Mateo 6:1 - Libuka Lya Kuyela

¹ “Keyenu ngayi mubule kutenda milimo yenu ya kwoloka ku meho a bantu, ngayi mwanga bamimone. Ndi mukwinga noho kukatambula ncuungu kuli Tatiyenu wa muyilu mufwako.

Kulimama Kwakupya

¹ “Keyenu ngayi mubule kutenda milimo yenu yakwoloka ku meho a bantu, ngayi mwanga bamimone. Ndi mukwinga noho kukatambula ncungu kuli Tatiyenu wa muyilu mufwako.

Mateo 6:1 Iomraidhean Croise

2 Bamyene 10:16

Yehu wambile ngayi, “Tuyenga hamo pe umone ntukumina yami kuli Nyambi ya Ngula.” Kami bendele hamo kuya ku Shamaliya.

2 Bamyene 10:31

Ngoboni Yehu wakanine kwombatala mazu a Nyambi ya Ngula, Nyambi wa Ishalela na mutima wendi nimwawo, ndaba wahembwizikile biheka bya Yelombowami, ou watwalile ba Ishalela mu wubi.

Nyimbo 112:9

Bakupanzanisha na kupana byuma byabo ku bancepwe, nceshe zabo zikekala mwaya myaka, ngovu zabo zikenga za mpupo na maleema.

Ezekiyele 33:31

Bantu bami bakwiza kukwobe ngonehe batendanga shikati nimwasho. Bakwikala ku meho obe na kuyuvwilila lizu lyobe, ngoboni kutenda ebye ba kuyuvwa bafwako. Bakwamba tuhu na tunwa ku monesha ngo ngayi bancinga, ngoboni mu mitima yabo bali na mutongo wakuwana mali munzila ya kubula ku fwanina.

Ndanyele 4:27

Nohobene haya, Obe Mwene ya Ngoma Hekulyami, konka kubela kwami. Leha kutendanga wubi pe winge wa kwoloka. Na kuleha kuluwa kwobe na kwikala na nceshe ku ba kushepwa. Niho kampe bakanungila ku matena wobe akuzamina ku tumpuka.”

Zakaliya 13:4

“Ha mutena uyo muluwe ukekala na lisheni ha bimono byendi oho akalubulula, kukavwala lyambangubo lya wushako oho akalubulula bya mahalo ufwako.

Zakaliya 7:5

“Tongweza bantu nimwabo bamu litunga na bakankombela ngayi, oho mwalilile na kuzila kulya, mu ngonda wa mutanu na wa mutanu na zibili, mu myaka eye 70, kati mwazililenga kulya ndaba ya nami ndi?

Mateo 16:27

Ndaba ngayi Mwana Muntu ukeza na mangeloyi mu wuwahe wa Tatiyendi, niho shikati osho ukapana ncuungu ku muntu na muntu ngo ku milimo yendi.

Mateo 16:6

Yeshu wambile kukwabo ngayi, “Keyenu, bengukenu ku mumena wa Bafwalishi na Bashanduki.”

Mateo 23:13

“Makando wenu, bakakulongesha ndayano na Bafwalishi, enu bakashishweka! Ndaba mu kushinkila Wene wa muyilu ngayi bantu hinga bayinginamo enu kwinginamo mufwako, hinge kwitabilisha baya bakushinga kwingina ngayi bengine mufwako.

Mateo 23:5

Nimwabyo ebye batendanga babitendanga ngayi babamone. Bakunenehesha matapa anatikitiwi mazu a Nyambi ha zimpala zabo na kutalihisha minganja ku bivwalo byabo.

Mateo 25:40

Pe Mwene ukakumbula ngayi, ‘Mwa shikuma nikumitongweza ngayi, eshe mwatendele ku umo wa naba babashe wa bakonzobami, mwashitendele kukwami.’

Mateo 5:16

Nohobene lumuni lwenu lumunike ku bantu, ngayi mwanga bamone milimo yenu yayiwahe, pe bapane maleema kuli Tatiyenu wa muyilu.

