Mukakushimikila 3:11 - Libuka Lya Kuyela

¹¹ Nyambi unatende byuma nimwabyo kwinga byabiwahe ha shikati shabyo, kami unayaka bifungo kukwetu bya kulimuka bya kumbili ngoboni shilolo atupanike ku yuvwishisha kunebye atendele ha kutatika naku mamaninino.

Mukakushimikila 3:11 Iomraidhean Croise

Shitatiko 1:31

Nyambi watilamine ha byuma nimwabyo biya alengele, niho amonene ngayi byabiwahe shikuma. Kumazolo kwalelele na lumenemene kwashile. Ou wengile mutena wa mutanu na umo.

Yobo 11:7

Kati ukutwesha ku yuvwishisha ncimpi za Nyambi? Kati ukutwesha kulimuka ngana za Mpandashilanga ndi?

Yobo 37:23

Mpandashilanga tufwako kutwesha kuhenyena hahepi nendi. Niye wangovu shikuma, kami wayatanga mu kupwisha, pe kaliha wayandishanga bantu.

Yobo 5:9

Milimo yendi ya kukomokesha, kami kutwesha kubiyuvwishisha tufwako, bya kukomokesha atendanga, kami kutwesha kulabiwa bifwako.

Nyimbo 104:24

Obe Nyambi ya Ngula, unatende byuma byabingi! Wabitendele nimwabyo na ngana! Hanci hanenzala na bibumbwabumbwa byobe.

Zincimpi 16:4

Nyambi ya Ngula walilengelele byuma nimwabyo ha shifungo shendi, hinge bantu bakuluwa bali na mutena wabo wa makando.

Mukakushimikila 1:13

Nafungile mu mutima wami, ku shingishisha na kufwatula bya ngana ebye bikutendiwa hano hanci, wunengi mulimo wakubula kuwahililisha owe Nyambi anapana ku bantu ngayi bakabakane nawo.

Mukakushimikila 11:5

Ngonehe mu kubula kulimuka moyo eshe wezanga, hinge eshe bya kulanga bifupa bya mbututu oho ushili mu livumo lya bamandiyendi, nisho kami ukubula kulimuka mulimo wa Nyambi Shakalenga wa byuma nimwabyo.

Mukakushimikila 7:13

Hanganika ha mulimo wa Nyambi, yani ukutwesha kwolola shiya akonteka Nyambi?

Mukakushimikila 7:23

Naliyavwishile ngana ha kwezeka ebye nimwabyo. Nahanginikile kwinga wangana, ngoboni ngana zekalile kwakutali na nami.

Mukakushimikila 7:29

Ninawanako tuhu ebye ngayi, Nyambi walengele muntu kwinga wakwoloka, ngoboni bantu banalishingili zinzila zabo zazibi.”

Mukakushimikila 8:17

Niho namonene milimo ya Nyambi nimwayo yiya yinatendiwi hano hanci, milimo eye a kubula kutwesha ku yuvwishisha muntu, kunebye nimwabyo hinge muntu ukutengela nahiti kubishinga, kukabiwana wufwako, hinge wangana ukwezeka kubilimuka, kukatwesha kubiyuvwishisha bafwako.

Mateo 11:27

“Byuma nimwabyo Tate niye wabimpanine, kami kowa muntu ukulimuka Mwana, ndele Tate, kami kowa ukulimuka Tate, ndele Mwana na nou anahata Mwana ngayi amuholole kukwendi.

Mateo 13:22

Mbuto yawililile mukati ka mihongela yikutontolola muntu ukuyuvwa lizu, ngoboni kulifulankana bya wumi na bifungo bya kwongeza kwa wuheti, pe bikutintisha lizu, ngayi libule kuyima mikabo.

Mako 7:37

Bantu bakomokele shikuma, pe bambile ngayi, “Byuma nimwabyo ukubitenda shiwahe, ukutwesha kuzikula bakakuzika matu na kwambisha bakakubula kwamba!”

Baloma 1:28

Ndaba baya bantu bakanine ku yuvwishisha kupwisha kwa Nyambi, Nyambi wabalehele ngayi bakonke bihanganiko bya kukontama ngayi mwanga batende byuma bya kubula ku fwanina.

Baloma 11:33

Wuheti wa Nyambi na ngana zendi na kalimukisho kendi eshi bya nonka! Yani ukutwesha kutontolola bifungo byendi? Yani ukutwesha ku yuvwishisha zinzila zendi?

Ndayano 32:4

“Nyambi ya Ngula unengi limanya, mulimo wendi unengi wakwoloka, nengi wakulunga na kupwisha mu zinzila zendi nimwazo. Nyambi yenu unengi wakwoloka na kubula mulandu, zintendelo zendi za kupwisha na kwoloka.