Mateo 5:3 - Libuka Lya Kuyela

³ Bali na mfuywezi baya ba kuliyuvwa kushepwa mu moyo, ndaba wene wa muyilu unengi wabo.

Kulimama Kwakupya

³ “Bali na mfuywezi baya bakuliyuvwa kushepwa mu moyo, ndaba wene wa muyilu unengi wabo.

Mateo 5:3 Iomraidhean Croise

2 Byambo 33:12

Oho ekalile na makando walilimbwilishile, pe watengulukilile kuli Nyambi ya Ngula, Nyambi yendi, niho amunyepele ngayi amuyavwe.

2 Byambo 33:19

Lilombelo lya mwene na kukumbula kwa Nyambi na wingi wa wubi uya atendele oho shilolo atenguluke na kulungwa kwendi na myanya iya atendele yaha binkanda ya kulemeshela banyambi bowa na zimpangwa hali bifwekesha biya emikile bya nyambi wa mbuyama Ashela na tunankishi tuya alemeshelenga, nimwabyo byatikitiwile mu byambo bya Bamiluwe.

2 Byambo 33:23

Ngoboni, niye wabulile kwinga wakulilimbwilisha na kutengulukila kuli Nyambi ya Ngula, ngonehe ekalile tatiyendi Manashe. Amoni wengile wamubi shikuma kupitakana eshe ekalilenga tatiyendi.

2 Byambo 34:27

kami watenguluka pe walilimbwilisha obemwine kukwami na kutabozola bivwalo byobe na kulila, oho wayuvwa eshe nikufumbila kushushula lukena lwa Yelushalema na bantu balimo. Nayuvwu lilombelo lyobe, eshe nisho anamba Nyambi ya Ngula.

2 Byambo 7:14

ndi ba kulomba kukwami na kutenguluka ku wubi ou banatende, pe nikabayuvwa muno muyilu na kubayatila wubi wabo na kutumpula litunga lyabo kami.

Yobo 42:6

Pe na kulibelula na kufuma muno mulukungu na mu mutoko.

Nyimbo 1:1

Bali na mfuywezi baya ba kukana kubela kwa bakuluwa, bakubula kukonkezeka biheka bya bakawubi, hinge kulifungila nanobo ba kuyinisha Nyambi.

Nyimbo 112:1

Nyambi ya Ngula ayemeziwe. Uli na mfuywezi muntu ou ukutina Nyambi ya Ngula, uku wahilila shikuma mu kwombatala ndayano zendi.

Nyimbo 128:1

Bali na mfuywezi bantu nimwabo ba kutina Nyambi ya Ngula, obo bakwenda mu zinzila zendi.

Nyimbo 146:5

Uli na mfuywezi muntu ou ukuyavwiwa na Nyambi wa Yakobo, ou kulumbeza kwendi kuli muli Nyambi ya Ngula, Nyambi yendi,

Nyimbo 2:12

kankenu na kulamba kukwendi, ndelewa muka mupilamisha pe mukalobeshiwa, ndaba wukali wendi wabanganga na wangu. Bali na mfuywezi aba ba kuholama mumwendi.

Nyimbo 34:18

Nyambi ya Ngula uli hahepi nanobo banakalikizi, ukulamwina obo banakalikizi.

Nyimbo 41:1

Bali na mfuywezi obo bakulifulankana bakakuyanda, Nyambi ya Ngula ukabalamwina oho bali mu makando.

Nyimbo 51:17

Nkombela washinganga, yinengi moyo wakulishepesha. Obe Nyambi, hinga ukana mutima wakulishepesha na wakutenguluka.

Nyimbo 84:12

Obe Nyambi wa Makunge. Bali na mfuywezi obo bakukulupila mumwobe.

Zincimpi 16:19

Shinengi shashiwahe kwikala na mutima wakulilimbwilisha hamo na bakakuyanda, kupitakana kulitapila lipuku hamo namu kakuliyemeza.

Zincimpi 29:23

Muntu mukakulilundumika washepeshiwanga, ngoboni mukakulilimbwilisha mu mutima wawananga maleema.

Zincimpi 8:32

“Haya yuvwililenu kukwami, enu bana bami, mfuywezi za nobo ba kulama zinzila zami.

Ishaya 30:18

Nohobene Nyambi ya Ngula, ushili kushinga ku monesha nceshe kukwenu, nohobene ukalikatula hayilu na kumiyuvwila nceshe, ndaba Nyambi ya Ngula, nengi Nyambi wayatanga na kuketula. Bali na mfuywezi baya nimwabo ba kutatilila hahendi.

Ishaya 57:15

Ami Nyambi uli hayilu ya nimwabyo, Nyambi wa kuyela, ou wayoya mwaya myaka, Ami Nyambi wayoya hayilu, na kumbalila ya kuyela. Ngoboni nekala na bantu ba kulilimbwilisha na kutenguluka, ngayi nipindule kukanca na kulumbeza kwabo.

Ishaya 61:1

Moyo wa Nyambi ya Ngula uli hahami, ndaba unangwabishi mu ku shimikila ncango zaziwahe ku ba kushepwa. Ku manga mitima ya ba kupokoka. Unantumu mu kubilika ku shoboloka ku bantapwa, ku shobolola baya banalyatilili na ku shimikila, kami mu kufumisha baya banamangiwi mu tolongo.

