Nehemiya 11:3 - Libuka Lya Kuyela

³ Ngoboni bantu ba Ishalela nimwabo na bakankombela na Balevi na bakamilimo yamu Litala lya Nyambi na bazukulya bakamilimo ba Sholomoni bazikile ha makona wabo mu minzi ya mu Yunda. Ou niwo muhoko wa bakulwane bazikile mu Yelushalema na mu minzi yamina ya Yunda muntu na muntu wekalile ha likona lyendi. Aba bengile bantu Baishalela nimwabo na bakankombela na balevi na bakakutenda milimo mu Litala lya Nyambi na bazukulya bakamilimo ba Sholomoni.

Nehemiya 11:3 Iomraidhean Croise

Ezila 2:1

Batampwa babengi bafumine mu litunga lya Mbambiloniya na kuboka ku Yelushalema naku Yunda, muntu na muntu wabokele ku munzi wendi. Balupashi lwabo bekalilenga mu wutampwa mu Mbambiloniya ku balika ha shikati shiyo Mwene Nembukandineza abatwalile mukwinga batampwa.

Ezila 2:43

Mavumo a bakamilimo ba mu Litala lya Nyambi aba bafumine mu wutampwa, bengile bazukulya Ziha na Hashufwa na Tambayoti,

Ezila 2:70

Bakankombela na Balevi na bantu bamo bazikile mu Yelushalema, bakakwimbila na bakakulama mapangati a Litala lya Nyambi na bakamilimo bamu Litala lya Nyambi bazikile ku minzi yabo, kami wingi wa Baishalela nimwabo bayile ku minzi oku bazikilenga bankakazabo.

Nehemiya 11:20

Pe wingi wa bantu ba Ishalela na bakankombela hamo na Balevi aba bashalileho, bazikile nahiya mu zinkena zamina namu minzi yamu Yunda ha makona wabo.

Nehemiya 11:4

Bantu bamina bafumine ku Yunda na Mbenjamani aba bazikile mu Yelushalema bengile ba Atayiya mwana Uziya. Uziya mwana Zakaliya, niye kami wengile muzukulya Zendekiya Bankakazendi bamina bengile ba Amaliya na Shefwatiya na Mahalalelu, bazukulya Pelizi mwana Yunda.

Nehemiya 7:39

Owe niwo muhoko wa mazina a mavumo a bakankombela aba balubukile mu wuntapwa, ku livumo lya Yendaya Yeshuwa kwalubukile bantu 973.

Nehemiya 7:43

Owe niwo muhoko wa mavumo a Balevi balubukile kufuma mu wuntapwa ku livumo lya Yeshuwa na Kandimiyele bazukulya Hondaba kwalubukile bantu 74.

Nehemiya 7:46

Bengile ba mu mavumo a Ziha na Hashufwa na Tambayoti,

Nehemiya 7:6

Wingi wa bantapwa bashiyile Mbambiloni na kuboka ku Yelushalema mu litunga lya Yunda, muntu na muntu wabokele ku munzi wendi. Mapashi abo ekalilenga mu Mbambiloni ku balika oho abakwatile Mwene Nembukandineza kwinga bantapwa.

Nehemiya 7:7

Bakakutwaminina bengile Zelumbambelu na Yoshuwa na Nehemiya, Azaliya na Layamiya na Nahamani na Mondikayi na Mbilishani na Mishipaleta na Mbingibayi na Nehumi na Mbaana. Owe niwo muhoko wa mazina atikitiwile mu mavumo a Ishalela na wingi wa noho balubukile kufuma mu wuntapwa.

Nehemiya 7:73

Bakankombela na Balevi na bakakulama Litala lya Nyambi na bakakwimbila na bantu bowa babengi, hamo na bakakutenda mulimo wa Litala lya Nyambi na Baishalela nimwabo, bazikile mu minzi yabo namu zinkena zamu Yunda. Oho ngonda wa mutanu na zibili atelamine, bantu ba Ishalela nimwabo oho bekalakale mu minzi yabo.