Nehemiya 7:3 - Libuka Lya Kuyela

³ Nabatongwezele ngayi hinga ba shinkulula mapangati amu Yelushalema ku lumenemene shikuma hantu mutena watatumukakale, oho bakakulama ku mapangati shilolo bafume ku milimo, oho mutena shilolo ulele shikuma, bakawashinke na kuwapata. Kami na batongwezele ngayi bayake bakakulama ku bantu bayo bekalilenga mu Yelushalema na kupanikaho bantu bamo kwinga bakakulama na bamina ku zinguluka mbalila ya hahepi na matala wabo.

Nehemiya 7:3 Iomraidhean Croise

Nehemiya 13:19

Nohobene nabatongwezele ngayi mapangati a lukena ashinkiwenga ku matatikilo a Mutena nimwawo Wakukatala, oho mutena ukulela ku mazolo, mapangati a lukena aku fwanina ku shinkiwa na kubula kuwashinkulula kami hantu Mutena Wakukatala unamana ha kutatumuka kwa mutena. Nayakile bantu bami bamo ku mapangati na kumoneshesha ngayi kowa shuma shikaletiwa mu lukena ha Mutena Wakukatala.

Nehemiya 3:23

Mbenjamani na Hashumbu nibo batendulwile mbalila ya ku lundaminako, eye yekalile kumbili ya matala wabo. Azaliya mwana Maasheya muzukulya Ananiya, niye watendulwile mbalila ya ku lundaminako, eye yekalile kumbili ya litala lyendi.

Nehemiya 7:2

Niho nayakile bantu babili kwinga bakulwane bakakulama lukena lwa Yelushalema, bengile mukonzo wami Hanani, hamo na Ananiya shilolo wa mukulwane wa banzita waku shipata. Hananiya wengile muntu wakwoloka kami wakutina Nyambi. Kowa wezekele nendi.

Nehemiya 7:4

Yelushalema lwengile lukena lwalunene, kaliha mwekalile bantu babengi, pe kami matala amengi abulile kutendiwa.

Nyimbo 127:1

Ndele Nyambi ya Ngula azike litala, mulimo wa bakakuzika unengi wowa. Ndele Nyambi ya Ngula alame lukena, bakakulama bakakonkama na kulipokwesha tuhu ntalu.

Nyimbo 147:13

Washumishanga tupatisho twa mapangati obe, na kufuywela bantu bobe bali mukatikobe.

Mateo 10:16

“Nikumituma ngonehe bambelele mukati ka bambinzi. Nohobene mwinge ba kukeya ngonehe mayoka kami mwinge ba kubomba ngonehe nkilimba.