Ishaya 66:2

Kati liboko lyami kaliha linatende byuma nimwabyo ebye ndi, kami nimwabyo byenga byami. Ngoboni nikafulankana muntu uyo, mu ka kulilimbwilisha na kulishisha ku wubi wendi, na kukanka oho akuyuvwa lizu lyami. Eshe nisho anamba Nyambi ya Ngula.

Mika 6:8

Byo. Nyambi ya Ngula unatumoneshe byabiwahe, kati ukushinga bishini kukwetu ngayi tubitende? Ukushinga ngayi tutende bya kupwisha, naku monesha shishemo, twende hamo na Nyambi yetu mu kulishepesha na ku haka baminetu.

Mateo 11:25

Ha shikati shiyo Yeshu wambile ngayi, “Nikukukambilila obe Tate, obe Mwene wa muyilu na hano hanci! Ndaba ngayi ebye byambo unabiholeke ku bakangana na bakakuyuvwishisha ngoboni unabihololo ku bakakubula kulilongesha.

Mateo 11:6

Bali na mfuywezi baya bakubula nkani hahami.”

Mateo 13:16

“Ngoboni meho wenu ali na mfuywezi ndaba aku mona na matu wenu ndaba akuyuvwa.

Mateo 19:14

Ngoboni Yeshu wambile ngayi, “Lehenu batwanuke babashe beze kukwami hinga mubakanisha, ndaba Wene wa muyilu wa baya bakufweka ngo aba.”

Mateo 24:46

Shikenga shashiwahe kuli uya mukamulimo, ndi hekulyendi ukamuwana hatenda milimo.

Mateo 25:34

Niho Mwene akamba ku baya bali ku liboko lyendi lya shilyo ngayi, ‘Yekenu enu muli na mfuywezi za Tate, mukone wene owe amiwahishilile kufuma kukulenga kwa kaye.

Mateo 3:2

“Tengulukenu, ndaba Wene wa muyilu uli hahepi!”

Mateo 8:11

Nikumitongweza ngayi, babengi bakafuminina ku mushamuko na ku mponci, bakekala hamo ku shimbo na Abulahama na Ishaki na Yakobo mu Wene wa muyilu.

Mako 10:14

Oho Yeshu amonene eshe shatendiwile, wapilamine niho ambile ku bandongesha bendi ngayi, “Lehenu batwanuke babashe beze kukwami, hinga mubakanisha, ndaba Wene wa Nyambi wa baya bakufweka ngo aba.

Luka 11:28

Ngoboni Yeshu wambile ngayi, “Bali na mfuywezi shinene bayo ba kuyuvwa lizu lya Nyambi na kulilama!”

Luka 18:14

Yeshu wambile kukwabo ngayi, “Uya mukakutelesha wayile ku litala lyendi hinga enga wakwoloka ku meho a Nyambi kupitakana Kafwalishi. Ndaba ou nimwendi wakulinenehesha ukashepeshiwa, kami ou ukulishepesha ukaneneheshiwa.”

Luka 22:29

Nikamipana wene ngonehi Tate ampanine wene.

Luka 22:30

Mukalya na kunwa ku tebulu yami mu Wene wami, kami mukekala ha matanda na kuyata mishobo ya likumi na yibili ya Ishalela.

Luka 4:18

“Moyo wa Nyambi uli hahami, ndaba unangwabishi mu ku shimikila ncango zaziwahe ku bakakushepwa. Unantumu mu kubilika ku shoboloka ku bantampwa na kutonesha meho a tushishitwa.

Yowano 20:29

Yeshu wambile kukwendi ngayi, “Tomashi, ukukulupila ndaba unamono. Bali na mfuywezi aba banakulupili kwakubula ku mona!”

Ndayano 8:2

Anukenu Nyambi ya Ngula, Nyambi yenu, eshe amyendeshele ha mukala uya wawutali mu libelelengwa myaka eye makumi anaa yinamana na kumitumina byabikalu mu kumyezeka ngayi niye mwanga alimuke ebye mwafungile kutenda na ku mona ndi munakwombatala ndayano zendi.

Yakoba 1:10

ngoboni mukakuheta, ndaba una shepeshiwi, ndaba nehi maluba a mwila ukapita.

Yakoba 1:12

Wa kutandala muntu ou ukuzumanana mu byezeko, ndaba oho unezekiwi, ukatambula munana wa wumi, ou Nyambi anakulupishi kukwabo ba kumuhaka.

Yakoba 2:5

Yuvwililenu, bawushinda wami ba kuhakiwa! Nka Nyambi unahata bakakushepwa ba litunga lino benge bakakuheta mu kukulupila na bakakukona wene ou a kulupishile kukwabo ba kumuhaka?

Kuholoka 19:9

Lingeloyi lyambile kukwami ngayi, “Tikita ebye ngayi, bali na mfuywezi aba banehaniwi ku mulalilo wa shifupawenga sha Mwana Mbelele.” Kami wambile kukwami ngayi, “Awa niwo mazu akupwisha a Nyambi.”

Kuholoka 22:14

Bali na mfuywezi banayoweshe bivwalo byabo, pe shinabafwanini ngayi balye ku mukabo wa mutondo wa wumi, kami bakengina mu lukena kupitila mu bipana.

Kuholoka 3:17

Haya obe ukwamba ngayi, ‘Ami ninahete, nili na wuheti, kami kowa shuma nikushinga.’ Wufwako kulimuka ngayi obe uli kayande, uli muhelengwa na wushishitwa.