Nyimbo 81:3 - Libuka Lya Kuyela

³ Shibenu zimpandula za shimbo, ha kutelama kwa ngonda, na ha kukoma kwendi.

Nyimbo 81:3 Iomraidhean Croise

2 Bamyene 4:23

Mukokwendi wepwile ngayi, “Kati shumangani ukuyila lelo? Niwo kaliha wunengi Mutena Wakukatala hinge ndi wa shimbo sha Ntelamo za ngonda Wamupya.” Wakumbwile ngayi, “Sha shiwahe.”

1 Byambo 15:16

Ndavita walayile bakakutwaminina ba Balevi ngayi bahate Balevi bamina ku kwimbila nyimbo na kumbeta ku wahilila ha tumbuli na mikwashi.

1 Byambo 15:19

Bakakwimbila aba bahatiwile kwinga bakakumbeta bengile Hemani na Ashafwi na Etani.

1 Byambo 15:24

Bakankombela ba Shembaniya na Yoshafwati na Natanele na Amashayi na Zakaliya na Mbenaya na Eliyeza bahatiwile kwinga bakakushiba zimpandula kumbili ya Likwati lya Kulimama. Ombendi Endoma na Yehiya nibo kami bengile bakakulama Likwati lya Kulimama.

1 Byambo 16:42

Ba Hemani na Yendutani kami bengile bakulwane ba zimpandula na mikwashi na byuma byamina ebye bambetelenga oho bembililenga nyimbo za kuyemeza. Balume bamu livumo lya Yendutani bengile bakulwane bakakulama ku lipangati.

1 Byambo 16:6

Pe bakankombela babili, ba Mbenaya na Yahaziyelu, bengile bakakushiba zimpandula shikati nimwasho kumbili ya Likwati lya Kulimama lya Nyambi.

1 Byambo 25:1

Mwene Ndavita na bakakutwaminina ba Balevi bahatile ano mavumo a Balevi mukwendesha milimo ya kulemesha. Bengile ba Ashafwi na Hemani na Yendutani. Bembililenga mazu a Nyambi, kwendelela hamo na nyimbo zaha tumbuli na mikwashi. Owe niwo muhoko wa bantu baya bapiwile kwendesha mulimo wakulemesha, kuya ngo mushobo wa mulimo ou watendelenga likunge na likunge.

2 Byambo 13:12

Monenu, Nyambi uli na netu, pe bakankombela bendi bali kuno na zimpandula banaliwahishi kuzishiba mu kutwihana ku ngunga yakumilwisha. Enu bantu ba Ishalela. Hinga mulwisha Nyambi ya Ngula, Nyambi wa bankakazenu. Kutwesha kumupitakana mufwako.”

2 Byambo 13:14

Oho Bayunda batilaminine nokunoku bawanine ngayi nimwabo banabazinguluku. Pe babilikizile kuli Nyambi ya Ngula mu kubayavwa bakankombela bashibile zimpandula.

2 Byambo 2:4

Mona, nili na kuzikila Nyambi ya Ngula, Nyambi yami Litala lya kumulemeshela. Nilyo likenga lya kuzila, oku bantu bami na nami tukamulemeshelanga na kuhokesha incence. Oku niko tukaletanga zintupu za mankende ashizila kukwendi ha mutena ha mutena. Kami oku niko tukakombelelanga zinkombela kulumenemene na lumenemene na kumazolo na mazolo, hamo naku mutena wakukatala nawa shimbo sha kutelama kwa ngonda wamupya na matena amina akuzila akulemeka Nyambi ya Ngula, Nyambi yetu. Eshi nisho analayelele Baishalela kutenda noho mwaya myaka.

2 Byambo 5:12

Bakakuwela ba Balevi nimwabo bengile ba Ashafwi na Hemani na Yendutani na banababo na bawushinda, bavwalilenga makwiza amawahe a kulelema, bemanine kwakwipi na kaala ku mbalila ya mushamuko hibambeta mikwashi na tumbuli hamo na Bakankombela mwanda umo na makumi abili a bakakushiba zimpandula.

2 Byambo 8:13

Sholomoni wakombelelele kuli Nyambi ya Ngula ngonehe byashingiwile kufundiziza kwa Moshesha ha matena ashizila. Niwo engile matena aku katala na bimbo bya Ntelamo za Ngonda Wamupya na bimbo bihatu bya ha mwaka ha mwaka, Shimbo sha Mankende A kubula Mumena na Shimbo Sha kuteza Mbuto na Shimbo sha Minkungwa.

Nyimbo 149:3

Mwanga bayemeze lizina lyendi na ku shinda, mwanga bambete zingoma na tuncingili mu kumuyemeza!

Nyimbo 33:2

Kambililenu kuli Nyambi ya Ngula na tumbuli, mwimbililenu na kambuli kakanene ka kulemiwa na nyimbwa likumi.

Nyimbo 98:6

Shibenu zimpandula na ncengo za bikungwe, na kuwulumwina tunkelenkele kuli Nyambi ya Ngula, Mwene yetu.

Malila 2:6

Washiwile Litala lyendi muya twamulemeshelelenga. Niye namanishi bimbo na Matena aku Katala. Mu kupilama kwendi kwakunene wakanine mwene na mukankombela.

Nahumi 1:15

Pezenu mawulu a nou uli na kwiza ha lipili ukuleta ncango zaziwahe, ukubilika lukuwa lwa ku mwena! Obe Yunda pinga bimbo byobe, kami pana Nyambi ebye walibezele, ndaba hinga mwaka kukatanga kami bakuluwa kwiza na kumi lwisha, ndaba balobeshiwakale.

Kulaba 15:3

mukatupule kuli Nyambi ya Ngula nkunzi hinge shikungwe wa mbelele, hinge mbelele, hinge mpongo akaletiwe kuli Nyambi ya Ngula kwinga nkombela yakuhokesha hinge nkombela ya kubezulula lubeza, hinge ntupu ya kupana na kufunga, hinge nkombela yimo yaku bimbo byenu bya wunyambi bya kukuliziza, livumba lya neze zinkombela za byakulya lili na kuwahililisha Nyambi ya Ngula ku mutima.

Kulaba 28:11

Leta nkombela ya kuhokesha kuli Nyambi ya Ngula ha kutatika kwa ngonda na ngonda. Nkombela eye yikwinga bana ba bankunzi babili na shikungwe umo wambelele na babikungwe ba bambelele mutanu na babili ba mwaka umo, nimwabo bakubula nyanco.

Ndayano 16:15

Lemeshenu Nyambi ya Ngula, Nyambi yenu na kupinga eshe shimbo ha matena mutanu na abili ku mwanya uya akahata Nyambi ya Ngula. Tangalenu, ndaba Nyambi ya Ngula unatandalishi kuteza kwenu na milimo yenu.

Koloshe 2:16

Nohobene hinga muntu aminyanca hanebye mu kulya, hinge hanebye mu kunwa, hinge ha bya mwonda, hinge ha bya Kutelama kwa Ngonda, hinge ha bya Mutena Wakukatala.