Nehemiya 1:3 - Libuka Lya Kuyela

³ Bantongwezele ngayi baya bapulukile na kuboka mu litunga lyetu bali mu wukalu wawunene na lisheni. Pe kami ngayi twimbi twa Yelushalema twa nyemuka na mapangati atwo ahokeshiwa.

Nehemiya 1:3 Iomraidhean Croise

1 Bamyene 9:7

nikafumisha bantu bami Baishalela mu litunga lino na bapanikile pe kami nikashiya lino litala lyami elye nafungwile ngayi bakandemeshelengamo. Bantu kuti na kuti bakahendola Baishalela na kubakenda.

2 Bamyene 25:10

Bakanzita ba ku Mbambiloniya banyemwine mamota a Yelushalema ku zimbalila nimwazo.

2 Byambo 36:19

Wahokeshele Litala lya Nyambi ya Ngula na lukena lwa Yelushalema na misheke yalwo nimwayo na wuheti pe wanyemwine kembi ka lukena.

Ezila 2:1

Batampwa babengi bafumine mu litunga lya Mbambiloniya na kuboka ku Yelushalema naku Yunda, muntu na muntu wabokele ku munzi wendi. Balupashi lwabo bekalilenga mu wutampwa mu Mbambiloniya ku balika ha shikati shiyo Mwene Nembukandineza abatwalile mukwinga batampwa.

Ezila 5:8

“Obe mwene ya ngoma uku fwanina kulimuka ngayi etu twayile ku litunga lya Yunda pe twakawanine ngayi Litala lya Nyambi Wamunene lili na kutendululiwa na mamanya amanene na mikambo ya bitondo yayaliwakale. Mulimo unatendiwi shiwahewahe pe uli na kuya kumbili wanguwangu.”

Nehemiya 11:3

Ngoboni bantu ba Ishalela nimwabo na bakankombela na Balevi na bakamilimo yamu Litala lya Nyambi na bazukulya bakamilimo ba Sholomoni bazikile ha makona wabo mu minzi ya mu Yunda. Ou niwo muhoko wa bakulwane bazikile mu Yelushalema na mu minzi yamina ya Yunda muntu na muntu wekalile ha likona lyendi. Aba bengile bantu Baishalela nimwabo na bakankombela na balevi na bakakutenda milimo mu Litala lya Nyambi na bazukulya bakamilimo ba Sholomoni.

Nehemiya 2:13

Kwengile wushiku oho natutikile mu lukena na Lipangati lya ku Mukulo waku mponci na kuya ku mabukubuku a Lishima lya Mumbwe kukakuma naku Lipangati lya ku Lilala. Oho nayilenga nahengwele mamota a Yelushalema aku nyemuka na mapangati aya ahokele na mundilo.

Nehemiya 2:17

Ngoboni haya nambile kukwabo ngayi, “Nka munamono wukalu owe tuli nawo wa lukena lwa Yelushalema olwe lu nafutuku mapempe kami mapangati alwo ahokeshiwa! Tokonoko tutendululenu twimbi twa lukena na kulifumisha lisheni.”

Nehemiya 2:3

niho na kumbwile ngayi, “Obe mwene ya ngoma, yoyanga mwaya myaka! Kati nikubula ku moneka kuhomba nahiti, lukena luyo bafundiwa bankaka zami hinga lwenga mapembe, kami mapangati alwo hinga ahokeshiwile?”

Nehemiya 7:6

Wingi wa bantapwa bashiyile Mbambiloni na kuboka ku Yelushalema mu litunga lya Yunda, muntu na muntu wabokele ku munzi wendi. Mapashi abo ekalilenga mu Mbambiloni ku balika oho abakwatile Mwene Nembukandineza kwinga bantapwa.

Eshita 1:1

Ebye nibyo byaholokele ha shikati sha Zekishi, ou wengile mwene wamunene wamu Pesha. Walelele matunga 127 kubalikila ku Indiya kukuma na kupitilila Etopya.

