Mateo 6:2 - Libuka Lya Kuyela

² “Nohobene ndi ukupana shuma ku wakuyanda, hinga umonesha, ngonehe batendanga bakashishweka mu mashinangonge na mu zimbanza ngayi bayemeziwe ku bantu. Mwa shikuma nikumitongweza ngayi batambulakale ncuungu yabo.

Kulimama Kwakupya

² “Nohobene ndi ukupana shuma ku wakuyanda, hinga umonesha, ngonehe batendanga bakashishweka mu mashinangonge, na mu zimbanza ngayi bayemeziwe ku bantu. Mwashikuma nikumitongweza ngayi batambula kale ncungu yabo.

Mateo 6:2 Iomraidhean Croise

Nyimbo 112:9

Bakupanzanisha na kupana byuma byabo ku bancepwe, nceshe zabo zikekala mwaya myaka, ngovu zabo zikenga za mpupo na maleema.

Nyimbo 37:21

Bakuluwa balombanga mikuli ngoboni kubwesha bafwako, ngoboni bakulunga bamoneshanga nceshe, na kwolola maboko na kupana.

Zincimpi 19:17

Ou ukuyuvwila nceshe bancepwe ukukolotesha Nyambi ya Ngula, kami Nyambi ukamuhingishila ku ntendelo yendi.

Zincimpi 20:6

Bantu babengi ba kulitoya nibo bamwine ngayi ba shishemo, ngoboni yani ukutwesha kuwana muntu wakwoloka?

Mukakushimikila 11:2

Tapila ebye ulinabyo mu bikongelo mutanu na bibili hinge mutanu na bihatu, ndaba kulimuka byabibi bikeza hano hanci wufwako.

Ishaya 10:6

Nikatuma Ashiliya kuya na kulwisha litunga lya kuluba kutina Nyambi, nikumutuma ku bantu ba kumpilamisha, ngayi akabapukule na kubalyatangila ngo ntiti yamu mikwakwa.

Ishaya 58:7

Kulitapila byakulya byenu nanobo ba kufwa nzala, na kutambula bancepwe mu matala wenu. Nakupanika bivwalo kunobo bali na wuvwu, na kubula kukana kuyavwa bawushindawenu baha mutima.

Ishaya 9:17

Nohobene Nyambi ya Ngula wufwako ku wahilila ha bandumbana babo, shikeketima wufwasho haba nginga babo na bamfwile ndaba nimwabo kaliha bakanyambi na kuluwa, kami nimwabo bakwamba byabibi. Hinge noho wukali wa Nyambi ya Ngula kukafwomoka wufwako na liboko lyendi lishili kukolobela mu kushushula.

Hoshiya 8:1

Nyambi ya Ngula ngayi, “Shiba mpandula yobe, ndaba kamalamo ukwiza ngonehe ngonga ha litala lya Nyambi ya Ngula, ndaba banakiluku kulimama kwami na kufutulukila mazu wami.

Mateo 15:7

Enu bakashishweka, muluwe Ishaya wengile shiwahe oho alubulwile byenu ngayi,

Mateo 16:3

Pe lumenemene mukwamba ngayi, ‘Lelo mvula ukuloka, ndaba liyilu linafumbuluku na ku shipa.’ Mukulimuka kutontolola eshe liku moneka liyilu, ngoboni kutwesha kutontolola bimonekesho bya bikati mufwako.

Mateo 22:18

Ngoboni Yeshu walimukile bihanganiko byabo byabibi, wambile ngayi, “Enu bakashishweka ndabangani muli na kunyezeka?

Mateo 23:5

Nimwabyo ebye batendanga babitendanga ngayi babamone. Bakunenehesha matapa anatikitiwi mazu a Nyambi ha zimpala zabo na kutalihisha minganja ku bivwalo byabo.

Mateo 23:6

Baku haka myanya ya maleema ku bimbo na kwikala mu bipona bya maleema mu mashinangonge.

Mateo 24:51

Ukamuyuvwisha kukola shikuma na kumuyumbila ku mbalila hamo na bakashishweka, kuya akalila na kulikekenya ku mayewe.

Mateo 5:18

Mwa shikuma nikumitongweza ngayi, hantu liyilu na hanci binapiti, kowa koma hinge kalizu kakashe katikitiwa kakafuma ku mulao, hantu nimwabyo binatendiwi.

