Mukakushimikila 3:2 - Libuka Lya Kuyela

² Kwekala shikati sha kuhemuwa na shikati sha kufwa, shikati sha kukuna na shikati sha kubuya biya bya kuniwa,

Mukakushimikila 3:2 Iomraidhean Croise

Shitatiko 17:21

Ngoboni nikashumisha kulimama kwami kuli mwanobe Ishaki, ou Shala mukazobe aka kubelekela mwaka ukwiza.”

Shitatiko 47:29

Oho shikati sha Ishalela sha kufwa shahenyenene kwakwipi, wehanine mwanendi Yoshefwa pe wambile kukwendi ngayi, “Mwanami, ndi uku wahilila na nami pe kwata liboko lyobe mukati ka bilama byami Unkulupishe ngayi ukatenda byakwoloka na kupwisha ngayi hinga ukamfunda mu Engepita.

1 Bamyene 13:2

Mukukonka lizu lya Nyambi ya Ngula, muluwe wabilikizile ku kaala ngayi, “Obe kaala! Tawee obe kaala! Eshe nisho akwamba Nyambi ya Ngula ngayi, ‘Kukahemuwa kanuke wa mulume ku ba lupashi lwa Ndavita, lizina lyendi ngayi Yoshiya. Ukeza mu kukombelela bakankombela hahobe aba ba kutenda ku myanya ya kuzila yakulemeshela banyambi bowa, pe ukahokeshela bifupa bya bantu hahobe.’ ”

2 Bamyene 4:16

Pe Elisha wambile kukwendi ngayi, “Ku shikati shino mwakowu ukakwata mwana wa mulume mu maboko wobe.” Wabwalumukile ngayi, “Halee! Hekulyami. Obe unengi muntu wa Nyambi. Hinga unyongeza.”

Yobo 14:14

Ndi muntu unafu, kati ukatwesha kuyoya kami ndi? Ngoboni ami nikatatilila ha bikati byabiwahe, nikatatilila hantu shikati sha makalikiza shinamana.

Yobo 14:5

Matena a muntu anengi a kulaba, obe ukulimuka matena na zingonda, obe wemikile mwaka, kowa wakutwesha kuzifutula.

Yobo 7:1

Wumi wa muntu hano hanci wakukwangisha, ngonehe kuyoya kwa mukamulimo wa shikati shashishe.

Nyimbo 113:9

Wawaninanga mbuyama wa mumba munkanda, na kumwinga manda batwanuke wakutangala. Yemezenu Nyambi ya Ngula!

Nyimbo 52:5

Nohobene, Nyambi ukakulobesha mwaya myaka, ukakuhukula na kukukokela ha munkanda wa litala lyobe ukafumisha mu litunga lya babomi.

Zincimpi 24:27

Wahisha mulimo wobe wa ha munkanda, tenda mulimo wobe shiwahe ku mafuba, nohoboni uzike litala lyobe.

Ishaya 28:24

Kowa ndimi watwalililangaho kuwahisha tuhu mafuba, na kuwalima nahiya kubula bya ku shangamo.

Ishaya 38:1

Ha matena ayo mwene Hezekiya wekalile na kukola pe washingile kufwa. Niho muluwe Ishaya mwana Amozi wayile mu kumumona pe wamutongwezele ngayi, “Nyambi ya Ngula unamba ngayi, wahisha byuma byobe shiwahe ndaba kukapola wufwako, ukafwa.”

Ishaya 38:5

“Yanga kuli Hezekiya na kumutongweza ngayi Nyambi ya Ngula, Nyambi wa nkaka yobe Ndavita nayuvwu lilombelo lyobe kami namono mihozi yobe, mona nikanunga ku myaka yobe ya kuyoya na myaka 15.

Ishaya 54:1

Yimbila, obe mbuyama wa mumba! Obe wakubula bana, obe wabula kuyuvwa malwa a kubeleka! Ndaba bana ba uya wengile wakukaniwa bakenga babengi shikuma kupitakana mbuyama wakuyekiwa. Nisho anamba Nyambi ya Ngula.

Yelemiya 1:10

Mona lelo haya nakupaniki ngovu ha matunga naha wene, ngovu za ku zula na kupamuna, ngovu za kulobesha na kufumisha, ngovu za kuzika na kutampika.”

Yelemiya 45:4

Mbaluki, Nyambi ya Ngula unakwamba ngayi, ‘Mona, nilinakushiwula ebye nazikile na ku zula ebye natampikile. Nikatenda eshe hano hanci nimwaho.

Mateo 13:41

Mwana Muntu ukatuma mangeloyi endi kwiza na kufumisha nimwabo bakakupukalisha na bakakutenda byabibi mu Wene wendi.

Mateo 15:13

Yeshu wakumbwile ngayi, “Mutondo nimwawo abulile kukuna Tate wa muyilu ukazuliwa.

Luka 1:13

Ngoboni lingeloyi lyambile kukwendi ngayi, “Hinga utina Zakaliya! Nyambi nayuvwu malombelo wobe. Mukazobe Elizabeta ukakubelekela mwana wa mulume, ukamutumba ngayi Yowano.

Luka 1:20

Ndaba unabulu kukulupila mazu ami awa akatendiwa ha shikati shawo, ukenga shimumu na kubula kwamba kutwala ku mutena uya byuma bikatendiwa.”

Luka 1:36

Mona, kawushinda wobe Elizabeta, ou wengile mumba naniye kami nemiti mu wukulukazi, yino ngonda niyo ya mutanu na yimo.

Yowano 16:21

Mbuyama oho uli hahepi na kubeleka, wekalanga na shikeku ndaba shikati shendi sha makando shinakumu. Ngoboni oho wabelekakale mwana, kaliha wanukanga aya makando, ndaba wawahililanga ngayi mwana unahemuwu mu kaye.

Yowano 7:30

Niho bashingile kumukwata, ngoboni kowa muntu walalabilile liboko hahendi, ndaba shikati shendi oho shilolo shikume.

Milimo 7:17

“Oho shikati sha kumine hahepi ngayi Nyambi atende ebye a kulupishile Abulahama, bawushinda wetu bavulile shikuma na kuhanya mu Engepita.

Milimo 7:20

Moshesha wahemuwile ha shikati shiyo, wengile mwana wamuwahe shikuma kuli Nyambi. Bamuholekele mu litala lya tatiyendi zingonda zihatu.

Ngalatiya 4:4

Ngoboni oho shikati sha kumine, Nyambi watumine Mwanendi, ou wahemuwile ku mukazi, kami wahemuwilile mu ndayano,

Ndayano 34:5

Nohobene Moshesha mukamulimo wa Nyambi ya Ngula, wafwililile kuyo ku litunga lya Mowambi, ngonehe ambile Nyambi ya Ngula.

Bahebelu 9:27

Nehi kwemikiwile ku bantu ngayi bafwe kamo, munyima niho bakayatiwe na Nyambi.

1 Shamwele 2:5

Bantu aba baleliwile shiwahe ku mwaka, hano bali na kuliheheza nibo bamwine ku byakulya, ngoboni bakanzala kukalanduka na nzala kami bafwako. Mbuyama wamumba unabeleke bana babalume mutanu na babili, ngoboni manda bantu babengi unashala mabokoboko.