Nyimbo 26:3 - Libuka Lya Kuyela

³ Ndaba kwoloka na shishemo sha mwaya myaka bikuntwaminina, kulunga kwobe kukantwaminina shikati nimwasho.

Nyimbo 26:3 Iomraidhean Croise

2 Bamyene 20:3

“Obe Nyambi ya Ngula anuka eshe na kutendelanga shiwahe na kwoloka, kami shikati nimwasho nezekanga kutenda ebye washinganga ngayi nibitende.” Niho Hezekiya alilile shikuma.

Nyimbo 101:2

Nyinkalo yami yikenga ya kubula mulandu. Kati mwaka ngani ukeza kukwami? Kuyoya kwa mu litala lyami kukenga kwakuwahe.

Nyimbo 119:142

Kulunga kwobe kukekalilila mwaya myaka, kami mulao wobe wenga wakwoloka.

Nyimbo 25:5

Ndongeshe kuyoya omu mwaya kupwisha kwobe, ndaba Obe Nyambi mupulwisha wami. Kukwobe nikukulupila matena nimwawo.

Nyimbo 52:1

Obe muntu wangovu, shumangani ukuliyemezela, na biyongola byobe byabibi? Nceshe za Nyambi zenga za mwaya myaka.

Nyimbo 86:11

Obe Nyambi ya Ngula, ndongeshe eshe ukushinga ngayi nitende, pe nikakwombatala mu kupwisha, ndongeshe ku kutendela milimo na mutima wami nimwawo.

Ishaya 2:5

Enu baka litala lya Yakobo, yekenu twende mu mwana wa Nyambi ya Ngula.

Ishaya 8:20

Yuvwililenu kufundiziza na wupaki wa Nyambi ya Ngula. Ku mona ndi babulu kwamba ngo eshe likwamba elye lizu, pe ku sha kwa mutena kukamoneka kukwabo wufwako.

Luka 6:36

Nohobene yikalenu na nceshe nehi Tatiyenu wenga wa nceshe.

Yowano 14:6

Yeshu wambile kukwendi ngayi, “Ami nzila na kupwisha na wumi, kowa muntu ukuya kuli Tate ndele apitile mumwami.

2 Kolinte 3:18

Etu nimwetu, kwakubula kufwika zimpala zetu, tumoneshenu wuwahe wa Mwene, niye Moyo, nehi shimboni shamoneshanga lupala lwa muntu. Nimwamo omwe tukufutwilila ku shifwekesha shendi na kwikala na wuwahe wa Mwene mu wingi.

2 Kolinte 8:9

Mukulimuka nceshe za Mwene wetu Yeshu Kilishitu. Hinge wengile mukakuheta, ngoboni ndaba yenu wafutukile mukakushepwa, ngayi enu na wuyande wendi mutweshe kuheta.

Efweshe 4:32

Ngoboni yikalenu na shishemo umo ku wamina na mitima yayiboto na kuliyatila umo na wamina, nehi Nyambi anamiyatili ndaba ya Kilishitu.

1 Yowano 1:7

Ngoboni ndi tukwenda mu lumuni, nehi niye uli mu lumuni, tukulilumikila umo na wamina na mukeza wa Yeshu Kilishitu Mwanendi ukutuyelesha ku wubi nimwawo.

2 Yowano 1:4

Nawahililile shikuma oho nawanine ngayi bana bobe bamo bali mu kupwisha, nehi Tate atulayile ngayi tutendenga noho.

3 Yowano 1:11

Obe muhoni wakuhakiwa, hinga uhembwiliza ebye byabibi, ngoboni hembwiliza byabiwahe. Nimwendi ou ukutenda byuma byabiwahe wenga wa Nyambi, ngoboni ou ukutenda byabibi shilolo alimuke Nyambi.