Mateo 6:16

“Pe oho mu kuzila kulya, hinga mwinga ba kuhomba ngonehe bakashishweka, ndaba ba kukanyanyana ku zimpala zabo ngayi bantu balimuke ngayi banazili kulya. Mwa shikuma nikumitongweza ngayi batambulakale ncuungu yabo.

Mateo 6:3

Ngoboni ndi ukuyavwa wakuyanda, liboko lyobe lya shimoho hinga lilimuka eshe likutenda liboko lya shilyo,

Mateo 6:5

“Oho mu kulombela, hinga mufweka ngonehe bakashishweka, ndaba bahaka kwimana na kulombela mu mashinangonge na mu zimbanza, ngayi mwanga bantu babamone. Mwa shikuma nikumitongweza ngayi batambulakale ncuungu yabo.

Mateo 7:5

Obe mukashishweka, tatika taha kufumisha shitondo shili mu liho lyobe, niho umone shiwahe ngayi ufumishe kahoni kali mu liho lya kawushinda wobe.

Mako 12:39

na kwikala ha bipona bya kumbili mu mashinangonge na ku myanya ya maleema ku bimbo bya mayambwayambwa.

Mako 7:6

Yeshu wakumbwile kukwabo ngayi, “Ishaya wengile shiwahe oho alubulwile byenu enu bakashishweka, ngonehe atikitile ngayi, ‘Aba bantu ba kundemeeka na mivumbo yabo tuhu, ngoboni mitima yabo yili kwakutali na nami.

Luka 11:41

Ngoboni panikenu bili mu zinkomoki na mu zindonga zenu ku bakakuyanda, pe byuma nimwabyo bikenga bya kuyela kukwenu.

Luka 11:43

“Makando wenu Bafwalishi! Ndaba mu ku haka bipona bya maleema mu mashinangonge na ku shangwishiwa na maleema mu myanya ya kulandishila.

Luka 12:33

Landishenu ebye muli nabyo, pe mupanike mali ku ba kushepwa. Haya liwaninenu bikwama bya kubula kutabuka na wuheti wa muyilu wakubula kumana, ndaba kowa mwizi wakuwuyiba, kami kowa tunzembule twa kuwunongesha.

Luka 12:56

Enu bakashishweka! Mukutwesha kupenza kuyilu na hanci, pe mu kutontolola ebye bikatendiwa, ngoboni shumangani mu kubula kutontolola shikati shino?

Luka 13:15

Niho Mwene amukumbwile ngayi, “Enu bakashishweka! Kati enu nimwenu, kaliha mwamangululanga ngombe hinge mbongolo mu mulaka na kumutwala na kunwa mema ha Mutena Wakukatala ndi?

Luka 20:46

“Keyenu na bakakulongesha ndayano. Bashinga kwenda hinga bavwala bivwalo byabitali na ku haka ku shangwishiwa mu myanya ya kulandishila na kwikala ha bipona bya kumbili mu mashinangonge na myanya ya maleema ku bimbo bya mayambwayambwa.

Luka 6:24

“Ngoboni makando wenu bakakuheta, ndaba munatambulu kubengezeka kwenu!

Luka 6:42

Hinge ukutwesha nahiti kwamba ku kawushinda wobe ngayi, ‘Mbayi, nikufumishe kahoni kali mu liho lyobe,’ oho obe mwine ku mona shitondo shili mu liho lyobe wufwako? Obe mukashishweka! Fumisha taha shitondo shili mu liho lyobe, pe ukamona shiwahe ha kufumisha kahoni kali mu liho lya kawushinda wobe.

Yowano 13:29

Ndaba Yundashi walaminenga shipawupawu sha mali, pe bamo ku bandongesha bahanganikile ngayi unamutongweze kuya na kulanda byuma ebye bashingilenga ku shimbo, hinge ngayi apane shuma ku bakakushepwa.

Yowano 5:41

“Kushinga maleema ku bantu nifwako.

Yowano 5:44

Mukushinga kutambula maleema umo kuwamina, ngoboni kushinga maleema anafumu kuli Nyambi umo pele mufwako. Haya enu mukatwesha kukulupila nahiti kukwami?

