Nehemiya 3:1 - Libuka Lya Kuyela

¹ Eshe nisho batendulwile kembi ka lukena. Eliyashimbu, Mukulwane wa bakankombela nimwabo na bawushinda wendi bakankombela batendulwile Lipangati lya Bambelele, pe balifungwile na kuyaka bihala mu mwanya wabyo. Batendulwile kembi kukakuma naku Kapeshi kaba Mwanda naku Kapeshi ka Hananela.

Nehemiya 3:1 Iomraidhean Croise

Nehemiya 12:10

Yoshuwa wengile tata Yoyakimu wengile tata Eliyashiba, Eliyashimbu wengile tata Yoyiyanda,

Nehemiya 12:30

Pe bakankombela na Balevi batendele shiheka sha kuliyelesha nibo bamwine hamo na bantu na mapangati na kembi ka lukena.

Nehemiya 12:39

twayile kupitakana Lipangati lya Efulemu na Lipangati lya Yeshana na Lipangati lya Zinci naku Kapeshi ka Hananela naku Kapeshi ka Mwanda naku lipangati lya bambelele naku kuma ku Lipangati oku bahatulwilenga bakanzita.

Nehemiya 13:28

Yoyiyanda wengile mwana Eliyashimbu Mukulwane wa bakankombela nimwabo, ngoboni umo ha bana ba Yoyiyanda wayekele mwana Shanimbalati waku munzi wa Heloni. Nohobene, ami Nehemiya natandile Yoyiyanda mu Yelushalema.

Nehemiya 13:4

Mukankombela Eliyashimbu, kawushinda wa Tombiya, ou wengile mukulwane wa bishete bya ku Litala lya Nyambi.

Nehemiya 3:20

Mbaluki mwana Zakayi niye watendulwile mbalila ya ku lundaminako, wakakumishilile ku menginino a litala lya Eliyashimbu Mukulwane wa bakankombela nimwabo.

Nehemiya 3:21

Melemoti mwana Uliya muzukulya Hakozi, niye watendulwile mbalila ya ku lundaminako kukakuma na kunkumo ya litala lya Eliyashimbu.

Nehemiya 3:32

Bamfuzi ba ngolinde na bakakulandisha batendulwile mbalila ya mamaninino, ku balika ku kampenci kaku nkomi kuka kumisha naku Lipangati lya Bambelele.

Nehemiya 6:1

Shanimbalati na Tombiya na Ngeshema na wingi wa bamalamo betu bayuvwile ngayi twamanishakale kutenda kembi kami kowa mampananga anashalako hinge ndi twabulile kuyaka bihala ku mapangati.

Nehemiya 7:1

Pe oho kembi katendululiwakale, kami bihala nimwabyo byayakiwakale mu myanya yabyo, bakakulama Litala lya Nyambi na litanga lya bakakwimbila na Balevi, nimwabo bayakiwile ha mulimo.

Nyimbo 30:1

Obe Nyambi ya Ngula, nika kuyemeza, ndaba wandamwinine mu makando, kami kaliha wetabilile bamalamo bami batangalile hahami.

Nyimbo 48:12

Zingulukenu lukena lwa Ziyoni, pe labokenu tupeshi twalo,

Zincimpi 3:6

Bikati nimwabyo anuka Nyambi ya Ngula, pe ukakutwaminina mu nzila ya kupwisha.

Zincimpi 3:9

Lemeeka Nyambi ya Ngula na wuheti wobe, hamo na mbuto yobe ya kutatika kuteza.

Yelemiya 31:38

Monenu, matena akeza, oho lukena lwa Yelushalema bakalutendulula kwinga lukena lwami, ku balika ku kapeshi ka Hananela, kukakuma naku lipangati lya ku nkomi.

Ndanyele 9:25

Limuka eshe na ku yuvwishisha shiwahe, kufuma shikati shiya babilikile bya kuhongozola na kutendulula Yelushalema, kutwala naku shikati sha kwiza kwa kalela ou Wakuwabishiwa, kukekala myaka 49. Yelushalema ukatendululiwa na zimbanza na twimbi twendi twa ku shuma ha myaka 434 ngoboni nisho shikenga shikati sha makando.

Zakaliya 14:10

Litunga nimwalyo likafutuka mbuwa, iya yikabalikila ku Ngemba kukakuma naku Limoni, ku mabukubuku a Yelushalema. Ngoboni Yelushalema ukekala haya ekalile mwaka ha kukankama, ku balika ku lipangati lya Mbenjamani kukakuma na ku lipangati lya kutatika, kukakuma na ku lipangati lya ku nkomi, pe ku balika ku kapeshi ka Hananela kukakuma na kubizongelo bya mwene.

Yowano 5:2

Mu Yelushalema hahepi na Lipangati lya Bambelele mwekalile liziba lyatumbiwile mu Shihebelu ngayi Mbetizata. Kuyo kwekalile mazezelo mutanu. Mbetishaza mu Shialamayika ngayi Mbeteshayinda.

Ndayano 20:5

“Niho babilolo bakamba ku bantu ngayi, ‘Kati kuli muntu unatende litala kwakubula kufungulalyo ndi? Ndi kwali, pe aboke ku litala lyendi, ndelewa, hamina ukazihiwa kunzita, pe muntu wamina ukakundikalyo.