Nyimbo 79:4

Tunahanduliwi ku bandambo betu, banatukumangizi na kutuhepa ku matunga atuzinguluka.

Zincimpi 25:28

Muntu wakubula kukwata mutima, ukufweka ngo munzi wawunene ou mamota wawo bananyemunu na kuwu shiya nahiya.

Ishaya 43:28

Niho nakendele bakakutwaminina mwanya wa kuyela, na kuleta makando akulobesha Yakobo, na kwitabila Ishalela ngayi ahanduliwe.

Ishaya 5:5

Haya nikumitongweza ebi nikatenda ku mfuba yami ya shinyanca. Nikafumisha mishimino yaku mfuba, ngayi mwanga mikolobozi yiliwe ku tuyamana, nikashiwula kembi kayo, pe mikolobozi bakayilyatangila hanci.

Yelemiya 24:9

Nikaleta malwa hahabo ngayi wene nimwawo wa hano hanci ukatina. Bantu bakabahengamina na ku balimbwilisha na ku ba kuta nimwako oku nikabapanzanishila.

Yelemiya 29:18

Nikaba kulanisha na mukwale na kapande na wulweli, kami mikoka nimwayo ya hano hanci bakalikomokela ha nobyo bakamona hahabo. Nimwako oko nikabapanzanishila bantu bakalikomokela na kukanka ha ku mona bikatendiwa hahabo. Bantu bakabahengamina na ku batoya ngayi bantu ba mukuto.

Yelemiya 39:8

Baka Mbambiloni bahokeshele musheke na matala a bantu na kuwisha kembi ka Yelushalema.

Yelemiya 42:18

Nyambi wa Makunge, Nyambi wa Ishalela ukwamba ngayi, “Ngonehe kulasheka kwa wukali wami kwezile ha bantu baya bekalile mu Yelushalema, nohobene, wukali wami ukeza hahenu, ndi mu kuya ku Engepita. Mukekala mu makando, bantu bakamikendula, bakaliyavwisha lizina kumikutwiza. Pe kukamona kami yino mbalila mufwako.

Yelemiya 5:10

Nikatuma bamalamo ngayi bakaketule mikolobozi ya mikabo ya shinyanca, ngoboni kaliha bakayilobesha nimwayo, bakashanzaho tuhu myahi, ndaba kaliha ya Nyambi ya Ngula.

Yelemiya 52:14

Niho bakanzita ba Mbambiloni, nimwabo baya bekalile nendi, babunkwile twimbi nimwato twazinguluka Yelushalema.

Malila 1:7

Mu matena a makalikiza Yelushalema, uli na kwanuka kuyoya kwakuwahe kuya ekalile nako mu matena akunyima, ngoboni hano hi lipembe. Oho ekalile mu maboko a bamalamo bendi kowa hinge umo wamuyavwile. Bamalamo oho bamumonenenga bamuhengamininenga ha kuwa kwendi.

Malila 2:9

Mapangati nimwawo analobo hanci, mikambo yabyo nimwayo yinacancozoko. Mwene na babilolo bali mu wuntampwa, wuluno kowa muntu waku longesha ndayano, pe bamiluwe nabo bafwabyo bimono, bya kufuminina kuli Nyambi ya Ngula.

Malila 3:61

Obe Nyambi ya Ngula, unayuvwu eshe bali na kuhandula, ulimuka na biyongola byabo nimwabyo.

Malila 5:1

Obe Nyambi ya Ngula anuka biya binatendiwi kukwetu. Penza, pe mona kuyeneshiwa kwetu.

Balevi 26:31

pe nikafutula minzi yenu kwinga mapembe, nikalobesha myanya yenu ya kulemeshela, pe kukayuvwa livumba lyaliwahe lya zinkombela zenu nifwako.

Balevi 26:33

Nikaleta nzita hahenu na kumipanzanishila mu matunga ashenge na mukwale hinga wekala ha nyima yenu. Litunga lyenu likashala ha nahiya. Minzi yenu yikashala mapembe.