Nyimbo 82:3 - Libuka Lya Kuyela

³ Yatenu shiwahe byambo bya bancepwe na banginga, yimaninenu binafwanini bancepwe na bakakuyanda.

Nyimbo 82:3 Iomraidhean Croise

Yobo 29:12

Ndaba nayavwile ba kushepwa balililenga, nayavwile banginga aba babulile kwakuya.

Yobo 31:21

Ndi nongezele banginga, ngayi mwanga nikashambe ku nkuta,

Nyimbo 10:18

Ukayuvwa kulila kwa banginga na bakakulyatililiwa, ukabayata mu kubayamiziza, nohobene ngayi bantu mwanga bakabule kukekala kami na mutentu.

Kututika 23:3

Hinga wamba na shihota ha shambo sha mukakuyanda.

Kututika 23:6

“Ndi umo waku bantu benu wakuyanda ukuyatiwa, kaliha uku fwanina kuvwangavwanga shambo shendi.

Zincimpi 31:9

Bambileko na kuyata mu kulunga, yimanina byambo bya bancepwe nanebye bya bakakuyanda.

Ishaya 1:17

Lilongeshenu kutenda byabiwahe. Tendenu kuya na ndayano, kanishenu bakakuyandisha baminabo, lamwinenu banginga na kuyavwa byambo bya bamfwile.”

Ishaya 1:23

Batulela benu bengakale bakakufutulukila na bahoni ba bezi. Nimwabo bakushinga lizika kanwa na ku shokomena kutambula bishemo. Kwimanina banginga hinge kuyuvwilila bamfwile bafwako.

Yelemiya 21:12

“Yuvwililenu baka litala lya Ndavita kunebye nikwamba Ami Nyambi ya Ngula. Yatenunga mukupwisha ha mutena na mutena. Lamwinenu Kayunda mu maboko amukakumuyandisha na muntu ou unapukuliwi, ndi kutenda noho mufwako, ntendelo yenu yayibi yikabangiza kupilama kwami ngo mundilo ukabanga kami kowa muntu ukatwesha kukawuzima.”

Yelemiya 22:16

Wayatile ba kushepwa shiwahe, pe byuma nimwabyo bya mwendelele shiwahe. Eshe nisho anamba Nyambi ya Ngula.

Yelemiya 22:3

Nyambi ya Ngula ukwamba ngayi, “Yatenu byambo shiwahe na kwoloka, pe mulamwine muntu ou ukupukuliwa ku liboko lya nou ukumuyandisha. Kami hinga mwikalisha shimpihi hinge kuyandisha mapukwenda na banginga hinge bamfwile, hinge kuyita mukeza wa bantu bakubula mulandu mu mwanya uno.

Yelemiya 5:28

bengakale ba kushuwa na kulelema. Biheka byabo bya kuluwa binapitakana, kami kuyata banginga na kwoloka bafwako, kami kwimanina ba kushepwa bafwako.

Zakaliya 7:9

“Eshe nisho akwamba Nyambi wa Makunge ngayi, ‘Yatenu mu kupwisha na kwikala na nceshe na shikeketima ku umo na wamina.

Ndayano 10:18

Ukupenzeshesha na ku mona ndi banginga na bamfwile ba kulamiwa shiwahewahe na ku haka mapukwenda, aba bekala hamo na bantu betu na kubapanika byakulya na bya kuvwala.

Ndayano 24:17

“Hinga mulyatilila mapukwenda na banginga ku byuma byabo binabafwanini, kami hinga mushimba mwayi wa mfwile kwinga kapopo ha mukuli.

Yakoba 1:27

Kukulupila kwa kuyela kwine na kubula mazilo ku meho a Nyambi na Tate kwenga eshe, kuzingula banginga na bamfwile mu makalikiza abo na kuliholeka wakubula libala ku kaye.