Mateo 9:13 - Libuka Lya Kuyela

¹³ Yenunga mukafunde eshe likutontoloka lizu likwamba ngayi, ‘Nashinga nceshe, kaliha nkombela.’ Ndaba kaliha nezile mukwihana babawahe ngoboni bakawubi.”

Kulimama Kwakupya

¹³ Yenunga mukafunde eshe likutontoloka lizu likwamba ngayi, ‘Nikushinga kulongesha nceshe, kaliha nkombela.’ Ndaba kaliha nezile mukwihana bakwoloka ngoboni bakawubi.’

Mateo 9:13 Iomraidhean Croise

Zincimpi 21:3

Ntendelo ya kwoloka na kupwisha yikutambuliwa shikuma kuli Nyambi ya Ngula kupitakana nkombela.

Hoshiya 6:6

Nashinga nceshe, kaliha nkombela. Nikushinga ngayi bantu balimuke Ami Nyambi kupitakana zinkombela za kuhokesha.

Mateo 12:3

Yeshu wambile kukwabo ngayi, “Hinga mwatanga shilolo mulabe eshe atendele Ndavita, shikati shiya oho ekalile na nzala, hamo na bantu bendi.

Mateo 12:5

Hinge kati shilolo mulabe mu Ndayano za Moshesha eshe bakankombela bazilululanga Mutena Wakukatala mu Litala lya Nyambi ngoboni bawanangaha mulandu?

Mateo 12:7

Shinga mu kulimuka kutontoloka kwa mazu awa akwamba ngayi, ‘Nashinga nceshe, kaliha nkombela.’ Shinga mufwako kuyata bakubula mulandu.

Mateo 19:4

Yeshu wakumbwile ngayi, “Kati shilolo mulabe ngayi kufuma ku kutatika Shakalenga wabalengele mulume na mukazi ndi?

Mateo 21:42

Yeshu wambile kukwabo ngayi, “Kati shilolo mulabe ebye byatikitiwa ngayi, ‘Limanya liya bakanine bakakutenda matala, nilyo linafutuku kwinga limanya lya ku shuma lya mu mbango, eshe nisho anatende Mwene, kami shikukomokesha mu meho wetu.’ ”

Mateo 3:2

“Tengulukenu, ndaba Wene wa muyilu uli hahepi!”

Mateo 3:8

Yimenu mikabo ya ku fwanina muntu unatenguluku.

Mateo 4:17

Kufuma ku shikati shiyo, Yeshu watatikile ku shimikila ngayi, “Tengulukenu, ndaba Wene wa muyilu uli hahepi.”

Mako 12:26

Ha bya bafu na ku shanguka kwabo, kati shilolo mulabe mu libuka lya Moshesha oho amutongwezele Nyambi mu lipukumuna ngayi, ‘Ami Nyambi wa Abulahama, Nyambi wa Ishaki na Nyambi wa Yakobo?’

Mako 12:33

Kami muntu unafwanini kumuhaka na mutima nimwawo na ngana nimwazo na moyo nimwawo na ngovu nimwazo, kami unafwanini ku haka ndambo yendi ngonehe alihaka niye mwine, eshe shikupitakana nimwazo zintupu za kuhokesha na zinkombela.”

Mako 2:17

Yeshu oho ayuvwile eshe, waba kumbwile ngayi, “Bantu banzimba kushinga nganga bafwako ndele bakakukola tuhu. Kaliha nezile mukwihana bakakwoloka, ngoboni mukwihana bakawubi ngayi batenguluke.”

Luka 10:26

Yeshu wambile kukwendi ngayi, “Kati mu ndayano mwatikitiwa nahiti? Walabangamo bishini?”

Luka 19:10

Ndaba Mwana Muntu wezile mukushinga na kupulwisha bakakuyongala.”

Luka 24:47

ngayi kutenguluka na kuyatila kwa wubi, ku shimikiwe mu lizina lyendi, ku bantu nimwabo, kutatikila mu Yelushalema.

Luka 5:31

Yeshu wakumbwile kukwabo ngayi, “Bantu banzimba kushinga nganga bafwako, ndele bakakukola tuhu.

Luka 5:32

Kaliha nezile mukwihana bakakwoloka, ngoboni mukwihana bakawubi ngayi batenguluke.”

Yowano 10:34

Yeshu waba kumbwile ngayi, “Kwatikitiwile mu ndayano zenu ngayi Nyambi wambile ngayi, ‘Muli ba nyambi?’

Milimo 11:18

Oho bayuvwile ebye byambo bamwenene, pe bayemezele Nyambi na kwamba ngayi, “Mwa shikuma Nyambi unapaniki Bakamatunga kutengulukila ku wumi!”

Milimo 2:38

Niho Pita ambile kukwabo ngayi, “Tengulukenu, pe muzubilishiwe muntu na muntu mu lizina lya Yeshu Kilishitu ngayi wubi wenu bawuyatile, pe mukatambula shishemo sha Moyo wa Kuyela.

Milimo 20:21

Napakile ku Bayunda na ku Bakamatunga, bya kutengulukila kuli Nyambi na bya kukulupila muli Yeshu Kilishitu Mwene wetu.

Milimo 3:19

Nohobene tengulukenu, pe muboke kuli Nyambi ayatile wubi wenu, mwanga bikati bya kukatuluka bize kufuma kuli Mwene,

Milimo 5:31

Nyambi wamutumbalalishile na kumuyaka ku liboko lyendi lya shilyo, ngayi enge Mukakutwaminina na Mukakupulwisha, mu kupana ku bantu ba Ishalela kutenguluka na kuyatila kwa wubi.

2 Pita 3:9

Mwene kwihalisha wufwako shikulupisho shendi, ngonehe bantu bamo ba kutoya ngayi kwihala, ngoboni uli na lukakatila kukwetu na kubula kushinga ngayi muntu wamina alobe, ngoboni ngayi nimwabo batenguluke.