Nyimbo 99:3 - Libuka Lya Kuyela

³ Bantu nimwabo bakayemeza wunene wa lizina lyendi lya maleema. Niye wa Kuyela.

Nyimbo 99:3 Iomraidhean Croise

Nehemiya 1:5

“Obe Nyambi ya Ngula! Obe Nyambi wa Muyilu! Uli wamunene na kukomokesha. Walamanga Kulimama kwobe na shishemo shobe mwaya myaka nanobo ba ku kuhaka na kutenda ebye ukubatongweza.

Nehemiya 4:14

Pe namonene ngayi bantu nimwabo baliyakatile, niho nambile kukwabo naku bakakutwaminina babo naku babilolo ngayi, “Hinga mutina bamalamo betu. Anukenu wunene wa Hekulyetu, Niye wenga wakukomokesha. Pe, mulwile bantu bamu litunga lyenu na bana benu babalume na bana benu ba bambuyama na bakazenu na minzi yenu.”

Nehemiya 9:32

“Obe Nyambi, Nyambi yetu, wunene wobe unyabo shikuma! Wenga wakukomokesha, kami wenga wa ngovu shikuma! Walamanga bikulupisho bya Kulimama kwobe na nceshe zobe za mwaya myaka. Ku balika ku shikati shiya batuyandishilenga bamyene Baashiliya, kukuma ni ku shikati shino. Anuka makando wetu! Bamyene betu na bana ba bamyene betu na bakankombela betu na bamiluwe betu, na bankakazetu na bantu betu nimwabo banayanda! Kufuma ku matena a bamyene ba Baashiliya kukuma na kulelo.

Nehemiya 9:5

Kami Balevi aba batwamininine bantu mu kulemesha bengile ba Yeshuwa na Kandimiyele na Mbani, Hashambineya na Shelembiya na Hondiya na Shembaniya na Petahiya. Nibo bambile ngayi, “Katukenu na kuyemeza Nyambi ya Ngula, Nyambi yenu, muyemezenu mwaya myaka! Yemezenu lizina lyendi lyaliwahe, ndaba kuyemeza kwa muntu kumulingana kufwako.”

Nyimbo 100:4

Yinginenu ku mapangati wendi na kukambilila, yenu mu binzanza byalyo na kumuyemeza. Mukambililenu na kuyemeza lizina lyendi.

Nyimbo 103:1

Yemeza Nyambi ya Ngula, obe moyo wami! Wuntu nimwawo uyemeze lizina lyendi lya kuyela!

Nyimbo 111:9

Nakulizi bantu bendi, pe unashumishi nabo kulimama kwa mwaya myaka. Lizina lyendi lyenga lya kuyela na kutinisha!

Nyimbo 145:17

Nyambi ya Ngula wakulunga mu zinzila zendi nimwazo, wekala na shishemo mu nebye atendanga nimwabyo.

Nyimbo 66:3

Ambenu kuli Nyambi ngayi, “Milimo yobe yakomokesha! Ngovu zobe zazinene, nohobene bamalamo bobe bakalamba na bowa kumbili yobe.

Nyimbo 76:1

Nyambi unalihololo mu litunga lya Yunda, lizina lyendi lyalinene mu Ishalela.

Nyimbo 76:12

Niye wabaletelanga kulishepesha batulela bakuliyemeza, niye wakutinisha ku bamyene ba hanci.

Ishaya 6:3

Embililenga ngayi, “wa Kuyela, wa kuyela, wa kuyela, Nyambi wa Makunge, wa kuyela, Kaye nimwako kanenzala na wuwahe wendi.”

Yelemiya 20:11

Ngoboni obe Nyambi ya Ngula uli hamo na nami ngonehe kanzita wa ngovu. Aba ba kundwisha bakakwanga kami bafwako kukantwesha. Bakayeneshiwa ndaba kutwesha kukoma bafwako. Lisheni lyabo kukavulamiwa lifwako.

Yowano 17:11

Haya nili na kwiza kukwobe. Kaliha nishili mu kaye ngoboni nibo bashili mu kaye. Obe Tate wa Kuyela! Balame na ngovu za lizina lyobe, lizina wampanine, ngayi benge umo, ngonehe obe na nami twenga umo.

Ndayano 28:58

“Ndi mufwako kwombatala na kulunga, ndayano nimwazo za Nyambi ziya zinatikitiwi mu libuka elye na kulemeeka lizina lya kukomokesha na kutinisha lya Nyambi ya Ngula, Nyambi yenu,

Ndayano 7:21

Nohobene hinga mutina aba bantu. Nyambi ya Ngula, Nyambi yenu, ulinanenu. Nyambi wenga wamunene, kami niye unafwanini kutiniwa.

Yoshuwa 24:19

Ngoboni Yoshuwa wambile ku bantu ngayi, “Kukatwesha mufwako kutendela milimo Nyambi ya Ngula ndaba wenga Nyambi wa kuyela, wenga Nyambi walihungu, kami kukamiyatila wubi wenu ufwako.

Kuholoka 4:8

Umo na umo kunebye bibumbwabumbwa bya kuyoya binaa byekalile na mbando za mutanu na lumo, kami byekalile na meho ha lutu nimwaho, mwaana na wushiku kaliha byalehele kwimbila ngayi, “wa Kuyela, wa kuyela, wa kuyela, niye Mwene Nyambi Mpandashilanga, ou wekalileko, ou uliko, ou ukeza.”

1 Shamwele 2:2

Kowa muntu wa kuyela ukwezeka na Nyambi ya Ngula, kowa muntu wakulifweka nendi. Kowa limanya lya kulifweka na Nyambi yetu.