Mateo 7:13 - Libuka Lya Kuyela

¹³ “Yinginenu mu shipana sha kushinana. Ndaba shipana sha kuya ku Ngehena sha kuyahamina, kami nzila yikuyako yayinene, pe bakwinginamo babengi.

Kulimama Kwakupya

¹³ “Inginenu mu shipana shakushinana. Ndaba shipana shakuya ku Ngehena shakuyahamina, kami nzila yikuyako yayinene, pe bakwinginamo babengi.

Mateo 7:13 Iomraidhean Croise

Shitatiko 6:12

Nyambi oho atilaminine hano hanci, wamonene ngayi hanabipi, ndaba bantu nimwabo bayoyelenga nyoyelo yayibi.

Shitatiko 6:5

Nyambi ya Ngula wamonene ngayi bantu nimwabo eshe banabipi hano hanci naneshe kami bihanganiko byabibi binenzala mu mitima yabo.

Zincimpi 16:25

Kuli nzila yamonekanga wuwahe ku muntu, ngoboni mamaninino ayo enga lufu.

Zincimpi 7:27

Litala lyendi unengi mukwakwa, uku kunkulukila ku kalunga ka bafu.

Zincimpi 9:6

Lehenu zinzila zenu zowa pe mu kuyoya, endenu mu zinzila za ku yuvwishisha.”

Ishaya 1:9

Shinga Nyambi wa Makunge wabulile kutu shiyilako mashaliza a bantu bamo, pe shinga twalobeshiwile ngonehe Shondoma na Ngomola.

Ishaya 35:8

Kukekala likululu kami kuyo pe yikatumbiwa ngayi nzila ya kuyela, wa mazilo kukatwesha kupitamo wufwako, babihulahuli bafwako kukashanwisha baya bakwendamo.

Ishaya 55:7

Bakuluwa bashiye nyinkalo yabo yayibi, na muntu wakubula kulunga ashiye bihanganiko byendi byowa. Abokele kuli Nyambi ya Ngula, ngayi mwanga abayatile na kubayuvwila nceshe.

Mateo 23:13

“Makando wenu, bakakulongesha ndayano na Bafwalishi, enu bakashishweka! Ndaba mu kushinkila Wene wa muyilu ngayi bantu hinga bayinginamo enu kwinginamo mufwako, hinge kwitabilisha baya bakushinga kwingina ngayi bengine mufwako.

Mateo 25:41

“Niho akamba ku baya bali ku liboko lya shimoho ngayi, ‘Fumenu kukwami enu bakamukuto! Pe yenunga ku mundilo wa mwaya myaka ou wawahishiwilile Shatana na mangeloyi bendi.

Mateo 25:46

Pe bakaya kukashushwilo ka mwaya myaka, ngoboni bakulunga bakaya ku wumi wa mwaya myaka.”

Mateo 3:2

“Tengulukenu, ndaba Wene wa muyilu uli hahepi!”

Mateo 3:8

Yimenu mikabo ya ku fwanina muntu unatenguluku.

Mateo 7:14

Ngoboni shipana sha kuya ku wumi sha kushinana na nzila yikuyako ya kushotala, pe ba kuyiwana babashe.

Luka 14:33

Nahiyo kami nimwendi hakati kenu wakubula kulihupwiza ku nimwabyo alinabyo, kutwesha kwinga ndongesha wami wufwako.

Luka 9:33

Oho baya balume balitapile na Yeshu, Pita wambile kukwendi ngayi, “Hekulu, shashiwahe ngayi twikale kuno tutende makunka ahatu, limo linge lyobe, lyamina lya Moshesha na lyamina linge lya Eliya.” (Pita kaliha walimukile ebye ambilenga.)

Yowano 10:9

Ami nili shipana. Muntu nimwendi ukwinginina mumwami ukapuluka. Ukengina na kututika, ukawana kwakubuyila.

Yowano 14:6

Yeshu wambile kukwendi ngayi, “Ami nzila na kupwisha na wumi, kowa muntu ukuya kuli Tate ndele apitile mumwami.

Milimo 3:19

Nohobene tengulukenu, pe muboke kuli Nyambi ayatile wubi wenu, mwanga bikati bya kukatuluka bize kufuma kuli Mwene,

Baloma 9:22

Na Nyambi kami nisho ali. Washingile ku monesha wukali wendi na kulimukisha ngovu zendi. Ndaba ya noho walehelele na kutatilila shikuma bantu aba apilaminine, aba bafwaninine kunonga.

2 Kolinte 4:4

Nibo kukulupila bafwako, ndaba ngayi Shatana ou nengi nyambi wa litunga lino, unashipishi mitima yabo, kutina bamona mwaana wa ncango zaziwahe, lumuni luyo luku monesha wuwahe wa Kilishitu, kami mumwendi muli shifwekesha sha Nyambi.

2 Kolinte 6:17

Ebye nibyo akwamba Nyambi ngayi, “Nohobene fumenu mukati kabo, mwinge bakakulitapa nabo. Hinga mukwata shuma sha mazilo, pe ami nikamitambula.

Ngalatiya 5:24

Nibo bali muli Kilishitu Yeshu banakoleke ha shishempakano nyinkalo yabo yayibi na mahungu nimwawo.

Fwilipu 3:19

Mamaninino abo kulobeshiwa, Nyambi yabo wenga livumo, ba ku wahilila na byuma biya banafwanini kuyuvwila lisheni. Bakulifulankana ha byuma bya hano hanci.

1 Yowano 5:19

Kami tukulimuka ngayi etu tuli bantu ba Nyambi kami kaye nimwako kali mu ngovu za mukawubi.

Kuholoka 12:9

Pe uya Ndilangona wamunene bamuyumbilile hanci, ou liyoka wa mwaka, ukutumbiwa ngayi Mukakwongeza hinge Shatana, ou mukakwongeza matunga nimwawo. Niye wayumbiwilile hanci na mangeloyi ekalile mu nceto yendi ayumbiwile hamo nendi.

Kuholoka 13:8

Nimwabo bekala hano hanci bakamulemesha, baya nimwabo babula kutikitiwa oho kaye shilolo kalengiwe, baya bali na mazina abula kutikitiwa mu libuka lya wumi lya Mwana Mbelele uya wazihiwile.

Kuholoka 20:15

Kami nimwendi wabulile kuwaniwa hinga atikitiwa mu libuka lya wumi wayumbiwilile mu liziba lya mundilo.

Kuholoka 20:3

Lyamuyumbilile mu liteke lya kubula nceto, lyapatileko, pe lya yakileho limango ngayi hinga kami ongeza matunga, hantu myaka ya likulukazi yinamana. Pe munyima ukashoboloka mu kashikati kakashe.