Mateo 7:14 - Libuka Lya Kuyela

¹⁴ Ngoboni shipana sha kuya ku wumi sha kushinana na nzila yikuyako ya kushotala, pe ba kuyiwana babashe.

Kulimama Kwakupya

¹⁴ Ngoboni shipana shakuya ku wumi shakushinana na nzila yikuyako yakushotala, pe bakuyiwana babashe.

Mateo 7:14 Iomraidhean Croise

Nyimbo 16:11

Obe u ka monesha nzila yikuya ku wumi, kwikala hamo nanobe kukenzalisha mutima wami na ku tangala. Ku liboko lyobe lya shilyo kuli bya ku wahilisha mwaya myaka.

Zincimpi 8:20

Nendanga mu nzila ya kulunga, na nzila ya kupwisha,

Ishaya 30:21

Matu enu akayuvwa lizu kunyima yenu, hilyamba ngayi, “Yino nzila, endenumo,” Oho ukutengulukila ku shilyo, hinge oho ukutengulukila ku shimoho.

Ishaya 35:8

Kukekala likululu kami kuyo pe yikatumbiwa ngayi nzila ya kuyela, wa mazilo kukatwesha kupitamo wufwako, babihulahuli bafwako kukashanwisha baya bakwendamo.

Ishaya 57:14

Shikambiwa nehe ngayi, “Tendenu mukwakwa, tendenu mukwakwa, wahishenu nzila ya bantu bami. Fumishenu bipukalisho nimwabyo mu nzila yabo.”

Yelemiya 6:16

Nyambi ya Ngula ukwamba ngayi, “Yimanenu ha mahambanzila na kupenza, pe yipulenu zinzila za bashikale yipulenu nzila yikutwaminina ku mfuywezi, endenu muya mu nzila mwanga muliwanine kukwanguluka.” Ngoboni mwambile ngayi, “Kukendamo tufwako.”

Mateo 20:16

Nohobene bamamaninino bakenga ba kulimeneka, kami ba kulimeneka bakenga bamamaninino.”

Mateo 22:14

“Ndaba babengi banehaniwi, ngoboni babashe banahatiwi.”

Mateo 7:13

“Yinginenu mu shipana sha kushinana. Ndaba shipana sha kuya ku Ngehena sha kuyahamina, kami nzila yikuyako yayinene, pe bakwinginamo babengi.

Mateo 7:15

“Keyenu na bamiluwe ba mahalo. Bakwiza kukwenu banalifwiki bitembe bya bambelele, ngoboni mukati banengi bambinzi babakali.

Mako 8:34

Niho Yeshu ehanine likunge lya bantu kukwendi hamo na bandongesha bendi, wambile kukwabo ngayi, “Nimwendi ukushinga kunkonka, alihupwize niye mwine, ashimbe shishempakano shendi, pe ankonke.

Luka 12:32

“Hinga mutina, enu likunge lyalishe, ndaba Tatiyenu nawahilili ngayi amipanike Wene.

Yowano 16:2

Bakamifumisha mu mashinangonge. Mwa shikuma shikati shikeza oho nimwendi ukamiziha ukahanganika ngayi ukutenda milimo ya Nyambi.

Yowano 16:33

Ninamba kukwenu ebye ngayi mwikale mu ku mwena hakwikala mumwami. Mu kaye mukekala na makalikiza, ngoboni kancenu, ndaba nakomakale kaye!”

Milimo 14:22

Bashumishile bandongesha na ku bakowamina ngayi bazamine mu kukulupila, babatongwezele ngayi, “Tuku fwanina ku mona makando amengi ngayi twingine mu Wene wa Nyambi.”

Baloma 12:2

Kami hinga mulifweka na nyoyelo ya bantu ba muno mu kaye, ngoboni lehenu Nyambi afutule bihanganiko bya mitima yenu. Pe mukatwesha kulimuka bifungo bya Nyambi, bifungo byendi byenga byabiwahe, byenga bya kuwahilisha, kami byenga bya kulembuka.

Baloma 9:32

Ndabangani? Ndaba kaliha bashingile kuwahililisha Nyambi na kukulupila, ngoboni bahanganikile ngayi ba kutwesha kumuwahililisha Nyambi na milimo. Bapukalile ha “limanya lya kupukalisha,”