya, na kulela mwaya myaka. Wene wendi ukabula kulobeshiwa, kami ngovu zendi kukamana zifwako.

Ndanyele 6:27

Walamwinanga na kupulwisha, watendanga bilimukisho na bikomokesho muyilu na hano hanci. Unalamwini Ndanyele ku ngovu za babimbwi.”

Ndanyele 7:14

Bapanikile ngovu na maleema na ngovu za wene, pe bakamatunga nimwawo na zindimi nimwazo bamutendelele milimo. Ukalela mwaya myaka na wene wendi ufwako kukamana.

Yowele 2:11

Nyambi ya Ngula ukabilika na kutongweza bakanzita bendi, ndaba bakanzita bendi banengi babengi shikuma, aba bakwombatala mazu wendi bakwinga bangovu. Mutena wa Nyambi ya Ngula wawunene, kami wakutinishiwa. Yani ukutwesha kuwupanza?

Mika 1:4

Niho mapili akanyongotoka mu nceto yendi, ngonehe shela ya nyongotoka ku mundilo. Bakabayitila mu mikulo ngonehe mema akukunkula ku ncezumuko ya shinkanda.

Nahumi 1:5

Mapili akankanga ku meho wendi, kami binkanda byamyongotokanga hanci, kaye kendanga ku meho wendi, na nimwabo bekalamo bakakanka.

Nahumi 1:6

Kati yani ukatwesha kwimana ku meho wendi ndi napilama? Yani ukutwesha kukemana ku ntukumina ya wukali wendi? Wukali wendi walashekanga ngonehe mundilo, kami mamanya apabozokanga ku meho wendi.

Hambakuki 3:10

Oho mapili akumonene, akankile. Mema alibazi ahwentele. Mampunga akwancanine, na kukatwila mankanyi muyilu.

Hambakuki 3:6

Wemanine, niho anyenkanishile hanci, waconcomekele na kukankisha matunga. Mapili a mwaka apabozokele na binkanda byanyomenene hanci. Zinzila zendi zekala mwaya myaka.

Malaki 3:2

Ngoboni yani ukatwesha ku shuma ha mutena wakwiza kwendi? Kami yani ukatwesha kwimana oho akaholoka? Ndaba unafweke ngonehe mundilo wa mu ngaanze wayungululanga, nafweke ngonehe mulola wa mukakuyowesha makwiza.

Mateo 16:16

Shimoni Pita wakumbwile ngayi, “Obe uli Kilishitu Mwana Nyambi wakuyoya.”

Mateo 26:63

Ngoboni Yeshu wamwenene. Niho kami Mukulwane wa Bakankombela Nimwabo ambile kukwendi ngayi, “Nikubeza mu lizina lya Nyambi wakuyoya ngayi, tutongweze ndi obe Kilishitu Mwana Nyambi.”

Yowano 17:3

Pe wumi owe wa mwaya myaka kunengi kukulimuka obe tuhu Nyambi wa kupwisha na kulimuka Yeshu Kilishitu ou watumine.

Milimo 14:15

“Enu bantu, kati ndabangani mukutenda ebye? Etu kami tuli bantu ngonehe enu, tukumishimikila ncango zaziwahe ngayi mutengulukile kuli Nyambi wakuyoya, ou walengele liyilu na hanci na liwate na biya bilimo nimwabyo ngayi mufume ku byuma ebye byowa.

Ndayano 32:4

“Nyambi ya Ngula unengi limanya, mulimo wendi unengi wakwoloka, nengi wakulunga na kupwisha mu zinzila zendi nimwazo. Nyambi yenu unengi wakwoloka na kubula mulandu, zintendelo zendi za kupwisha na kwoloka.

Ndayano 5:26

Kati kwekalile muntu yani uya wayuvwile Nyambi wakuyoya hamba mu mundilo, pe ha kutwalililaho kuyoya ndi?

1 Teshalonika 1:9

Ndaba bantu nimwabo bakwamba eshi mwatutambwile oho twezile kukwenu naneshi mwatengulukilile kuli Nyambi oho mwafumine ku tunankishi ngayi mwinge bakamilimo ba Nyambi wakuyoya na kupwisha,

1 Timoteo 1:17

Kuli Mwene wa mwaya myaka, wakubula kufwa, wakubula ku moneka, Nyambi umo pele, kukwendi kwikale maleema na wuwahe wa mwaya myaka! Ameni.

1 Timoteo 6:17

Tongweza bakakuheta mu kaye kano ngayi hinga baliyemeza hinga kulumbeza mu wuheti, ngoboni muli Nyambi, ou ukutupana byuma nimwabyo ngayi tuwahilile.

Bahebelu 10:31

Shenga sha kutinisha shikuma kuwila mu maboko a Nyambi wakuyoya.

Yoshuwa 3:10

Niho Yoshuwa ambile ngayi, “Haya lelo mulimuke ngayi Nyambi wakuyoya uli hakati kenu, kukakwanga ufwako. Oho mu kuya na kulikaka, ukatanda Bakenaani na Bahita na Bahivi na Bapelizi na Bangilingashi na Baamoli na Bayembushi.

1 Yowano 5:20

Kami tukulimuka ngayi Mwana Nyambi unezi, unatupana ku yuvwishisha ngayi tulimuke ou wa kupwisha, kami tuli mumwendi ou wa kupwisha, hinge muli Mwanendi Yeshu Kilishitu mwine. Niye Nyambi wa kupwisha, ou niwo wumi wa mwaya myaka.

Kuholoka 20:11

Kami namonene litanda lyalinene lya kutuba na uya wekalileho. Hanci na liyilu byatinine ku meho wendi, pe kaliha byamonekele.

Bakakuyata 5:4

Nyambi ya Ngula, oho watutikile ku mapili a Sheyili, oho wafumine mu litunga lya Endoma, hanci hakankile pe mvula walokele. Ingoi, mema afumine mu makumbi kuyitikila hanci.

1 Shamwele 17:26

Ndavita wepwile bantu aba bekalile kwakwipi nendi ngayi, “Kati muntu ukaziha ou Kafwilishitina na kufumisha lihandu elye ku Ishalela ukatambula bishini? Kati yani ou Kafwilishitina wakubula kuya ku mukanda, unakuhandula nzita ya Nyambi wakuyoya?”

1 Shamwele 17:36

Mukamulimo wobe wazihile babimbwi na bambeya. Pe nisho nikatenda kami kuli ou Kafwilishitina wakubula kuya ku mukanda, ou na handulu nzita ya Nyambi wakuyoya.”