Mateo 9:8 - Libuka Lya Kuyela

⁸ Oho likunge lya bantu bamonene eshe, bakomokele. Pe bayemezele Nyambi, ou wapanikile bantu ngovu za nahiyo.

Kulimama Kwakupya

⁸ Oho likunge lya bantu bamonene eshe, bakomokele. Pe bayemezele Nyambi, ou wapanikile bantu ngovu za nahiyo.

Mateo 9:8 Iomraidhean Croise

Mateo 12:23

Bantu nimwabo bakomokele bambile ngayi, “Kati ou kaliha niye Mwana Ndavita ndi?”

Mateo 15:31

Nohobene bantu bakomokele, oho bamonene bakakubula kwamba hibamba na bihole ba kunyongomana na ba kupenga mawulu banakwenda, tushishitwa bana ku mona, pe bayemezele Nyambi wa Ishalela.

Mateo 28:18

Niho Yeshu ezile hahepi nabo wambile ngayi, “Ngovu nimwazo za muyilu na hanci zinapanikiwi kukwami.

Mateo 5:16

Nohobene lumuni lwenu lumunike ku bantu, ngayi mwanga bamone milimo yenu yayiwahe, pe bapane maleema kuli Tatiyenu wa muyilu.

Mateo 9:7

Pe uya mulume wakatukile, wayile ku litala lyendi.

Mako 2:12

Oho bantu nimwabo hibamona, uya mulume wakatukile, washimbile wulili wendi, pe wanguwangu watutikile. Nohobene bantu nimwabo bakomokele kami bayemezele Nyambi, hibamba ngayi, “Hinga twatanga shilolo tumone shuma shanehe!”

Mako 7:37

Bantu bakomokele shikuma, pe bambile ngayi, “Byuma nimwabyo ukubitenda shiwahe, ukutwesha kuzikula bakakuzika matu na kwambisha bakakubula kwamba!”

Luka 13:13

Wamukambikile maboko, hohobene wanyongolokele, kami wayemezele Nyambi.

Luka 17:15

Umo kukwabo, oho amonene ngayi unanyongomana, wabokele, pe wayemezele Nyambi na lizu lyalinene.

Luka 17:18

Kowa umo unaboko ngayi ayemeze Nyambi, ndele ou lipukwenda tuhu ndi?”

Luka 18:43

Hohobene wamonene, pe wakonkele Yeshu hayemeza Nyambi. Kami bantu nimwabo oho bamonene eshe, bakomokele na kuyemeza Nyambi.

Luka 2:20

Balishani babokele, bayemezele na kulumbeza Nyambi ndaba ya byuma nimwabyo biya bayuvwile kami bamonene ngonehe abatongwezele lingeloyi.

Luka 23:47

Oho mukulwane wa banzita amonene ebye byatendiwile, wayemezele Nyambi na kwamba ngayi, “Mwa shikuma ou muntu wengile wakwoloka!”

Luka 7:16

Bantu nimwabo bekalile na bowa niho bayemezele Nyambi ngayi, “Muluwe wamunene unezi mukatiketu.” Kami bambile ngayi, “Nyambi unazingulu bantu bendi!”

Yowano 15:8

Wuwahe wa Tate uku moneka ndi mu kuyima mikabo yayingi. Ha kutenda ebye mu ku monesha ngayi muli bandongesha bami.

Milimo 11:18

Oho bayuvwile ebye byambo bamwenene, pe bayemezele Nyambi na kwamba ngayi, “Mwa shikuma Nyambi unapaniki Bakamatunga kutengulukila ku wumi!”

Milimo 21:20

Oho bayuvwile ebye, bayemezele Nyambi. Pe bambile kukwendi ngayi, “Wunamono taha obe kawushinda wetu Paulu ngayi, makulukazi anga a Bayunda banengi bakakulupila, kami nimwabo banalifungwili ku ndayano.

Milimo 4:21

Oho bamanishile ku bambila shikuma babalehele ngayi baye, bakwangile kuwana nzila ya kubashushula, ndaba bantu nimwabo bayemezele Nyambi hanebye byatendiwile.

2 Kolinte 9:13

Ndaba mu nou mulimo wenu kuli ebye binamoneke, pe bantu babengi bakayemeza Nyambi, ndaba munakulupili ncango za Kilishitu, pe munazombatala, kami munapana bimonekesho kukwabo na ku bantu bamina.

Ngalatiya 1:24

Niho bayemezele Nyambi ndaba yanami.

1 Pita 2:12

Nyendelo yenu yinge ya kwoloka mukati ka Bakamatunga, ngayi hinge ba kumibangila ngayi muli bakakutenda wubi, batoshe milimo yenu yayiwahe. Nibo bakayemeza Nyambi ha Mutena wendi wakuzingula.