Mateo 5:46

Ndaba ndi mu ku haka baya ba kumihaka, mukawana ncuungu ngani? Kati baka mitelo kaliha nisho benganga nanibo ndi?

Mateo 5:48

Ngonehe Tatiyenu wa muyilu enga wakulembuka, nohobene nenu lembukenu.

Mateo 6:16

“Pe oho mu kuzila kulya, hinga mwinga ba kuhomba ngonehe bakashishweka, ndaba ba kukanyanyana ku zimpala zabo ngayi bantu balimuke ngayi banazili kulya. Mwa shikuma nikumitongweza ngayi batambulakale ncuungu yabo.

Mateo 6:9

Haya lombelenu nehi ngayi, ‘Tatiyetu uli muyilu, lizina lyobe lilemeshiwe.

Mako 8:15

Yeshu wabambilile ngayi, “Keyenu, bengukenu ku mumena wa Bafwalishi na wa Helonda.”

Luka 11:35

Haya keyenu kutina lumuni mulinalwo lwinga mincimpwe.

Luka 12:1

Oho makulukazi a bantu babengi bakungulukile hamo, pe balilyatalyatile umo na wamina ku mawulu, Yeshu watatikile taha kwamba ku bandongesha bendi ngayi, “Keyenu na mumena wa Bafwalishi, ni kutontolola shishweka shabo.

Luka 12:15

Niho ambile kukwabo ngayi, “Keyenu, hinga mwikala na mutongo, ndaba wumi wa muntu kaliha wekala mu byuma byabingi biya alinabyo.”

Luka 16:15

Yeshu wambile kukwabo ngayi, “Muli bakakulyolokesha ku meho a bantu, ngoboni Nyambi halimuka mitima yenu. Ndaba eshe shenga sha maleema ku bantu, shenga wunyengwe ku meho a Nyambi.

Yowano 12:43

Ndaba bahakile ngayi bantu babayemeze kupitakana ngayi Nyambi abayemeze.

Yowano 5:44

Mukushinga kutambula maleema umo kuwamina, ngoboni kushinga maleema anafumu kuli Nyambi umo pele mufwako. Haya enu mukatwesha kukulupila nahiti kukwami?

Milimo 3:12

Oho Pita amonene nahiyo wambile ku bantu ngayi, “Bantu ba Ishalela kati munakomoko nahiti hanebye? Kati shumangani mu kutuconcomekela, ngo ngayi tunatende ku nou muntu ngayi ende na ngovu zetu, hinge na kuyela kwetu?

Ngalatiya 6:12

Bantu bakushinga kumi kandamika ngayi muye ku mukanda ba kutenda noho ndaba bakushinga kulimonesha na kuliyemeza ha byuma bya ha munkanda, ba kutina kuyandishiwa ndaba ya shishempakano sha Kilishitu.

Ndayano 24:13

kabweshenu kukwendi ha mazolo na mazolo, nohobene atweshe kwikala nako na kulanganaho. Niho niye ukwinga mukakukambilila kukwenu, pe Nyambi ya Ngula, Nyambi yenu, ukawahilila nanenu.

Bahebelu 11:26

Moshesha wetabilile makalikiza a kuyandila Kilishitu kupitakana wuheti wa Engepita, ndaba walifulankanine biya akatambula kumbili.

Bahebelu 2:1

Nohobene tuku fwanina ku kwatisha shikuma kukupwisha oku tunayuvwu, kutina ku shikati shamina bika tu puhumuka.

Bahebelu 6:10

Ndaba Nyambi wenga mukakwoloka, wufwako kuvulama milimo yenu na kukalamana kwa shishemo munamumoneshe oho munayavwa bantu bendi na neshe mushili kubatendela milimo.

2 Yowano 1:8

Keyenu mwanga mubule kuyawa byuma ebye munatendele milimo ngayi mukatambule ncuungu ya kwinzala.