Nyimbo 102:1 - Libuka Lya Kuyela

¹ Obe Nyambi ya Ngula, yuvwilila lilombelo lyami, yuvwilila kulila kwami kwa kuyavwiwa kukwobe.

Nyimbo 102:1 Iomraidhean Croise

2 Byambo 30:27

Bakankombela na Balevi banyepele mfuywezi za Nyambi ya Ngula ha bantu. Nyambi wayuvwile malombelo wabo, pe wawatambwile muyo mu munzi wendi wa muyilu.

Nyimbo 12:5

Nyambi ya Ngula ngayi, “Haya nikeza, ndaba ba kushepwa bali na kuyandishiwa, nanaba bakuyandishiwa bali na ku shunga. Nikabalamwina ndaba bakushinga kulamwiniwa.”

Nyimbo 143:4

Nohobene moyo wami unapopo, mutima wami uli mu wunginga.

Nyimbo 143:7

Obe Nyambi ya Ngula nkumbule wangu, ndaba moyo wami unapopo. Hinga uholeka lupala lwobe kukwami, ndelewa nikafweka ngo obo bakuya mu kalunga.

Nyimbo 145:19

Ukupana ku nobo ba kumutina ebye bakushinga, kami ukuyuvwa kulila kwabo na kubapulwisha.

Nyimbo 18:6

Mu makalikiza wami nehanine Nyambi ya Ngula, nehanine Nyambi yami ngayi anyavwe. Mu litala lyendi wayuvwile lizu lyami, wayuvwilile kuku bilika kwami, kwakushinga ku yavwiwa.

Nyimbo 39:12

Obe Nyambi ya Ngula, yuvwa lilombelo lyami, kami yuvwilila kulila kwami, hinga umwenena mu kunyavwa oho nikulila. Ndaba nili muyeni, mukakwenda, ngonehe bankaka zami nimwabo.

Nyimbo 42:4

Oho nikwanuka bya ku mwaka mutima wami ukutabuka, oho nayilenga ku Litala lya Nyambi na makunge a bantu pe na batwamininenga, na ku wulumwina tunkelenkele twa ku wahilila na kukambilila, bembila na kuyemeza Nyambi ku shimbo.

Nyimbo 5:2

Mwene yami na Nyambi yami, yuvwilila kulila kwami, ndaba nikulombela kuyavwiwa kukwobe.

Nyimbo 61:2

Nika kwihana mu kutampwa kwami, hinga nekala kwakutali. Ntwale ku limanya lyalitali lya kumpitakana,

Nyimbo 62:8

Enu bantu, kulupilenu muli Nyambi bikati nimwabyo. Mutongwezenu wukalu wenu nimwawo, ndaba niye shiholamino shetu.

Nyimbo 77:3

Oho nikwanuka bya Nyambi, nikutula moyo, oho nikuhanganika byendi, moyo wami ukubota.

Kututika 2:23

Kwapitile myaka mwene wa Engepita wafwile. Ngoboni Baishalela bekalile na kukalikiza na ku shunga mu wulungo wabo. Niho bakalokelenga ngayi bawane wakubayavwa, pe kulila kwabo kwakumine kuli Nyambi.

Malila 3:44

Walifwikile mu likumbi lyalinene shikuma nohobene malombelo wetu kutwesha kukuma kukwobe afwako.

Malila 3:8

Hinge niho nikubilikiza na kulombela kushinga kuyavwiwa, ngoboni wufwako kukumbula.

Luka 22:44

Hinga akalikiza, walombelele shikuma, litengela lyendi lyengile ngo mukeza ukuvwila hanci.

Bahebelu 5:7

Yeshu mu kuyoya kwendi hano hanci walombele na lukuwa shikuma na kulilila kukwendi ou watweshele kumulamwina ku lufu na kuyuvwiwa ndaba ya bowa wendi.

Bakakuyata 10:16

Nohobene balehele banyambi babo bashenge, pe balemeshele Nyambi ya Ngula, Nyambi ya Ngula waliyakatile ha makando a Ishalela.

1 Shamwele 9:16

“Nzona ha shikati shinobene nika kutumina muntu waku mushobo wa Mbenjamani. Ukamuwabishe mazi enge ntwamina wa bantu bami ba Ishalela, niye ukabalamwina ku Bafwilishitina. Ami namono kuyanda kwa bantu bami kami nayuvwu kukaloka kwabo kwakushinga kubayavwa.”