Mateo 5:6 - Libuka Lya Kuyela

⁶ Bali na mfuywezi baya bali na nzala na linyontwa lya bya kulunga, ndaba bakekuta.

Kulimama Kwakupya

⁶ Bali na mfuywezi baya bali na nzala na linyontwa lya byakwoloka, ndaba bakekuta.

Mateo 5:6 Iomraidhean Croise

Nyimbo 107:9

Wapananga mema bali na linyontwa na kwikutisha bali na nzala na byuma byabiwahe.

Nyimbo 145:19

Ukupana ku nobo ba kumutina ebye bakushinga, kami ukuyuvwa kulila kwabo na kubapulwisha.

Nyimbo 17:15

Ngoboni nehi ami, nikamona lupala lwobe mu kulunga. Oho nikapinduka ha tulo nikatangala ha ku mona eshe wekala.

Nyimbo 63:5

Moyo wami ukayambwana, ngonehe mukakwikuta bya mazi. Kanwa kami kakakuyemeza na nyimbo za kutangala.

Nyimbo 65:4

Bali na mfuywezi aba unahata, na ku bahenyeshela hahepi mukwikala mu mwanya wobe wa kuyela! Tukayikuta na byuma byabiwahe bya mu litala lyobe, na byabiwahe bya mu litala lyobe lya kuyela.

Nyimbo 84:2

Mutima wami uli na nyumwa shikuma, ndaba ya Litala lya Nyambi ya Ngula. Nikwimbila na ku wahilila na mutima wami nimwawo kuli Nyambi wakuyoya.

Zincimpi 10:24

Ebye a kutina wakuluwa bikamwizilila, ngoboni ebye akushinga wakulunga bikapanikiwa kukwendi.

Zincimpi 21:21

Muntu ukukonka kulunga na nceshe, ukawana wumi na kwoloka na maleema.

Lwimbo 5:1

Nenginakale mu mfuba yami, obe mpanzami, obe mwenga wami, nili na kukungulula miila na lukumba lwa kunuka shiwahe, nili na wushi wami, na makanza ami a wushi, ninanu waine yami na mahwe ami. Bakakulihaka, lyenu na kunwa kutwala noho muna pwezuluku.

Ishaya 25:6

Ha lipili elye lya Ziyoni, Nyambi wa Makunge, ukawahishilaho mayambwayambwa a matunga nimwawo a mukaye, akenga a byakulya byabingi byabiwahe shikuma na waine. Bikenga byakulya bya mazi bili na minconco na waine binatendiwi shiwahe.

Ishaya 41:17

Oho bantu bami ba kuyanda bakashinga mema, milibu yikayuma na linyontwa, ami Nyambi ya Ngula nikaba kumbula, kami ami, Nyambi wa Ishalela, nifwako kuka bafutamina.

Ishaya 44:3

Nikayitila mema ha litunga lya nyuminine, nikakunkulisha mema mu libelelengwa, nikayitila moyo wami ha bazukulyobe, na mfuywezi zami ha bana bobe.

Ishaya 65:13

Nohobene Nyambi ya Ngula, ukwamba ngayi, monenu, bakamilimo bami bakekala na byakulya, ngoboni enu mukalanduka ku nzala. Bakamilimo bami bakanwa mema, ngoboni enu mukayuvwa linyontwa. Bakamilimo bami bakawahilila, ngoboni enu mukayuvwa lisheni.

Ishaya 66:11

Ngayi mwanga mukayamwe na kwikuta na mabele wendi akubengezekesha, ngayi mukanwe na ku wahilila ku wuheti wendi wawingi.

Yelemiya 31:25

Nikakwangulukisha baya banakwanga na kupana byakulya muntu nimwendi napopo ku nzala.

Luka 1:53

Unekutishi bakanzala na byuma byabiwahe, unabweshe bakakuheta mabokoboko.

Luka 6:21

Muli na mfuywezi enu muli na nzala wuluno, ndaba mu kekuta! Muli na mfuywezi enu mu kulila wuluno, ndaba mukahepa!”

Luka 6:25

Makando wenu enu munekutu, ndaba mukekala na nzala! Makando wenu enu mu kuhepa wuluno, ndaba mukalila na kuyena!

Yowano 4:14

ngoboni nimwendi ou ukanwa mema nikamupanika kukekala na linyontwa wufwako. Mema nikamupanika akenga mumwendi kaheloke ka mema aya akamupana wumi wa mwaya myaka.”

Yowano 6:27

Hinga mutenda milimo ya byakulya biya bikabola, ngoboni tendenu milimo ya byakulya biya bikakuma ku wumi wa mwaya myaka. Ebye nibyo byakulya biya Mwana Muntu akamipana, ndaba Nyambi Tate unamuyaka limango lya kumwitabilisha.”

Yowano 7:37

Mutena wamamaninino wa shimbo wengile mutena wawunene, pe Yeshu wemanine, wakangokele ngayi, “Ndi kuli muntu uli na linyontwa eze kukwami anwe.

Kuholoka 7:16

Kami kukekala na nzala bafwako, hinge kukekala na linyontwa bafwako, hinge mutena kuka bamunika wufwako, hinge ntukumina yamina kuka bahokesha yifwako,