Nehemiya 7:2 - Libuka Lya Kuyela

² Niho nayakile bantu babili kwinga bakulwane bakakulama lukena lwa Yelushalema, bengile mukonzo wami Hanani, hamo na Ananiya shilolo wa mukulwane wa banzita waku shipata. Hananiya wengile muntu wakwoloka kami wakutina Nyambi. Kowa wezekele nendi.

Nehemiya 7:2 Iomraidhean Croise

Shitatiko 42:18

Ha mutena wawuhatu Yoshefwa wambile kukwabo ngayi, “Ami nili muntu wakutina Nyambi. Nohobene mukayoya ndi mukutenda eshe,

2 Shamwele 23:3

Nyambi wa Ishalela unamba, Limanya lya Ishalela wambile kukwami ngayi, oho Mwene a kulela na kulunga, kulela oku hatina Nyambi,

1 Bamyene 18:12

Shikenga nahiti ndi aha nikuya moyo wa Nyambi ya Ngula ukakufumishako na kukutwala kumbalila ya kubula kulimuka? Niho oho nikatongweza Ahambu ngayi uli kuno, pe ndi kutwesha kukuwana ufwako, nka pe ukanziha. Anuka ngayi ami nengi mukakulishisha, mukakutina Nyambi ya Ngula ku balika ku wundumbana wami.

1 Bamyene 18:3

Nohobene Ahambu wehanine Ombandiya ou wengile mukulwane ku musheke. Ombandiya wengile mukakulishisha shikuma, mukakutina Nyambi ya Ngula,

Nehemiya 1:2

Hanani umo wa bawushinda wami, wafumine ku Yunda hamo na litanga lya bantu bamo. Niho na bepwile bya baminetu Bayunda aba bafumine mu wuntampwa mu Mbambiloniya na bya Lukena lwa Yelushalema.

Nehemiya 10:23

na Hoshiya na Hananiya na Hashumbu,

Nehemiya 13:13

Bano balume nibo bayakile kwinga bakulwane ba ku bishete, mukankombela Shelemiya na Zandoki mukakutikita, ou wengile wakulilongesha mazu a Nyambi na Pendaya, wa Kalevi. Hananu mwana Zakula muzukulya Mataniya, niye wengile ncwana mumi wabo. Nalimukile ngayi nikutwesha kukulupila aba balume kwinga bakulunga mu kutapila byakulya ku baminabo bakamilimo.

Nehemiya 2:8

Kami nanyepele ngayi ampane liñwati lya kutwala kuli Ashafwi, mukakulama mashaka a wene na ku mu tongweza ngayi ampeko maleenge aku mapangati a shipata shalamanga Litala lya Nyambi na twimbi twa lukena na nawa a litala omu nikekalanga. Mwene wamunene wampanine nimwabyo ebye nanyepele ndaba nekalile na mfuywezi za Nyambi.

Nehemiya 5:15

Batulela nimwabo obo bekalilengaho oho ami shilolo nikume bengile miziho ku bantu, kami batambwilenga mali makumi anaa a muwayawaya wa shiliva ha mutena ha mutena hamo na byakulya na waine. Hinge bakamilimo babo bayandishilenga bantu, ngoboni ami kaliha natendele noho ndaba natinine Nyambi.

Nehemiya 7:3

Nabatongwezele ngayi hinga ba shinkulula mapangati amu Yelushalema ku lumenemene shikuma hantu mutena watatumukakale, oho bakakulama ku mapangati shilolo bafume ku milimo, oho mutena shilolo ulele shikuma, bakawashinke na kuwapata. Kami na batongwezele ngayi bayake bakakulama ku bantu bayo bekalilenga mu Yelushalema na kupanikaho bantu bamo kwinga bakakulama na bamina ku zinguluka mbalila ya hahepi na matala wabo.

Yobo 1:1

Kwekalile mulume lizina lyendi Yobo ou wekalilenga mu litunga lya Uzi. Wakubula nyanco Nyambi kami wengile wakulunga kukwendi. Wengile muntu wakutina Nyambi, muka kulilama na kubula kutenda sha shibi.

Nyimbo 101:6

Nikayameza nimwabo obo benga bakwoloka mu litunga, kami nika betabila ngayi bekale na nami. Obo banombatala shiwahe nikabetabila ngayi bantendele mulimo.

Kututika 18:21

Ngoboni kami hataho balume bamo bakakutina Nyambi, ba kupwisha, aba bakubula kutwesha kutambula lizika kanwa, kami ubemike kwinga bakakutwaminina bantu, bamo bakatwaminine matanga a makulukazi, bamo bakatwaminine matanga a myanda, bamo bakatwaminine matanga makumi mutanu, bamina bakatwaminine matanga a makumi a bantu. Baku fwanina kwinga bantu ba kutina Nyambi aba ba kutwesha kukulupiliwa.

Ndanyele 6:4

Bakakutwaminina bamina na batulela bezekele kuwanina Ndanyele mulandu. Ndanyele wengile wa maleema kami kaliha watendelenga shuma sha shibi hinge Kubipisha.

Kulaba 12:7

Nisho shinatapuluku oho nikwamba na mukamulimo wami Moshesha namuyaka kulama bantu bami nimwabo Baishalela.

Mateo 24:45

“Kati yani mukamulimo wakukulupiliwa wangana? Nengi uya anayaka hekulyendi ha mulimo wakulama baka litala lyendi, ngayi abapanenga byakulya ha shikati shinafwanini.

Mateo 25:21

Hekulyendi wambile kukwendi ngayi, ‘Unatende shiwahe, mukamulimo wamuwahe, wakukulupiliwa. Unengi wakulunga ha byabishe, nikakwinga mukakulama byuma byabingi. Yeka uwahilile hamo na hekulyobe.’

1 Kolinte 4:2

Shuma shikushingiwa ku bakamilimo ngayi muntu awaniwe wa kupwisha.

2 Timoteo 2:2

Byuma ebye unayuvwu kukwami hinamba mukati ka bapaki babengi, nibyo upana bantu ba kupwisha, aba kami ba kutwesha ku longesha bamina.