Nehemiya 3:5 - Libuka Lya Kuyela

⁵ Balume ba lukena lwa Tekoya nibo batendulwile mbalila ya ku lundaminako. Ngoboni bakakutwaminina bantu ba ku munzi uyo babulile kuyaka mitima yabo ku mulimo uyo bapanikiwile ku bakulwane bakakwendesha mulimo.

Nehemiya 3:5 Iomraidhean Croise

2 Shamwele 14:2

Niho ehanine mbuyama wakukeya owe wekalilenga ku Tekoya. Oho akumine, Yowambu wambile kukwendi ngayi, “Lifwanikize ngo uli mu malila, uvwale bivwalo byobe bya malila na kubula ku shakula huki zobe na kubula kuli waba mazi. Utende ngonehe mbuyama ou unekala mu malila shikati shashitali.

2 Byambo 11:6

Wazikile zinkena za Mbetelehema na Etami na Tekoya,

Nehemiya 3:27

Bakatekoya batendulwile mbalila ya ku lundaminako, mbalila yabo ya wubili, ya balikilile kuliyahikiza na kapeshi kakanene kalamanga Litala lya Nyambi, kukakuma naku kembi kwakwipi na Ofwila.

Nehemiya 3:4

Melemoti mwana Uliya muzukulya Hakozi watendele mbalila ya ku lundaminako. Meshulama mwana Mbelekiya muzukulya Meshezambela niye watendele mbalila ya ku lundaminako. Zandoki mwana Mbaana niye watendele kami mbalila ya ku lundaminako.

Nehemiya 3:6

Pe Yoyiyanda mwana Pasheya na Meshulama mwana Mbeshondeya nibo batendulwile Lipangati lya Yeshana. Bayakile bikwiliti na bihala mu myanya yabyo, pe bayakile milomboti na tupatisho twa kupatisha Lipangati.

Yelemiya 27:12

Nambile mazu akulifweka kuli mwene Zendekiya waku Yunda ngayi, “Lishishenu kuli mwene waku Mbambiloni, mutendelenu milimo hamo na bantu bendi, pe mukayoya.

Yelemiya 27:2

“Eshe nisho ambile Nyambi ya Ngula kukwami ngayi, ‘Tenda mpongoho ya shitondo, uyakeko mikunzi ya shitumba, ulikambikeyo ha ncingo.

Yelemiya 27:8

“Ngoboni matunga aya hinge wene wakubula kulishisha kukwendi, pe aya matunga nikawushushula na mukwale, kapande na wulweli hantu napaniki Nembukandineza mwene wa Mbambiloni kuwu lobesha na liboko lyendi. Eshe nisho anamba Nyambi ya Ngula.

Yelemiya 6:1

Nyambi ya Ngula ukwamba ngayi, “Enu bantu ba Mbenjamani tinenu fumenu mu Yelushalema. Shibenu mpandula mu Tekoya, kami katulenu shilimukisho sha mundilo ha lipili lya Mbeti Hakilemu, ndaba makando na kulobeshiwa kwa litunga bili na kwiza, kufuminina ku ncelele.

Amoshi 1:1

Awa niwo mazu a Amoshi ou wengile umo wa balishani ba ku Tekoya. Awa atontwelele ha Ishalela ha shikati shiyo oho Uziya engile mwene wa Yunda na Yelombowami mwana Yowashi, engile mwene wa Ishalela. Ebye byamonekele munyima ya myaka yibili oho shilolo kwikale kukanka kwa kaye.

Mateo 11:29

Shimbenu mpongoho yami, kami lilongeshenu byami, ndaba ngayi nili mukakulilimbwilisha na mutima wakubomba, pe mukawana kukatala mu myoyo yenu.

Milimo 15:10

Haya, shumangani mukwezeka Nyambi na kuyaka mpongoho ha zincingo za bandongesha, eye babulile kutwesha batatizetu hinge etu kuyishimba?

1 Kolinte 1:26

Haya bawushinda, lihanganikenu eshe mwekalile oho Nyambi amihanine. Kwezekesha na nyoyelo ya wuntu, kaliha babengi mukati kenu bekalile na ngana, hinge na ngovu, kami babengi mukati kenu kaliha bahemuwile mu maziko a maleema.

Bakakuyata 5:23

Lingeloyi lya Nyambi ya Ngula lyambile ngayi, “Ukute Meloze, kuta aba bekalamo, ndaba kaliha bezile mu kuyavwa Nyambi ya Ngula, babulile kwiza na kumuyavwa ku mukangovu.”