Mateo 7:6 - Libuka Lya Kuyela

⁶ “Hinga mupanika batuwa byuma bya kuyela, kutina bamifutukila na kumi lwisha. Hinga muyumbila mapela wenu hambili ya bangulube, ndaba ba kuwalyatangila na mawulu wabo.

Kulimama Kwakupya

⁶ “Hinga mupanika batuwa byuma byakuyela, kutina bamifutukile na kumilwisha. Hinga muyumbila mapela wenu hambili ya bangulube, ndaba bakuwalyatangila na mawulu wabo.

Mateo 7:6 Iomraidhean Croise

Zincimpi 11:22

Mbuyama wamuwahe wakubula kulilama, nengi ngo kambalamunwe ka ngolinde kali ku muzulu wa ngulube.

Zincimpi 23:9

Hinga wamba oho shibulangana ha yuvwilila, ndaba ukalimbulula mazu obe a ngana.

Zincimpi 26:11

Ngonehe kawa nabokele ebye analuku, shuma shimo na muntu wa shileya ukubokela bya wuleya wendi.

Zincimpi 26:4

Hinga ukumbula muntu wakuyeba kwezeka ngo kuyeba kwendi, kutina ulifweka nendi nobe kami.

Mateo 15:26

Yeshu wamukumbwile ngayi, “Kaliha shinafwanini kuyangula bana byakulya na kubiyumbila ku batuwa.”

Mateo 24:10

Ha shikati shiyo babengi bakashiya kukulupila kwabo, bakalibeba umo na wamina, bakalizimba umo na wamina.

Mateo 7:5

Obe mukashishweka, tatika taha kufumisha shitondo shili mu liho lyobe, niho umone shiwahe ngayi ufumishe kahoni kali mu liho lya kawushinda wobe.

2 Kolinte 11:26

Bikati byabingi mu mikala yami nekalile mu malamo a mema, mu malamo a bezi, mu malamo ku bakamushobo wami Bayunda na byamina bya kufuminina ku Bakamatunga. Nekalile mu malamo mu minzi na mu libelelengwa, malamo mukati ka mawate na mukati ka bawushinda ba mahalo.

Fwilipu 3:2

Bengukenu ku batuwa, obo bakakutenda wubi, obo bakwamba shikuma ha bya kuketula lutu.

Bahebelu 10:29

Mukuhanganika nahiti ha muntu uya ukulyatangila Mwana Nyambi na kulimbwilisha mukeza wakulimama kwa Nyambi uya unamuyeleshe na kutukana Moyo wa nceshe? Kati kashushwilo kendi kakenga kanahiti?

Bahebelu 6:6

Bakafutamina kukulupila kwabo, shinengi shashikalu ku baleta ku kutenguluka, ndaba ba kukoleka kami Mwana Nyambi ha shishempakano na kumuhandula ku likunge.

2 Pita 2:22

Shinatendiwi kukwabo kuya na zinguli zikwamba kupwisha ngayi, “Kawa nabokele ebye analuku. Ngulube unayoweshiwi unabokele ku kulitaka mu ntiti.”

Kuholoka 22:15

Ndaba ha munkanda hali batuwa na balozi na bakawunjenge na bakakuziha na bakakulemesha tunankishi na nimwabo bahaka kwamba na kutenda bya mahalo.