Nyimbo 139:2 - Libuka Lya Kuyela

² Ukundimuka oho nikwikala na noho nikukatuka, walimuka bihanganiko byami nimwabyo oho nili kwakutali.

Nyimbo 139:2 Iomraidhean Croise

Shitatiko 16:13

Hangali watumbile Nyambi ya Ngula ou ambilenga nendi ngayi, “Nyambi ou wamonanga,” ndaba wambile ngayi, “Haya ninamono ou wamonanga.”

2 Bamyene 19:27

“Ngoboni nikulimuka byuma nimwabyo bya hahobe, ebye watendanga nanoku wayanga naneshe ukundwisha.

2 Bamyene 6:12

Umo hakati kabo wakumbwile ngayi, “Kowa muntu unawili kumo nendi, obe hekulu. Muluwe Elisha watongwezanga mwene wa Baishalela ebye wambanga ndi unambilingabyo kuwi mu kampenci kobe.”

Nyimbo 44:22

Ngoboni shinengi sha mutima wobe ngayi tu zihiwenga shikati nimwasho, tu ku labiwa ngonehe bambelele bakuya mu ku zihiwa.

Nyimbo 56:8

Ukulimuka eshe nikuyandishiwa, kami ulimuka kuvula kwa mihozi yami. Kati mu libuka lyobe ku tikitiwamo ebye bifwako ndi?

Nyimbo 94:11

Nyambi ya Ngula walimuka bihanganiko bya bantu, halimuka ngayi byenga byowa.

Zincimpi 15:3

Meho a Nyambi ya Ngula apenzanga ku zimbalila nimwazo, ku penzeshesha ha bantu bababi naba babawahe.

Ishaya 37:28

Ngoboni nikulimuka nimwabyo bya hahobe, nikulimuka ebi ukutenda, noku ukuya, nineshe ukundwisha.

Ezekiyele 11:5

Moyo wa Nyambi ya Ngula wantengulwile, pe Nyambi ya Ngula wantongwezele kutwala lizu ku bantu ngayi, “Enu baka Ishalela Ami nikulimuka ebye mukwamba nanebye muli na kuhanganika

Ezekiyele 38:17

Obe natoyelenga ku mwaka kupitila mu bakamilimo bami bamiluwe bamu Ishalela, balubulwilenga ha matena akunyima ngayi Ami nika kuleta kwiza mu kulwisha Ishalela.” Eshe nisho anamba Nyambi ya Ngula.

Zakaliya 4:10

Baya bashampwilenga ha mutena kwatendiwile byuma byabishe bakawahilila, oho bakamona shipimisho sha kupimisha litala shili mu liboko lya Zelumbambelu. Aba mutanu na babili, nibo meho a Nyambi ya Ngula, anakumu hano hanci nimwaho.”

Mateo 9:4

Yeshu walimukile bihanganiko byabo, pe wambile ngayi, “Ndabangani mu kuhanganika byabibi nehe mu mitima yenu?

Luka 9:47

Yeshu walimukile ebye bahanganikilenga mu mitima yabo, wehanine kanuke wamushe wamuyakile ku ntungi yendi.

1 Kolinte 4:5

Nohobene hinga muyata muntu, oho shikati shilolo shikume, tatililenu hantu Mwene unezi, ou ukaleta ha mwaana byuma bya mincimpwe byaholekiwile, pe ukamonekesha bihanganiko bya mitima ya bantu, niho muntu nimwendi ukatambula kuli Nyambi kuyemeza kunamufwanini.

Ndayano 31:21

kami malwa amanene amakalu akeza hahabo. Ngoboni lwimbo olwe batwanuke ba kuluyimbilanga nilwo lukemanina kwinga ngonehe wupaki mu kubalwisha, ndaba nilwo lukekala na kwimbiliwa ku bazukulyabo. Hinge noho, oho shilolokale nibatwale mu litunga liya nalibezele kubapanikalyo, Nalimuku eshe bali na kuhanganika.”