Mateo 8:11 - Libuka Lya Kuyela

¹¹ Nikumitongweza ngayi, babengi bakafuminina ku mushamuko na ku mponci, bakekala hamo ku shimbo na Abulahama na Ishaki na Yakobo mu Wene wa muyilu.

Kulimama Kwakupya

¹¹ Nikumitongweza ngayi, babengi bakafuminina ku mushamuko na ku mponci, bakekala hamo ku shimbo na Abulahama na Ishake na Yakobo mu Wene wa muyilu.

Mateo 8:11 Iomraidhean Croise

Shitatiko 12:3

Nikafuywela baya bakakutandalisha, ngoboni nikakuta baya bakakukuta, pe mumwobe nikafuywela matunga nimwao.”

Shitatiko 22:18

Kami matunga nimwawo akanyepa ngayi niwatandalishe ngonehe natandalishi bazukulyobe nimwabo, ndaba obe unombatala lizu lyami.”

Shitatiko 28:14

Pe bazukulyobe bakenga ngonehe lihekelela lya hanci. Bakanenehesha litunga lyabo ku zimbalila nimwazo, kami kupitila mumwobe na bazukulyobe mikoka nimwayo ya hano hanci nikayitandalisha.

Shitatiko 49:10

Yunda ukakwata muwana, na bazukulyendi bakenga bakakubela shikati nimwasho. Mikoka yika mu tupwila ntupu, kami bakashungumana kukwendi mu kumwombatala.

Nyimbo 22:27

Mikoka nimwayo ya hanci bakanuka na kutengulukila kuli Nyambi ya Ngula, mapashi amu matunga nimwao akamulemesha.

Nyimbo 98:3

Niye wanukile shikulupisho shendi sha kwoloka na shishemo sha mwaya myaka ku Baishalela. Bantu nimwabo kuti na kuti banamono kukona kwa Nyambi yetu.

Ishaya 11:10

Ha mutena uyo mupishi wa Njeshe, ukemana kwinga ndembela ya shimonekesho ku bantu. Matunga akakungulukila kukwendi na mwanya wendi wakukwangulukila ukenzala na wuwahe.

Ishaya 49:12

Mona, bantu bami bakufuma kwakutali, bakafuminina ku ncelele naku mponci. Kami bakafuminina ku litunga lya Shiyene.

Ishaya 49:6

Kati shinengi shuma shashishe ngayi winge mukamulimo wami ndi, na ku shangula mishobo ya Yakobo, na kubwesha mashaliza a Ishalela baya bapulukile, nika kupana ku matunga kwinga lumuni, ngayi mwanga ukatwale kupulwisha kwami kwakumina hano hanci.

Ishaya 52:10

Nyambi ya Ngula, ukaholola liboko lyendi, lya kuyela ku bakamatunga nimwabo. Bantu nimwabo bamu kaye, bakamona kupulwisha kwa Nyambi yetu.

Ishaya 59:19

Pe bantu bakatina Nyambi ya Ngula, kufuma ku mushamuko kukuma ku mponci, na wuwahe wa maleema endi akafuminina ku mushamuko, ndaba niye ukeza ngo kashinzi ka makuka, oko kakukukushiwa na mpepo yayinene.

Yelemiya 16:19

Nyambi ya Ngula obe ngovu zami na shipata shami na matinino wami ha shikati sha makando. Matunga akwakutali a hano hanci akeza kukwobe na kwamba ngayi, “Bankakazetu bekalile na banyambi bowa ba mahalo, bakubula kutenda byamina.

Ndanyele 2:44

Kami ha shikati sha bamyene bakalelenga, Nyambi wa muyilu ukemika wene uya ukenga hinga mwaka ukatanga kunonga hinga kukapanikiwa ku bantu bamina. Wene uyo ukancancola na kunongesha owo wene nimwawo wamina na kuwu manisha, pe niwo ukekala mwaya myaka.

