Nehemiya 2:3 - Libuka Lya Kuyela

³ niho na kumbwile ngayi, “Obe mwene ya ngoma, yoyanga mwaya myaka! Kati nikubula ku moneka kuhomba nahiti, lukena luyo bafundiwa bankaka zami hinga lwenga mapembe, kami mapangati alwo hinga ahokeshiwile?”

Nehemiya 2:3 Iomraidhean Croise

1 Bamyene 1:31

Pe Mbatisheba walambile, niho ambile ngayi, “Hekulyami mwene Ndavita, mwanga uyoyenga mwaya myaka.”

2 Bamyene 25:8

Ha mutena wa mutanu na abili mu ngonda wa mutanu mu mwaka wawu 19 wakulela kwa mwene Nembukandineza waku Mbambiloni, Nembuzalandani mukakubela wa mwene na mukulwane wa bakanzita wenginine mu Yelushalema.

2 Byambo 21:20

Yeholamu washwanine ha wene oho uli na myaka 32, pe walelele mu Yelushalema myaka 8. Kowa muntu wayuvwile wunginga oho afwile. Bamufundile mu Lukena lwa Ndavita. Ngoboni kaliha mu bizino bya wene.

2 Byambo 28:27

Mwene Ahazi wafwile pe wafundiwile mu Yelushalema ngoboni kaliha wafundiwile mu bizino bya bamyene ba Ishalela. Mwanendi Hezekiya wa mulume wamushwanine kwinga mwene.

2 Byambo 32:33

Hezekiya wafwile pe wafundiwile mu bizino bya wene bya bazukulya Ndavita bya ku lukandwa. Bantu bamu Yunda nimwawo namu Yelushalema bamupanine maleema amanene shikuma ha lufu lwendi. Mwanendi Manashe wamushwanine kwinga mwene.

2 Byambo 36:19

Wahokeshele Litala lya Nyambi ya Ngula na lukena lwa Yelushalema na misheke yalwo nimwayo na wuheti pe wanyemwine kembi ka lukena.

Nehemiya 1:3

Bantongwezele ngayi baya bapulukile na kuboka mu litunga lyetu bali mu wukalu wawunene na lisheni. Pe kami ngayi twimbi twa Yelushalema twa nyemuka na mapangati atwo ahokeshiwa.

Nehemiya 2:13

Kwengile wushiku oho natutikile mu lukena na Lipangati lya ku Mukulo waku mponci na kuya ku mabukubuku a Lishima lya Mumbwe kukakuma naku Lipangati lya ku Lilala. Oho nayilenga nahengwele mamota a Yelushalema aku nyemuka na mapangati aya ahokele na mundilo.

Eshita 8:6

Haya nikutwesha nahiti ku shuma mutima ha ku mona ndi awa makando akwiza ha bawushinda wami kami ndi bawushinda wami ba kuzihiwa?”

Nyimbo 102:14

Bakamilimo bobe bahaka luya lukena lwa Ziyoni, hinge ndi lunalobeshiwi na kufutuka lipembe, ba kuluyuvwila nceshe.

Nyimbo 102:15

Matunga akatina lizina lya Nyambi ya Ngula, bamyene nimwabo ba hanci bakatina wuwahe wendi.

Nyimbo 137:6

Mwanga lulimi lwami lukalamatile mu lilakito lya kanwa kami, ndi nifwako ku kwanuka, kami ndi nifwako ku kuyaka kwinga kutangala kwami kwakunene.

Nyimbo 38:7

Lutu lwami luli na kumbyaza na mashikashika, lutu lwami nimwalo kowa aha nikuliyuvwila shiwahe.

Yelemiya 52:12

Ha mutena wa mutanu na abili mu ngonda wa mutanu mu mwaka wawu 19 wakulela kwa mwene Nembukandineza waku Mbambiloni, Nembuzalandani mukakubela wa mwene na mukulwane wa bakanzita wenginine mu Yelushalema.

Malila 2:9

Mapangati nimwawo analobo hanci, mikambo yabyo nimwayo yinacancozoko. Mwene na babilolo bali mu wuntampwa, wuluno kowa muntu waku longesha ndayano, pe bamiluwe nabo bafwabyo bimono, bya kufuminina kuli Nyambi ya Ngula.

Ndanyele 2:4

Nibo bakumbwile mwene mu Shialamayika ngayi, “Obe Mwene ya ngoma, yoyanga mwaya myaka. Tutongweze mulo wobe, pe tuka utontolola kukwobe.”

Ndanyele 3:9

Bambile kuli Mwene Nembukandineza ngayi, “Obe Mwene ya Ngoma uyoyenga mwaya myaka.

Ndanyele 5:10

Manda bamyene oho ayuvwile mazu a mwene na babilolo bendi babalemu pe wenginine mukati ka litala lya mayambwayambwa. Lihano wambile ngayi, “Obe mwene ya Ngoma uyoyenga mwaya myaka. Hinga upempuka mutima hinge ku monesha kufutula lupala lwobe.

Ndanyele 6:21

Ndanyele wakumbwile ngayi, “Obe Mwene ya Ngoma, mwanga uyoye mwaya myaka.

Ndanyele 6:6

Bakakutwaminina na batulela bayile hamo na ku mona mwene, pe bambile ngayi, “Obe Mwene ya Ngoma, mwanga uyoyenga mwaya myaka.

Balevi 26:31

pe nikafutula minzi yenu kwinga mapembe, nikalobesha myanya yenu ya kulemeshela, pe kukayuvwa livumba lyaliwahe lya zinkombela zenu nifwako.