Nyimbo 13:2 - Libuka Lya Kuyela

² Kati nikekala shikati sha kukuma hati mu makando? Kati shikati sha kukuma hati, mutima wami ukekala mu wunginga wushiku na mwaana? Kati bamalamo bami bakalishamba hahami shikati sha kukuma hati?

Nyimbo 13:2 Iomraidhean Croise

Yelemiya 8:18

Manyengo ami kutwesha kupangiwa afwako, mutima wami unatweshe kupopa mushali.

Yelemiya 15:18

Haya bishini nikwonzela ku yandila? Haya bishini bitombo byami bikubula kupangiwa, haya bili na kukana kupola? Kati ukenga ngonehe kashinzi ka yumanga, kakubula mema a kwihala ndi?

Malila 1:5

Bamalamo bendi banamukomo, pe uli mu maboko abo. Nyambi ya Ngula unamushushulu ndaba ya wubi wendi wawingi bana bendi bana bakomo na kubatwala.

Mukakushimikila 5:17

Matena wendi nimwawo anamanini mu mincimpwe, mu manyengo, makando na malweli.

Zincimpi 15:13

Mutima wakutangala wamonekeshanga lupala lwa ku wahilila, ngoboni mutima uli mu manyengo walishoshotanga.

Yobo 10:15

Akwinga makalikiza amanene kukwami ndi ninabipishi, hinge ndi nikutenda shiwahe, nifwako kutwesha kukatula mutwe wami. Ndaba nili mu malwa, pe kami nili na lisheni.

Fwilipu 2:27

Mwa shikuma wakolele na kushinga kufwa, ngoboni Nyambi wamuyuvwilile nceshe, kaliha niye tuhu ngoboni na nami kami kutina nikala mu wunginga.

Baloma 9:2

ngayi nili na lisheni lyalinene shikuma na makalikiza a kubula kumana mu mutima wami,

Yowano 16:6

Ngoboni ndaba namba ebye kukwenu, mitima yenu yinenzala na winga.

Mateo 26:38

Niho ambile kukwabo ngayi, “Moyo wami unayene shikuma kutwala ku kufwa. Yikalenu kuno kami tonenu hamo na nami.”

Malila 1:9

Wubi wendi unaholoko mu bivwalo byendi, ngoboni niye kaliha watwalileko bihanganiko ku wubi wendi. Kuwa kwendi kwengile kwakukomokesha, kowa wamubengezekele. Yelushalema uli na kulila ngayi, “Bamalamo bami banampitakana, Obe Nyambi ya Ngula, nyuvwileko nceshe!”

Nyimbo 116:3

Malamo a lufu anzingulukile, nekalile na mutentu wa kalunga ka bafu, nekalile mu malwa na mu wunginga.

Nyimbo 74:18

Ngoboni Obe Nyambi ya Ngula, anuka ngayi, bamalamo bobe ba ku kushilawiza, pe kami bihulahuli banahandulu lizina lyobe.

Nyimbo 74:10

Obe Nyambi, kati bamalamo betu bakatushilawiza shikati sha kukuma hati? Kati bamalamo bakahandula lizina lyobe mwaya myaka ndi?

Nyimbo 42:4

Oho nikwanuka bya ku mwaka mutima wami ukutabuka, oho nayilenga ku Litala lya Nyambi na makunge a bantu pe na batwamininenga, na ku wulumwina tunkelenkele twa ku wahilila na kukambilila, bembila na kuyemeza Nyambi ku shimbo.

Nyimbo 31:18

Mwenesha zindimi za bakamahalo, aba bakwamba bya kuliyemeza na kulilundumika, bakwamba na lihandu ha bantu bakulunga.

Nyimbo 17:9

ngayi bakuluwa babule kundwisha. Ndamwine ku bamalamo bami banguma aba bananzinguluku.

Nyimbo 10:18

Ukayuvwa kulila kwa banginga na bakakulyatililiwa, ukabayata mu kubayamiziza, nohobene ngayi bantu mwanga bakabule kukekala kami na mutentu.

Nyimbo 9:6

Bamalamo betu banalobeshiwi peluu. Unalobeshe minzi yabo, bantu bafwako kami kuka banuka.

Nyimbo 8:2

Mu tunwa twa batwanuke na bambututu bakwimbila nyimbo za kukuyemeza, ngayi umweneshe bamalamo bobe nimwabo na bakakukukanangana.

Nyimbo 7:2

kutina bakantanya ngonehe shimbwi, na kuncanyozola kwakubula muntu ukutwesha kumpulwisha.

Eshita 7:6

Eshita wakumbwile ngayi, “Kamalamo wetu, mukakutuyandisha, unengi owe muntu wakuluwa Hamani.” Hamani wekalile na bowa kuli mwene na lihano.

Nehemiya 2:2

Niho mwene anyipwile ngayi, “Kati shumangani unahombele nehe, obe kukola ufwako? Shiku moneka ngayi uli na manyengo mu mutima wobe.” Pe natinine shikuma,

1 Shamwele 24:19

Shanahiti ndi muntu ukukwata kamalamo wendi pe ha kumuleha ngayi aye nahiya wakubula kulemana? Nyambi ya Ngula akutandalishe ku neshe unatende lelo kukwami.

1 Shamwele 18:29

Nohobene Shaulu watinine shikuma Ndavita, pe wengile kamalamo wa Ndavita mu kuyoya kwendi nimwako.

Luka 22:53

Nekalile nenu matena nimwawo mu Litala lya Nyambi, ngoboni kaliha mwankwatile. Ngoboni shino shinengi shikati shenu na sha ngovu za mincimpwe.”

Yelemiya 45:3

Obe Mbaluki wambile ngayi, “Makando wami, ndaba Nyambi ya Ngula unanunguko malwa ku makalikiza wami na kwangakale na ku shunga, kami kutwesha kukatala nifwako.

Nyimbo 38:17

Nili na kushinga kuwa, kami makando wami kumfuma afwako.

Nyimbo 6:4

Obe Nyambi ya Ngula, yeka undamwine ku lufu ndaba ya shishemo shobe.

Malila 5:20

Shuma ngani unatushiyili shikati shashitali, Kati wufwako kukatwanuka kami ndi?