Yowano 7:18

Muntu ou ukwamba na ngovu zendi niye mwine, ukulishingila maleema niye mwine. Ngoboni ou ukushingila maleema uya wamutumine, nengi wa kupwisha, kami mumwendi mowa mahalo.

Milimo 10:2

Wengile muntu wakushinga bya Wunyambi. Pe niye hamo na baka litala lyendi nimwabo bengile bakakuyuvwila Nyambi bowa, kami wapaninenga bishemo bya kuyavwa ku Bayunda ba kushepwa, pe walombelelenga kuli Nyambi shikati nimwasho.

Milimo 10:31

wambile ngayi, ‘Obe Koniliyashi Nyambi nayuvwu malombelo wobe kami unanuku milimo yobe yayiwahe.

Milimo 10:4

Koniliyashi wapenzele kukwendi na bowa, pe wambile ngayi, “Kati bishini Hekulu?” Lingeloyi lya kumbwile ngayi, “Nyambi unawahilili na malombelo wobe na milimo yobe yayiwahe, haya uli na kukukumbula.

Milimo 11:29

Pe bandongesha bahanganikile bya kutuma bya kuyavwa ngo kutwesha kwendi muntu, ku bawushinda bakakukulupila bekalile ku Yundeya.

Milimo 24:17

“Munyima ya myaka yayingi nekalile kwakutali na Yelushalema, nezile kuleta bya kuyavwa ku bawushinda wami na kutupula zinkombela.

Milimo 9:36

Haya mu Yopa mwekalilenga ndongesha watumbiwile ngayi Tabita. (Lizina lyendi mu Shingiliki niye Ndokashi, kunungulula ngayi, “Honge.”) Ou mbuyama watendelenga byabiwahe, kami wayavwilenga bakakushepwa.

Baloma 12:8

Ou napanikiwi ngayi enge mukakushumankanisha baminendi, abashumishe. Ou napanikiwi ngayi enge mukakupana baminendi, apane na mutima umo, ou napanikiwi kutwaminina, atwaminine na ku shoshoka. Ou napanikiwi nceshe, atende na ku wahilila.

1 Kolinte 13:3

Hinge ndi nikupana wuheti wami nimwawo ku bakakushepwa, hinge nikupana lutu lwami ngayi bantu baluhokeshe ngoboni nikubula shishemo, bikubula ku nyavwa shuma shimina.

Ngalatiya 2:10

Ngoboni shuma banyepele tuhu ngayi twanukenga bakakushepwa, eshe nisho shuma nashingilenga shikuma kutenda.

Efweshe 4:28

Ou wayibilenga, hinga ayiba kami, ngoboni shinene akalamane na kutenda milimo, ngayi ekale na shuma sha kupanika kukwendi unabulubyo.

1 Teshalonika 2:6

Kaliha twashingilenga kuyemeziwa kukufuma ku bantu, hinge kukwenu, hinge ku muntu wamina. Hinge ndi twafwaninine kumipana wulemezezi ndaba tuli bantumwana ba Kilishitu,

1 Timoteo 6:18

Batongweze ngayi batende byabiwahe, ngayi bahete mu milimo yayiwahe, benge ba kushoboloka na kushinga kuyavwa.

Fwilimoni 1:7

Kawushinda wami na wahilili shikuma na ku shumankana! Ndaba unabengezeke mitima ya bakakuyela nimwabo.

Bahebelu 13:16

Ngoboni hinga muvulama kutenda shiwahe na kuliyavwa umo na wamina, ndaba Nyambi uku wahilila na zinkombela za nobo.

1 Pita 4:11

Muntu nimwendi mukakushimikila, ashimikile ncango za Nyambi, muntu nimwendi ukutenda milimo, atende na ngovu eze Nyambi amupana, ngayi mu byuma nimwabyo Nyambi ayemeziwe muli Yeshu Kilishitu. Kukwendi kwikale wuwahe na ngovu mwaya myaka. Ameni.

1 Shamwele 15:30

Niho Shaulu akumbwile ngayi, “Nabipishi, ngoboni haya, hinga unyenesha kumbili ya bakakutwaminina bantu bami na nimwabo bamu Ishalela. Yanga na nami ngayi mwanga nikalemeshe Nyambi ya Ngula, Nyambi yobe.”