Mukakushimikila 3:12 - Libuka Lya Kuyela

¹² Nalimuku ngayi kowa shuma shashiwahe eshe bantu ba kutwesha kutenda ndele tuhu ku wahilila na kulikuwa nibo bamwine shikati bashili kuyoya,

Mukakushimikila 3:12 Iomraidhean Croise

Nyimbo 37:3

Kulupilenu muli Nyambi ya Ngula na kutenda shiwahe, nohobene ngayi mukazike mu litunga na kwikalamo shiwahe.

Mukakushimikila 11:9

Obe ndumbana tangala ha wundumbana wobe, mutima wobe uwahilile ha matena a wundumbana wobe, oho ushili ndumbana enda munzila ukushinga mutima wobe naneshe uku mona. Ngoboni hanganika ngayi Nyambi ukakuyata ha nimwabyo ukutenda.

Mukakushimikila 2:24

Kati kowa shashiwahe ku muntu kupitakana kulya na kunwa na kulikuwa ku litengela lyendi. Hinge noho ebye nimwabyo nabimonene ngayi bikufuma ku liboko lya Nyambi.

Mukakushimikila 2:3

Nezekele ku nwa waine ngayi niliyuvwe shiwahe mu mutima wami na kuhanganika kami zinzila za kutenda byuma byowa. Ha bikati ebye nimwabyo ngana zatwalilileho kwendesha mutima wami. Nahanganikile ngayi nkampe eye niyo nzila ya ku fwanina kuyoyelamo hano hanci.

Mukakushimikila 3:22

Niho namonene ngayi shinafwanini ku muntu kulikuwa bya mulimo wendi, ndaba niyo yinengi ncuungu yendi, kati yani ukamubwesha ngayi akatweshe ku mona ebye bikekalako munyima ya lufu lwendi?

Mukakushimikila 8:15

Pe netabilile ngayi muntu uku fwanina kulikuwa ndaba kowa shashiwahe shikuma ku muntu hano hanci ndele kulikuwa niyemwine kunwa na kulya, ndaba ebye nibyo binamukundama ku milimo yendi matena akuyoya kwendi nimwawo awa anamupana Nyambi kwikala hano hanci.

Ishaya 64:5

Ukuyavwa baya ba ku wahilila ha kutenda bya kulunga, baya ba kukwanuka kwenda mu zinzila zobe, Monenu, ngoboni oho twazaminine Kubipisha watulamwinine kati tukutwesha kupuluka nahiti?

Luka 11:41

Ngoboni panikenu bili mu zinkomoki na mu zindonga zenu ku bakakuyanda, pe byuma nimwabyo bikenga bya kuyela kukwenu.

Milimo 20:35

Biya natendele nimwabyo namimoneshele ngayi na kutenda shikuma milimo yanehe, tukutwesha kuyavwa ba kupopa na kwanuka mazu a Mwene Yeshu, oho ambile ngayi, ‘Muli mfuywezi shikuma mu kupanika kupitakana mu kutambula.’ ”

Ndayano 12:18

Enu na bana benu, hamo na bakamilimo benu na Balevi aba bekala mu minzi yenu, mukalila zintupu eze ku meho a Nyambi ya Ngula, Nyambi yenu, mu mwanya umo tuhu wakulemeshela, ou ahata Nyambi ya Ngula, Nyambi yenu. Lilenu kuyo, pe kawahililenu ha byuma nimwabyo biya anamipaniki Nyambi ya Ngula.

Ndayano 12:7

Kuyo ku meho a Nyambi ya Ngula, Nyambi yenu, enu na ba lupashi lwenu mukalya na kulikuwa byuma byabiwahe biya Nyambi ya Ngula akamitandalisha nabyo.

Ndayano 26:11

Wahilila ndaba ya byuma byabiwahe biya anakupaniki Nyambi ya Ngula, Nyambi yobe, obe na ba lupashi lwobe. Kami lifungilenu na Balevi na mapukwenda aba bekala mukati kenu.

Ndayano 28:63

Ngonehe shiya Nyambi ya Ngula awahililile ha kumitumpula na kumi hanyisha, nohobene nisho kami akawahilila ha kumilobesha. Mukafumishiwa ku litunga liya muli na kushinga kutambula.

1 Timoteo 6:18

Batongweze ngayi batende byabiwahe, ngayi bahete mu milimo yayiwahe, benge ba kushoboloka na kushinga kuyavwa.