Mateo 5:4 - Libuka Lya Kuyela

⁴ Bali na mfuywezi baya ba kulila, ndaba bakababengezeka.

Kulimama Kwakupya

⁴ Bali na mfuywezi baya bakulila, ndaba bakababengezeka.

Mateo 5:4 Iomraidhean Croise

Ishaya 12:1

Ha mutena uyo mukembila ngayi, “Nikakuyemeza, obe Nyambi ya Ngula, hinge ndi wampilaminine, wukali wobe unamana, haya ukumbengezeka.

Ishaya 25:8

Ukamanisha lufu, kukekalako kami lufwako. Nyambi wa Makunge, ukakunkumuna mihozi ku meho a bantu nimwabo, kami ukafumisha lisheni ku bantu bendi mukaye nimwamo. Eshe nisho anamba Nyambi ya Ngula.

Ishaya 30:19

Enu bantu ba Ziyoni bekala mu Yelushalema, mufwako kukalila kami. Nyambi ya Ngula, mwa shikuma ukamiyuvwila nceshe, oho akayuvwa mbingo zenu ukamikumbula.

Ishaya 35:10

Banakuliziwi kuli Nyambi ya Ngula bakaboka, bakeza ku Ziyoni na kwimbila, na kutangala na kuwulumwina tunkelenkele twa ku wahilila. Ku wahilila kwa mwaya myaka, ku wahilila na kutangala kukekala ha mitwe yabo, wunginga na kulihwezumuna bikatina.

Ishaya 57:18

Namono biheka byabo, ngoboni nikabanyongomanisha, nikabatwaminina na ku bayavwa, na kubengezeka obo bakekala na kulila.

Ishaya 66:10

Wahililenu na Yelushalema, tangalenu hahendi, baya bamuhaka nimwabo. Wahililenu mumwendi na kutangala, baya bamulililenga nimwabo.

Ishaya 66:2

Kati liboko lyami kaliha linatende byuma nimwabyo ebye ndi, kami nimwabyo byenga byami. Ngoboni nikafulankana muntu uyo, mu ka kulilimbwilisha na kulishisha ku wubi wendi, na kukanka oho akuyuvwa lizu lyami. Eshe nisho anamba Nyambi ya Ngula.

Ezekiyele 7:16

Ndi kuli bamo bakapanza bakatinina ku mapili matela ku mikulo anatinishiwi, ngoboni ndaba ya wubi wabo bakafwa.

Ezekiyele 9:4

pe wambile kukwendi ngayi, “Yanga mu lukena nimwalwo lwa Yelushalema na kuyaka lushato ha zimpala za bantu nimwabo aba bakuyandishiwa na kulila ndaba ya byuma bya wunyengwe nimwabyo bikutendiwa mu lukena.”

Zakaliya 12:10

Baka litala lya Ndavita nanaba bazika mu Yelushalema nikayitila moyo wa nceshe na wakulambilila, nohobene ngayi oho bakapenza kukwami uya bayahile, pe bakamulila ngo muntu ukulila mwana umo pele na kupwezuma ngo muntu ukupwezuma ha kufwa kwa mwanendi wa mweli.

Luka 16:25

“Ngoboni Abulahama wamukumbwile ngayi, ‘Mwanami, anuka shikati sha kuyoya kwobe, watambwile byuma byobe byabiwahe, nohobene Lazalo watambwile byuma byabibi, ngoboni wuluno unabengezekiwi, kami obe uli na kuyanda.

Luka 6:21

Muli na mfuywezi enu muli na nzala wuluno, ndaba mu kekuta! Muli na mfuywezi enu mu kulila wuluno, ndaba mukahepa!”

Luka 6:25

Makando wenu enu munekutu, ndaba mukekala na nzala! Makando wenu enu mu kuhepa wuluno, ndaba mukalila na kuyena!

Luka 7:38

Wemanine kunyima ya Yeshu ku mawulu wendi halila, niho azabishile mawulu a Yeshu na mihozi yendi. Wakunkumwine mawulu na huki za ku mutwe wendi, pe wawazupezele na kuwawabisha mazi.

Luka 7:50

Ngoboni Yeshu wambile kuli mbuyama ngayi, “Kukulupila kwobe kunakupulwishi, yanga mu ku mwena.”

Yakoba 1:12

Wa kutandala muntu ou ukuzumanana mu byezeko, ndaba oho unezekiwi, ukatambula munana wa wumi, ou Nyambi anakulupishi kukwabo ba kumuhaka.

Kuholoka 21:4

Kami Nyambi ukakunkumuna mihozi nimwayo ku meho abo, kami lufu kukekalako lufwako, hinge wunginga, hinge kulila, hinge makando amina. Ndaba byuma bya kutatika binapiti.”