Nehemiya 8:3 - Libuka Lya Kuyela

³ Wabalabilile mazu a Nyambi kuyo hahepi na lipangati, ku balika malungashiku kukuma naku shikati sha mutena mukati ka mutwe, pe nimwabo babangwile matu shiwahewahe na kuyuvwilila.

Nehemiya 8:3 Iomraidhean Croise

Nehemiya 10:29

tunalifungili hamo na bawushinda wetu na bakakutwaminina betu. Tunalifungili hamo mu shikulupisho sha kulama Mazu a Nyambi apanikiwile muli mukamulimo wendi Moshesha. Ngayi tukombatalenga nimwabyo biya atutongwezele Nyambi ya Ngula, Nyambi yetu, mwanga tukalamenga Mazu wendi nimwawo. Ndi tukakiluka mbeza eze pe tukekala na shikuto.

Nehemiya 13:1

Ku shikati shiyo oho Ndayano zamu libuka lya Moshesha zalabiwile ku bantu, balabile ha mazu akwamba ngayi hinga mwaka kukatanga Kaamoni hinge Kamowambi kuketabilishiwa ngayi alifungile na bantu ba Nyambi.

Nehemiya 8:1

Ha mutena wakutatika wa ngonda iyo, nimwabo bakungulukilile mu Yelushalema mu mbanza ya mukati hahepi na Lipangati lya Mema. Balombele mukankombela Ezila ou walilongeshele Mazu a Nyambi ya Ngula aya apanikiwile ku Baishalela kupitila muli Moshesha, ngayi alete Libuka lya Ndayano, eze Nyambi alayelele bantu ba Ishalela kupitila muli Moshesha.

Nehemiya 8:18

Ku balika ku mutena wakutatika wa Shimbo kukuma naku mutena wakumanishila balabilenga Libuka lya mulao wa Nyambi ha mutena ha mutena. Bapingile Shimbo matena mutanu na abili, pe ha mutena wa mutanu na ahatu batendele shikungulukilo sha kuyela sha kulemeshela ngonehe kwashingiwile mu Libuka lya Ndayano.

Nehemiya 8:4

Mukakutikita Ezila walabilenga hinga emana ha katambo ka bitondo kaya katendiwilile shiya shimbo. Balume aba bemanine ku liboko lyendi lya shilyo bengile ba Matitiya na Shema na Anaya na Uliya na Hilikiya na Maasheya, pe kami ku liboko lyendi lya shimoho, balume bemanineko bengile ba Pendaya na Mishayela na Malikiya na Hashumi na Hashimbandana na Zakaliya na Meshulama.

Nehemiya 8:5

Ezila wemanine ha katambo, oho bantu nimwabo batweshele ku mumona. Oho afukulwile libuka, bantu nimwabo bemanine.

Mako 12:37

Ndavita niye mwine wamutoyele ngayi, ‘Mwene,’ haya ukwinga mwanendi nahiti?” Likunge lyalinene lyamuyuvwile na ku wahilila.

Luka 19:48

Ngoboni bakwangile kuwana nzila mwa kutendela, ndaba bantu nimwabo bashingile shikuma kumuyuvwa.

Luka 8:18

“Nohobene keyenu hanebye mu kuyuvwa, ndaba ou ulinabyo bakamuwezelelako, kami ou unabibulu bakamuyanga nanaka alinako.”

Milimo 13:15

Oho bamanishile kulaba byatikitiwa mu Ndayano za Moshesha na bamiluwe, bakakwendesha mu shinangonge babatuminine muluwe ngayi, “Bawushinda, ndi muli na mazu akushumisha bantu, ambenu.”

Milimo 13:27

Bantu ba mu Yelushalema na batulela babo, kaliha bamulimukile Yeshu, hinge ku yuvwishisha mazu a miluwe aya alabiwanga ha Matena nimwawo aku Katala. Ngoboni ha kumuyata Yeshu ngayi afwe, batendele ebye batikitile bamiluwe.

Milimo 15:21

Ndaba Ndayano za Moshesha zalabiwilenga bikati bya kunyima mu mashinangonge ha Matena nimwawo aku Katala, pe mazu wendi ashimikiwilenga mu minzi nimwayo.”

Milimo 16:14

Mbuyama wamina watumbiwile Lindiya mukakulandisha makwiza a wuhombo, wa mu munzi wa Tiyatila, ou wengile mukakulemesha Nyambi, watuyuvwililenga. Niho Mwene ashinkwilile mutima wendi ngayi ayuvwishishe ebye ambilenga Paulu.

Milimo 17:11

Bayunda ba ku Mbeliya bengile bantu ba mitima ya ku shoboloka kupitakana baka Teshalonika, ndaba batambwile lizu na kuyipwiziza, kami mutena na mutena bashingishishilenga byatikitiwa ngayi bamone ndi ebye ambile Paulu bya kupwisha.

Milimo 20:11

Niho akandamine kami, pe wapabwile mankende, walile. Wambile kami shikati shashitali, kutwala ku kutabula kwa mutena, niho ayile.

Milimo 20:7

Ha mutena wakutatika mu Shunda, oho twakungulukile hamo na kupabula mankende, Paulu washimikilile ku bantu, wazaminine kwamba kukuma na hakati ka wushiku, ndaba wekalile na mukala ha mutena wakushako.

Milimo 28:23

Hohobene baliyuvwashanine nendi mutena, babengi bezile ku litala ekalile. Paulu wabalongeshelenga, kutatika lumenemene kukuma na ku mazolo na kubatontwelela bya Wene wa Nyambi. Ha ku batoyela mulao wa Moshesha na ku bamiluwe, wezekele ku bakoka ngayi ba kulupile Yeshu.

Ndayano 31:9

Nohobene Moshesha watikitile ndayano za Nyambi na kuzipanika kuli bakankombela ba balevi, aba bashimbilenga Likwati lya Kulimama lya Nyambi ya Ngula na kubakakutwaminina Baishalela.

1 Teshalonika 2:13

Ndaba ya shuma eshe, tukukambilila shikati nimwasho kuli Nyambi, ndaba oho mwatambwile lizu lya Nyambi elye mwayuvwile kukwetu, kaliha mwalitambwile ngonehe lizu lya bantu, ngoboni ngonehe lizu lya Nyambi, nehi eshe lili. Nilyo likutenda milimo mumwenu bakakwitabila.

Yoshuwa 8:35

Yoshuwa walabile mazu nimwawo awa abatongwezele Moshesha, ku Baishalela baya nimwabo bakungulukile, kufungila kumo na bambuyama hamo na batwanuke na mapukwenda bazikilenga hakati kabo.

Kuholoka 2:29

“Ou uli na matu, ayuvwe ebye Moyo ukwamba ku matengo!”

Kuholoka 3:22

“Ou uli na matu, ayuvwe ebye Moyo ukwamba ku matengo!”