Nehemiya 4:2 - Libuka Lya Kuyela

² Niho ambile kumbili ya baminendi na makunge a banzita ba Shamaliya ngayi, “Kati aba Bayunda ba kupopa bishini boni ebye bakuhanganika kutenda! Bakushinga ngayi batendulule lukena ndi? Kati bakuhanganika ngayi ha kukombelela nkombela ba kutwesha kumanisha mulimo ha mutena umo ndi? Kati ba kutwesha na mamanya aha mishiinzi ya bibanku bya kuhokeshiwa ndi?”

Nehemiya 4:2 Iomraidhean Croise

Ezila 4:4

Niho bantu aba bazikilenga mwaka mu litunga bashingile kukwangisha na kutinisha Bayunda na ku bakanisha kutenda Litala lya Nyambi ya Ngula.

Nehemiya 12:27

Oho kembi ka lukena lwa Yelushalema kafunguliwile, Balevi baletiwile mu Yelushalema kufuma nimwako oku bazikilenga, nohobene ngayi mwanga batweshe kupinga shimbo na ku wahilila hamo na kwimbila nyimbo za kukambilila na mushumina wa mikwashi na tumbuli.

Nehemiya 12:43

Ha mutena uyo zinkombela zazingi zakombeleliwile, pe bantu bawahililile shikuma ndaba Nyambi wabengishile baka ku wahilila shikuma. Bambuyama na batwanuke kami balifungilile mu shimbo, pe miyoyo ya ku wahilila kwabo yatweshele kuyuvwanika kwakutali na Yelushalema.

Nehemiya 4:10

Ngoboni bantu ba Yunda bambile ngayi, “Twakwangakale ku shimba biyeko, ku shili bibanku byabingi biku fwanina kufumishiwa, pe tukatwesha nahiti kutendulula kembi.”

Nehemiya 6:15

Oho matena 52 apitile, mulimo wa kembi wamanine. Ha mutena wa 25 wa ngonda wa Eluli kembi kamanine.

Nyimbo 83:4

Bakwamba ngayi, “Yekenu, tulobeshe litunga lyabo, ngayi lizina lya Ishalela likavulamiwe mwaya myaka.”

Yelemiya 26:18

“Oho Hezekiya engile mwene wamu Yunda, muluwe Mika waku Molesheti walubulwile ku bantu nimwabo ebye ambile Nyambi wa Makunge ngayi, ‘Ziyoni ukalimiwa ngo mfuba, Yelushalema ukafutuka mushiinzi wa mamanya, na lipili lya zikiwa Litala lya Nyambi, likafutuka lipumbu lya kuzika.’

Yelemiya 33:24

“Kati kutosha ebye bali na kwamba aba bantu ngayi, Ami nakana Ishalela na Yunda, ba lupashi babili baya nahatile wufwako ndi? Nehe nisho banankana bantu bami, ku bahanganika kwinga litunga ku meho wami nifwako.

Ndanyele 9:25

Limuka eshe na ku yuvwishisha shiwahe, kufuma shikati shiya babilikile bya kuhongozola na kutendulula Yelushalema, kutwala naku shikati sha kwiza kwa kalela ou Wakuwabishiwa, kukekala myaka 49. Yelushalema ukatendululiwa na zimbanza na twimbi twendi twa ku shuma ha myaka 434 ngoboni nisho shikenga shikati sha makando.

Hambakuki 3:2

Obe Nyambi ya Ngula nayuvwu mpupo yobe, nili na bowa, obe Nyambi ya Ngula ha milimo yobe. Haya yipindule kami mukati ka myaka yetu, mukati kayino myaka yikwayanishe, winge wa nceshe hingebene unapilama.

Zakaliya 12:8

Ha mutena uyo Nyambi ya Ngula ukalamwina aba bazika mu Yelushalema, ngayi mwanga wamushe shikuma hakati kabo ukalifweka ngo Ndavita, kami litala lya Ndavita bakalifweka na Nyambi, ku mitwe yabo bakalifweka ngo lingeloyi lya Nyambi ya Ngula.

Zakaliya 4:10

Baya bashampwilenga ha mutena kwatendiwile byuma byabishe bakawahilila, oho bakamona shipimisho sha kupimisha litala shili mu liboko lya Zelumbambelu. Aba mutanu na babili, nibo meho a Nyambi ya Ngula, anakumu hano hanci nimwaho.”

1 Kolinte 1:27

Ndaba Nyambi wahatile byuma byowa bya muno mu kaye ngayi ayeneshe bakangana. Nyambi kami wahatile byuma bya kupopa bya muno mu kaye ngayi ayeneshe bakangovu.