Mateo 9:2 - Libuka Lya Kuyela

² Niho balume baletele mulume wa kalepa kukwendi, hinga alangana ha wulili, oho Yeshu amonene kukulupila kwabo wambile ku muka kalepa ngayi, “Mwanami, tula mutima, wubi wobe unayatiwili.”

Kulimama Kwakupya

² Niho balume baletele mulume wa kalepa kukwendi, hinga alangana ha wulili, oho Yeshu amonene kukulupila kwabo wambile ku mukakalepa ngayi, “Mwanami, tula mutima, wubi wobe unayatiwili.”

Mateo 9:2 Iomraidhean Croise

Mukakushimikila 9:7

Nohobene likuwe kulya byakulya byobe na kunwa waine yobe na mutima waku wahilila, ndaba Nyambi unetabilishi nimwabyo ukutenda.

Ishaya 44:22

Nafumishi wubi wobe ngonehe likumbi, na wubi wobe unaketuku ngonehe mbundu. Boka kukwami, ndaba naku kulizakale.

Mateo 14:27

Wanguwangu Yeshu wambile kukwabo ngayi, “Tulenu mitima! Ami. Hinga mutina!”

Mateo 4:24

Mpupo yendi yatumbalalile mu Shiliya nimwamo, pe baletele kukwendi bakakukola nimwabo bekalile na malweli a mishoboshobo, baka mayimbwe na baka kamfunya na baka lukuku, pe Yeshu wabanyongomanishile.

Mateo 6:12

Tuyatile milandu yetu, ngonehe etu twayatilanga bakakutubipishila.

Mateo 8:10

Oho Yeshu ayuvwile noho wakomokele, pe wambile ku baya bamukonkele ngayi, “Mwa shikuma nikumitongweza ngayi, hinge mu Ishalela shilolo niwane kukulupila kwakunene kwanehe.

Mateo 8:16

Ku mazolo bantu baletele kuli Yeshu baka mayimbwe babengi, pe wafumishile mayimbwe na lizu na kunyongomanisha bakakukola nimwabo.

Mateo 9:22

Yeshu washetukile kunyima, wamumonene, pe wamutongwezele ngayi, “Tula mutima mwanami, kukulupila kwobe kunakunyongomanishi.” Pe uya mbuyama wanyongomanine ha shikati bene shiyo.

Mateo 9:5

Shawangu shiti? Kwamba ngayi, ‘Wubi wobe unayatiwili kukwobe,’ hinge kwamba ngayi ‘Pinduka wende?’

Mateo 9:6

Haya nikumimonesha mwanga mulimuke ngayi, Mwana Muntu uli na ngovu hano hanci za kuyatila wubi.” Niho ambile ku muka kalepa ngayi, “Katuka ushimbe wulili wobe, pe uye ku litala lyobe.”

Mako 1:32

Mazolo oho mutena walelakale, bantu baletele bakakukola nimwabo na baka mayimbwe kuli Yeshu.

Mako 10:49

Yeshu wemanine, pe wambile ngayi, “Mwihanenu.” Behanine kashishitwa, pe bambile ngayi, “Lishumishe! Katuka una ku kwihana.”

Mako 5:34

Yeshu wambile kukwendi ngayi, “Mwanami, kukulupila kwobe kunakunyongomanishi. Yanga mu ku mwena, unanyongomana ku wulweli wobe.”

Mako 6:50

ndaba nimwabo bamumonene, pe batinine. Wanguwangu Yeshu wambile kukwabo ngayi, “Tulenu mitima! Ami. Hinga mutina!”

Yowano 16:33

Ninamba kukwenu ebye ngayi mwikale mu ku mwena hakwikala mumwami. Mu kaye mukekala na makalikiza, ngoboni kancenu, ndaba nakomakale kaye!”

Yowano 2:25

Kaliha washingile ngayi muntu wamina apake bya minendi, ndaba niye mwine walimukile ebye byekalile mu mitima yabo.

Yowano 21:5

Niho Yeshu abepwile ngayi, “Bahoni, muli na zinci ndi?” Bamukumbwile ngayi, “Kowa hinge umo.”

Milimo 14:9

Wayuvwilenga mazu ambilenga Paulu. Pe Paulu wamuconcomekele, wamonene ngayi unakulupili, kami ukutwesha kunyongomanishiwa,

Milimo 19:12

Baletelenga ku bakakukola tutambala na makwiza aya Paulu aliyavwishilenga, bakambikilenga ha bakakukola, pe banyongomaninenga na mayimbwe afumine mumwabo.

Milimo 23:11

Wushiku uyo, Mwene wemanine hahepi na Paulu, wambile ngayi, “Shuma! Nehi unampaka muno mu Yelushalema, unafwanini kumpaka kami ku Loma.”

Baloma 5:11

Kaliha noho tuhu, ngoboni tuku wahilila kuli Nyambi kupitila muli Mwene wetu Yeshu Kilishitu, ou tunatambulu kulyambwilila nendi.

Yakoba 2:18

Kampe muntu ukwamba ngayi, “Obe uli na kukulupila na nami nili na milimo.” Nikakumbula ngayi, “Moneshe kukulupila kwobe kwakubula milimo. Nanami nika ku monesha kukulupila kwami na milimo yami.”