Mateo 5:7 - Libuka Lya Kuyela

⁷ Bali na mfuywezi baya bali na nceshe, ndaba bakabayuvwila nceshe.

Kulimama Kwakupya

⁷ Bali na mfuywezi baya bali na nceshe, ndaba bakabayuvwila nceshe.

Mateo 5:7 Iomraidhean Croise

2 Shamwele 17:28

Baletele zindonga na zinyungu za lima za kubumba na malili na bya kulifwika. Pe kami baletelele Ndavita na bantu bendi byakulya ebye, loto na luku na muhunga na katooto na manyanta na kandundwe,

2 Shamwele 22:26

Obe Nyambi ya Ngula uli wa kwoloka, ku baya bakwinga bakwoloka kukwobe, pe na kwinga wa mu wahe, ku baya bakwinga babawahe.

Nyimbo 112:4

Hinge mu mincimpwe lumuni lukumunikila bakwoloka, bantu obo ba shishemo na nceshe na kulunga.

Nyimbo 112:9

Bakupanzanisha na kupana byuma byabo ku bancepwe, nceshe zabo zikekala mwaya myaka, ngovu zabo zikenga za mpupo na maleema.

Nyimbo 18:25

Obe Nyambi ya Ngula, uli wa kwoloka, ku baya bakwinga bakwoloka kukwobe, pe na kwinga wa mu wahe, ku baya bakwinga babawahe.

Nyimbo 37:26

Bikati nimwabyo bantu bakulunga bololanga maboko na kupana nahiya na kuyamiziza bamina, kami bana babo bakwikala bamfuywezi.

Zincimpi 11:17

Muntu wa shishemo waliyavwanga niye mwine, ngoboni muntu wa ncili walilobeshanga niyemwine.

Zincimpi 11:25

Muka mutima wa shishemo ukatangama, kami mukakulisha baminendi naye bakamulisha.

Zincimpi 14:21

Muntu ukushampula ndambo yendi wenga mukawubi, ngoboni natandala muntu ou wekala na shishemo na bancepwe.

Zincimpi 19:17

Ou ukuyuvwila nceshe bancepwe ukukolotesha Nyambi ya Ngula, kami Nyambi ukamuhingishila ku ntendelo yendi.

Ishaya 57:1

Bantu bakulunga balobanga, pe kowa muntu ukulifulankana, bantu babawahe ba ku shimbiwa, kowa ou wayuvwishishinga Ndaba wakulunga ukufumishiwa ku makando,

Ndanyele 4:27

Nohobene haya, Obe Mwene ya Ngoma Hekulyami, konka kubela kwami. Leha kutendanga wubi pe winge wa kwoloka. Na kuleha kuluwa kwobe na kwikala na nceshe ku ba kushepwa. Niho kampe bakanungila ku matena wobe akuzamina ku tumpuka.”

Hoshiya 1:6

Ngomela wemitile kami, pe wabelekele mwana wa mbuyama. Nyambi ya Ngula watongwezele Hoshiya ngayi, “Mutumbe ngayi, ‘Lo Luhama’ —Wakubula kuhakiwa—ndaba kukayuvwila nceshe litala lya Ishalela na kuliyatila nifwako.

Hoshiya 2:1

Amba ku kawushinda wobe ngayi, “Enu bantu bami,” pe kami amba kuli mpanzobe ngayi, “Unahakiwi.”

Hoshiya 2:23

Nikekalika bantu bami mu litunga. Aba batoyiwile ngayi, “Kaliha ba kuhakiwa,” nikabatoya ngayi, “Bakakuhakiwa bami.” Aba batoyiwile ngayi, “Kaliha bantu bami,” nikabatoya ngayi, “Bantu bami.” Pe bakamba ngayi, “Obe Nyambi yetu.”

Mika 6:8

Byo. Nyambi ya Ngula unatumoneshe byabiwahe, kati ukushinga bishini kukwetu ngayi tubitende? Ukushinga ngayi tutende bya kupwisha, naku monesha shishemo, twende hamo na Nyambi yetu mu kulishepesha na ku haka baminetu.

Mako 11:25

Kami oho mukwimana na kulombela, ndi muli na shambo na muntu wamina mumuyatile, ngayi mwanga Tatiyenu wa muyilu, amiyatile milandu yenu. [

Luka 6:35

Ngoboni hakenu bakankole benu, kami batendenu shiwahe, pe bakoloteshenu na kubula kukulupila ngayi mukatambula kami. Ncuungu yenu yikenga yayinene nanenu mukenga bana ba Wakukangana. Ndaba niye wenga wamuwahe kukwabo bakubula kukambilila na bakawubi.

Baloma 11:30

Ndaba enu Bakamatunga, ku mwaka kaliha mwengile bakakukulupila Nyambi, ngoboni wuluno munatambulu nceshe, ndaba ya kubula kwombatala kwa Baishalela.

1 Kolinte 7:25

Wuluno ha bya bazike, ndayano za Mwene nifwazo, ngoboni nikumipana bihanganiko byami, nkulupilenu ndaba ya nceshe za Mwene.

2 Kolinte 4:1

Nyambi mu nceshe zendi unatupaniki mulimo ou, nibyo tukubula kupopa.

Efweshe 4:32

Ngoboni yikalenu na shishemo umo ku wamina na mitima yayiboto na kuliyatila umo na wamina, nehi Nyambi anamiyatili ndaba ya Kilishitu.

Koloshe 3:12

Nohobene vwalenu ngo bakakuhatiwa ba Nyambi, bakakuyela na kuhakiwa, shishemo, nceshe, kulilimbwilisha, kubomba na lunzewe.

1 Timoteo 1:13

Hinge ngayi mwaka nengile mukakumuhandula na kumuyandisha na kumutukana, ngoboni Nyambi wekalile na nceshe kukwami, ndaba nabitendele mu wulube, kami nengile wakubula kukulupila.

1 Timoteo 1:16

Ngoboni Nyambi wekalile na nceshe na nami mukawubi wakubapitakana ngayi Yeshu Kilishitu amoneshe lunzewe lwendi nimwalwo ashingile, ngayi ami ninge mwanza kukwabo bakamukulupila ngayi bakatambule wumi wa mwaya myaka.

Bahebelu 4:16

Haya tuyenu na kukanca ku litanda lya Nyambi oku kuli nceshe za kuyavwa ha shikati sha kubula.

Bahebelu 6:10

Ndaba Nyambi wenga mukakwoloka, wufwako kuvulama milimo yenu na kukalamana kwa shishemo munamumoneshe oho munayavwa bantu bendi na neshe mushili kubatendela milimo.

Yakoba 2:13

Ndaba ukayatiwa na kubula nceshe, ou unabulu kuyuvwa nceshe, nceshe zikulishamba ha kuyata.

Yakoba 3:17

Ngoboni ngana zinafumu kuyilu zenga za kuyela ha kutatika, nizo za ku mwena, za kubomba, kaliha za kalimbwilisho, za shikeketima na mbuto yayiwahe, za kubula shihota, za kubula shishweka.

1 Pita 2:10

Mwaka kaliha mwengile bantu ba Nyambi, ngoboni wuluno mukwinga bantu bendi. Mwaka kaliha mwatambwile nceshe, ngoboni wuluno munazitambulu.