Malaki 1:11

Lizina lyami lyalinene hakati ka matunga nimwawo, kufuma kukututika kwa mutena kutwala na kukulela kwawo. Muzimbalila nimwazo incence ya kuhokesha iya yatutwishanga livumba lyaliwahe yatupuliwanga ku lizina lyami, na ntupu ya kuyela kulemeeka lizina lyami. Ndaba lizina lyami lyalinene mukati ka matunga.” Eshe nisho anamba Nyambi wa Makunge.

Mateo 21:41

Bamukumbwile ngayi, “Ukaziha baya bandimi bababi, niho ukapanika iya mfuba ya mikabo ya shinyanca ku bandimi bamina, bayo bakamupana mikabo yendi ha shikati sha kuhoka mikabo.”

Mateo 24:31

Niho ukatuma mangeloyi bendi na kutendoka kwakunene kwa mpandula, pe bakakungulula bakakuhatiwa bendi ku zimbalila zinaa za hanci, kutatika ku mamaninino amo a liyilu kutwala ku mamaninino amina.

Mateo 3:2

“Tengulukenu, ndaba Wene wa muyilu uli hahepi!”

Mateo 8:10

Oho Yeshu ayuvwile noho wakomokele, pe wambile ku baya bamukonkele ngayi, “Mwa shikuma nikumitongweza ngayi, hinge mu Ishalela shilolo niwane kukulupila kwakunene kwanehe.

Luka 12:37

Banatandala baya bakamilimo akawana hekulyabo bali na kutona oho akaboka, mwa shikuma nikwamba kukwenu ngayi, ukuliwahishila, ukabekalika ku tebulu, pe ukabapana byakulya.

Luka 16:22

“Shikati sha kumine mulume wakushepwa wafwile, mangeloyi a Nyambi amutwalile mu kapumpo ka Abulahama. Na muntu wakuheta kami wafwile, niho bamufundile.

Milimo 10:45

Pe Bayunda bakakukulupila baya bezile na Pita kufuma ku Yopa, bakomokele ndaba Nyambi kami wayitilile shishemo sha Moyo wa Kuyela ha Bakamatunga.

Milimo 11:18

Oho bayuvwile ebye byambo bamwenene, pe bayemezele Nyambi na kwamba ngayi, “Mwa shikuma Nyambi unapaniki Bakamatunga kutengulukila ku wumi!”

Milimo 14:22

Bashumishile bandongesha na ku bakowamina ngayi bazamine mu kukulupila, babatongwezele ngayi, “Tuku fwanina ku mona makando amengi ngayi twingine mu Wene wa Nyambi.”

Milimo 14:27

Oho bakumine ku Antiyoke, ba kungwile bakalitengo hamo, babatontwelele ebye nimwabyo Nyambi atendele mumwabo na neshe ashinkwilile shipana ku Bakamatunga sha kukulupila.

1 Kolinte 15:20

Ngoboni Kilishitu unashanguku ku bafu niye wakutatika ku shanguka ku baya nimwabo banalangana tulo twa lufu.

1 Kolinte 6:9

Kati kulimuka ngayi bakawubi bafwako kukakona Wene wa Nyambi ndi? Hinga mulyongeza, bantu bakalwiholwiho, hinge bakakulemesha tunankishi, hinge baka wumambe, hinge bakalinyawe, hinge bakakulilangana na baminabo balume,

Efweshe 3:6

Ncimpi eze za kupitila mu ncango zaziwahe, Bakamatunga nabo kami banafwanini kutambula shitapilo sha shikulupisho shendi muli Kilishitu Yeshu.

Koloshe 3:11

Ndaba ya wumi wawupya, kowa kutapuluka mukati ka Bakamatunga na Bayunda, mukakuya ku mukanda hinge mukakubula kuya ku mukanda, mukakubula kulilongesha, shihulahuli, ndungo hinge mwana wakushoboloka, ngoboni Kilishitu wenga nimwabyo mu nimwabyo.

2 Teshalonika 1:5

Ebye nimwabyo bikulubulula ngayi kuyata kwa Nyambi kwenga kwakwoloka, ngayi mwanga mwinge ba ku fwanina Wene wa Nyambi, ou mu kuyandila.

Kuholoka 7:6

Ku livumo lya Asha 12,000, ku livumo lya Nafwitali 12,000, ku livumo lya Manashe 12,000.