Yelemiya 1:3 - Libuka Lya Kuyela

³ Niho Nyambi ya Ngula ambile kami kukwendi oho Yehoyakimu mwana Yoshiya, mwene wa litunga lya Yunda. Wambile kukwendi kami bikati byabingi kukuma naku mwaka wawulikumi na umo wakulela kwa mwene Zendekiya mwana Yoshiya, mwene wa mu Yunda, kutwala na mu ngonda ya mutanu ya mwaka uya bantu bamu Yelushalema batwaliwile mu wuntapwa.

Yelemiya 1:3 Iomraidhean Croise

2 Bamyene 23:34

Mwene Neko wakwatile mwana Yoshiya wa mulume Eliyakimu kwinga mwene wamu Yunda ku shwana Yoshiya, pe wafutwile lizina lyendi kwinga Yehoyakimu. Yehoyahazi watwaliwile ku Engepita kuli Mwene Neko, pe kuyo niko akafwililile.

2 Bamyene 24:17

Nembukandineza mwene waku Mbambiloni wakwatile Mataniya kanyantu ka Yehoyakini kwinga mwene wamu Yunda, pe wafutwile lizina lyendi ngayi Zendekiya.

1 Byambo 3:15

Yoshiya wabelekele bana babalume banaa, bengile ba Yohanani na Yehoyakimu na Zendekiya na Yowahazi.

Yelemiya 1:4

Nyambi ya Ngula wambile kukwami ngayi,

Yelemiya 34:1

Nyambi ya Ngula wambile kuli Yelemiya, oho mwene Nembukandineza wa Mbambiloni na banzita bendi na wene nimwawo wa hanci uya wekalile mu maboko wendi hamo na mikoka nimwayo, yalwishilenga Yelushalema na minzi yekalile kwakwipi.

Yelemiya 35:1

Ha matena a Yehoyakimu mwana Yoshiya oho engile mwene wa baka Yunda, Nyambi ya Ngula wambile kuli Yelemiya ngayi,

Yelemiya 36:2

“Shimba libuka lya kuzenga utikitemo mazu nimwawo aya nakutongwezele a hali Ishalela na Yunda na matunga nimwao. Tikita mazu nimwawo aya nakutongwezele ku balika ku shikati shiya natatikile kwamba kukwobe oho Yoshiya ushili kwinga mwene kukuma na ku mutena walelo.

Yelemiya 39:2

Mu mwaka wawulikumi na umo wakulela kwa mwene Zendekiya mu ngonda ya wunaa ha mutena wa mutanu na anaa, twimbi twa lukena twatubuliwile nimwato.

Zakaliya 7:5

“Tongweza bantu nimwabo bamu litunga na bakankombela ngayi, oho mwalilile na kuzila kulya, mu ngonda wa mutanu na wa mutanu na zibili, mu myaka eye 70, kati mwazililenga kulya ndaba ya nami ndi?

Zakaliya 8:19

Eshe nisho anamba Nyambi wa Makunge ngayi, “Kuzila kulya kwa ngonda ya wunaa, ya mutanu naya mutanu na zibili na ya wulikumi bikenga bikati bya ku wahilila na kutangala, kami bikenga bimbo bya ku wahilila ku baka litala lya Yunda. Nohobene hakenu bya kupwisha na ku mwena.”