Nehemiya 7:1 - Libuka Lya Kuyela

¹ Pe oho kembi katendululiwakale, kami bihala nimwabyo byayakiwakale mu myanya yabyo, bakakulama Litala lya Nyambi na litanga lya bakakwimbila na Balevi, nimwabo bayakiwile ha mulimo.

Nehemiya 7:1 Iomraidhean Croise

2 Bamyene 7:10

Nohobene bafumine mu munkungwa wa Baashiliya, bayile ku lukena na kutongweza bakakulama ku lipangati ngayi, “Twayile ku munkungwa wa Baashiliya, pe kaliha twamonene muntu hinge kuyuvwa muntu. Bambishi na bambongolo bekalile bakubula ku shobolola na zintanda ngonehe bazishiyile Baashiliya.”

2 Byambo 31:2

Mwene Hezekiya wemikile kami tunzunga twa Bakankombela na Balevi, omu ba ku fwanina ku muntu na muntu kutenda mulimo wendi. Milimo eye yengile yaha zinkombela za kuhokesha na zinkombela za kulilumikila na ya kutenda mulimo mu mbalila yamu Litala lya Nyambi ya Ngula na kutenda mulimo ku mapangati aku shipango sha Litala lya Nyambi ya Ngula na kuyemeza na zinkushi mu zimbalila za Litala lya Nyambi ya Ngula.

Ezila 3:8

Nohobene mu mwaka wawubili oho balubukakale ku Litala lya Nyambi ku Yelushalema, ku mwanya kwekalile mwaka Litala lya Nyambi. Mu ngonda wawubili Zelumbambelu mwana Shelatiyele na Yoshuwa mwana Yozandaki na mashaliza a bawushinda wabo bakankombela na balevi na baya nimwabo bafumine ku wutampwa kwiza ku Yelushalema. Bahatile balevi kutatika ba myaka makumi abili na kuya kumbili, batatikile mulimo. Zelumbambelu mwana Shelutiyele na Yoshuwa mwana Yehozandaki na wingi wa baminabo bakankombela na Balevi na bantu nimwabo bafumine mu wutampwa kulubuka mu Yelushalema. Balevi nimwabo ba myaka makumi abili hinge kupitakana bayakiwile mukwendesha milimo ya kutendulula Litala lya Nyambi.

Nehemiya 10:39

Bantu ba Ishalela na Balevi bakatwalanga bitapilo bya mbuto ya mpeka na waine na mazi a olive ku bishete bakongelanga bikwatilo bya mu Litala lya Nyambi. Naku matala a bakankombela aba bali ha mulimo naku bakakulama Litala lya Nyambi. Naku litanga lya bakakwimbila mu Litala lya Nyambi. “Kuka kenda Litala lya Nyambi yetu tufwako.”

Nehemiya 11:3

Ngoboni bantu ba Ishalela nimwabo na bakankombela na Balevi na bakamilimo yamu Litala lya Nyambi na bazukulya bakamilimo ba Sholomoni bazikile ha makona wabo mu minzi ya mu Yunda. Ou niwo muhoko wa bakulwane bazikile mu Yelushalema na mu minzi yamina ya Yunda muntu na muntu wekalile ha likona lyendi. Aba bengile bantu Baishalela nimwabo na bakankombela na balevi na bakakutenda milimo mu Litala lya Nyambi na bazukulya bakamilimo ba Sholomoni.

Nehemiya 12:24

Bakakutwaminina Balevi, ba Hashambiya na Shelembiya na Yeshuwa na Kandimiyele, Balevi bayakiwile mu tunzunga tunzunga. Tunzunga tubili twayemezelenga Nyambi ha shikati shimo na kuliyangushuna na kukambilila kuli Nyambi, kuya ngonehe kufundiziza kwa mwene Ndavita muntu wa Nyambi.

Nehemiya 6:1

Shanimbalati na Tombiya na Ngeshema na wingi wa bamalamo betu bayuvwile ngayi twamanishakale kutenda kembi kami kowa mampananga anashalako hinge ndi twabulile kuyaka bihala ku mapangati.

Nehemiya 6:15

Oho matena 52 apitile, mulimo wa kembi wamanine. Ha mutena wa 25 wa ngonda wa Eluli kembi kamanine.

Nehemiya 6:19

Bantu batweshele kwamba kukwami ha biheka nimwabyo byabiwahe atendelenga Tombiya na ku shimikila kami Tombiya nimwabyo biya nambilenga. Pe wazundaminine kuntuminanga mañwati akushinga kuntinisha.