Mukakushimikila 7:2 - Libuka Lya Kuyela

² Shashiwahe kuya ku litala kuya kuli malila, kupitakana kuya kuli mayambwayambwa, ndaba baya nimwabo ba kuyoya banafwanini kulyanukisha nibo bamwine ngayi, lufu lunatatilili muntu nimwendi.

Mukakushimikila 7:2 Iomraidhean Croise

Nyimbo 90:12

Tulongeshe kulaba matena wetu, ngayi mwanga twikale na ngana.

Mukakushimikila 2:14

Bantu bangana ba kutwesha kulimuka oku bakuya, bileya bakwenda mu mincimpwe, ngoboni hinge noho nalimuku ngayi shuma sha kutamwa shikeza ku nimwabo.

Mukakushimikila 2:16

Ndaba bantu bangana na bakubula ngana kowa ukanukiwa mwaya myaka. Ku matena a kumbili nimwabo bakavulamiwa. Wangana ukafwa na shileya kami ukafwa.

Mukakushimikila 3:19

Ebye bikwizilila bantu nibyo kami bikwizilila batuyamana, eshe akufwa muntu nakayamana kami nisho akufwa. Nimwabo bali na kwoya mpepo yimo. Kami muntu kupitakana batuyamana wufwako, ndaba ebye nimwabyo bifwako kukayikalilila.

Mukakushimikila 3:20

Nimwabo bakaya ku mwanya umo, nimwabo bafuma ku lukungu, kami bakaboka ku lukungu.

Mukakushimikila 6:6

kupitakana muntu ukubula kulikuwa wumi, hinge ndi ukuyoya myaka makulukazi abili. Ndaba nimwabo bakaya ku mwanya umo.

Mukakushimikila 9:2

Kowa kutapulula, wukalu ukwiza ha bantu bakulunga niwo kami ukwiza ha bantu bakuluwa, ku bantu babawahe nanaba bababi, kunobo ba kulimuka bya wunyambi nanobo bakubula kubilimuka. Ku nobo bakakutupula nanobo bakakubula kutupula. Shikutendiwa ku wamuwahe, nisho kami shikatendiwa ku wamubi, mukakukulupisha kupitakana mukakubula kukulupisha wufwako.

Mukakushimikila 9:3

Eshe shinengi sha shibi ku nimwabyo bikutendiwa hano hanci, pe mamaninino akulifweka ezanga ku muntu nimwendi, nimwabo kami mitima yabo yenzala na wubi na wupempeli oho bashili kuyoya, pe banakuya mu kufwa.

Mukakushimikila 9:5

Ndaba bantu babomi balimukanga ngayi bakafwa, ngoboni ba kufwa kowa eshe ba kulimuka, kami kowa ncuungu yabo, ndaba kowa ushili ku banuka.

Ishaya 47:7

Wahanganikile ngayi, “Shikati nimwasho ukenga lihano,” kami kaliha wayakile ebye ku mutima, hinge kwanuka eshe bikamana.

Yelemiya 16:8

“Hinga wingina mu litala muli mayambwayambwa. Hinga wikala na kulya nabo, hinge kunwa nabo.

Hangayi 1:5

Haya Nyambi wa Makunge ukwamba ngayi, hanganikenu ha zinzila zenu.

Malaki 2:2

Mu ku fwanina kundemesha na biya mu kutenda. Ndi mu kubula kuyuvwa kunebye nikwamba na kumpana maleema, pe nikamikuta. Nikakuta na bitandalisho biya mukatambula. Mwa shikuma nabikutakale, ndaba munabulu kwombatala na mutima wenu nimwawo.

Kulaba 23:10

Yani ukutwesha kulaba bazukulya Yakobo, bakwinga ngo luhekelela! Banengi babengi shikuma, na kubula kutwesheka kulabiwa. Ndehenu nifwe lufu lwa bantu ba Nyambi, pe kufwa kwami, kwinge kwa ku mwena ngonehe bantu baya bakulunga.”

Mateo 5:4

Bali na mfuywezi baya ba kulila, ndaba bakababengezeka.

Ndayano 32:29

Shinga ngayi bengile ba kukeya, shinga bayuvwishishile eshe, na kulehasho ha ku mona osho akekala.

Ndayano 32:46

wambile ngayi, “Lamenu shiwahe awa mazu nimwawo namipaniki lelo. Pitulukenumo ku bana benu ngayi mwanga bombatale na kutenda nimwabyo byatikitiwa mu Libuka lya ndayano.

Fwilipu 3:19

Mamaninino abo kulobeshiwa, Nyambi yabo wenga livumo, ba ku wahilila na byuma biya banafwanini kuyuvwila lisheni. Bakulifulankana ha byuma bya hano hanci.

Bahebelu 9:27

Nehi kwemikiwile ku bantu ngayi bafwe kamo, munyima niho bakayatiwe na Nyambi.