Mateo 5:12 - Libuka Lya Kuyela

¹² Wahililenu na kutangala, ndaba ncuungu yenu yayinene muyilu. Eshe nisho bayandishile bamiluwe baya bekalileko enu oho shilolo muhemuwe.

Kulimama Kwakupya

¹² Wahililenu na kutangala, ndaba ncungu yenu yayinene muyilu. Eshe nisho bayandishile bamiluwe baya bekalileko enu oho shilolo muhemuwe.

Mateo 5:12 Iomraidhean Croise

Shitatiko 15:1

Kunyima yanebye lizu lya Nyambi ya Ngula lyezile kuli Abulama mushimonekesho ngayi, “Abulama hinga wutina. Ami nengi likebo lyobe na ncuungu yobe yikenga yayinene.”

1 Bamyene 18:13

Kati kuyuvwa wufwako ngayi oho Yezembelo azihilenga bamiluwe ba Nyambi ya Ngula naholekeleho mwanda umo mu manzolongoma, mu tunzunga tubili twa makumi mutanu kanzunga na kanzunga? Kami napanine byakulya na mema kukwabo.

1 Bamyene 18:4

Yezembelo oho azihilenga bamiluwe ba Nyambi ya Ngula, Ombandiya washimbileho mwanda umo niho abaholekele mulinzolongoma mu tunzunga twa makumi mutanu, mu kanzunga na kanzunga, wabapanikilenga byakulya na mema.

1 Bamyene 19:2

Yezembelo watumine lizu kuli Eliya ngayi, “Mwanga banyambi bankame nifwe, ndi ku shikati shino nzona nifwako kukatenda shuma shimo kukwobe shiya watendele ku bamiluwe.”

1 Bamyene 21:20

Oho Ahambu amonene Eliya wambile ngayi, “Kati wezakale mu kungwana, obe kamalamo wami?” Eliya wakumbwile ngayi, “Ee, nezakale bene. Unalishangwili obemwine ha kutendanga shibi ku meho a Nyambi ya Ngula.

1 Bamyene 22:8

Mwene Ahambu wakumbwile ngayi, “Ku nashala kami umo, Mikaya mwana Imula. Ngoboni namuzimba ndaba ku lubulula byuma byabiwahe kukwami ufwako, wandubwililanga tuhu byuma byabibi shikati nimwasho.” Ngoboni Yehoshafwati wakumbwile ngayi, “Kaliha wafwanina kwamba noho!”

2 Bamyene 1:9

Niho mwene atumine shilolo na bantu makumi mutanu mu kuleta Eliya. Shilolo wamuwanine unekala ha shinkanda, pe wambile kukwendi ngayi, “Obe muntu wa Nyambi, mwene unamba ngayi kunkuluka uye ku musheke kuli mwene.”

2 Byambo 16:10

Eshe shaleteshele ngayi Asha apilamine muluwe pe wamumangile mu mawenge. Shengile nisho shikati shimo shiya atatikile kwikalisha bantu bamo na shilala.

2 Byambo 36:16

Ngoboni bahandwile bantumwana ba Nyambi na kulimbulula mazu a Nyambi na kuhepa bamiluwe bendi, kutwala noho wukali wa Nyambi ya Ngula, wakulwisha bantu bendi wanenehele shikuma, pe kwabulile nzila ya kupanza.

Nehemiya 9:26

“Ngoboni hinge noho, bantu bobe ba kufutulukilile, na ku kulimbwilisha nakufutamina mazu obe. Bazihile bamiluwe bobe aba bababelelenga, aba babatongwezele ngayi baboke kukwobe. Bonzelelenga kukuhandula,

Nyimbo 19:11

Ndayano zikushiwulula mukamulimo wobe. Muli ncuungu yayinene mu kuzombatala.

Nyimbo 58:11

Bantu bakamba ngayi, “Mwa shikuma, bakulunga banatambulu ncuungu. Kwali Nyambi mukakuyata hanci.”

Zincimpi 11:18

Muntu wakuluwa kowa ebye awananga bya shemwa, mukakukuba kulunga wawananga ncuungu ya kupwisha.

Ishaya 3:10

Tongwezenu bakulunga ngayi, byuma bikekala shiwahe kukwabo. Bakawahilila mikabo yaku milimo yabo.

Yelemiya 2:30

Nashushwile banabenu, ngoboni kaliha mwalilongesheho ha shuma eshe. Ngonehe shimbwi wamukali, mwazihile bamiluwe benu na mukwale.

Yelemiya 26:8

Oho Yelemiya amanishile kwamba nimwabyo biya amutongwezele Nyambi ya Ngula ngayi ambe ku bantu nimwabo, niho bakankombela na bamiluwe na bantu nimwabo bamukwatile na kubilika ngayi, “Uku fwanina kufwa, hanebye anamba.

Yelemiya 37:14

Yelemiya wambile ngayi, “Wakwamba mahalo.” Kutinina ku baka Mbambiloni nifwako. Ngoboni Iliya kaliha wayuvwile eshe ambile, wamukwatile niho amutwalile ku babilolo.

Mateo 16:27

Ndaba ngayi Mwana Muntu ukeza na mangeloyi mu wuwahe wa Tatiyendi, niho shikati osho ukapana ncuungu ku muntu na muntu ngo ku milimo yendi.

Mateo 6:16

“Pe oho mu kuzila kulya, hinga mwinga ba kuhomba ngonehe bakashishweka, ndaba ba kukanyanyana ku zimpala zabo ngayi bantu balimuke ngayi banazili kulya. Mwa shikuma nikumitongweza ngayi batambulakale ncuungu yabo.

Luka 13:34

“Obe Yelushalema, Yelushalema! Obe mukakuziha bamiluwe na kupuha mamanya baya Nyambi anatumu kukwobe! Bikati binga nashingile kukungula bantu bobe nimwabo ngonehe nkazikuku akungulanga bana bendi mu nceto ya mbando zendi, ngoboni mwakanine!

Luka 6:23

Wahililenu ha mutena uyo na kutangala ndaba ncuungu yenu yikenga yayinene muyilu. Ndaba ebye nibyo batendele batatizabo ku bamiluwe ba Nyambi.

Luka 6:35

Ngoboni hakenu bakankole benu, kami batendenu shiwahe, pe bakoloteshenu na kubula kukulupila ngayi mukatambula kami. Ncuungu yenu yikenga yayinene nanenu mukenga bana ba Wakukangana. Ndaba niye wenga wamuwahe kukwabo bakubula kukambilila na bakawubi.

Milimo 16:25

Hakati ka wushiku Paulu na Shilashi balombelelenga na kwimbila nyimbo za kulemesha Nyambi, batuyili babayuvwilililenga.

Milimo 5:41

Bantumwana bafumine mu nkuta na ku wahilila ndaba balabiwile ngayi ba ku fwanina kuyenena lizina lya Yeshu.

Baloma 5:3

Kaliha noho tuhu, ngoboni tuku wahilila mu makalikiza wetu. Ndaba tukulimuka ngayi makalikiza alongeshanga muntu lunzewe,

1 Kolinte 3:8

Wuluno ou kukuna na nou ukuyitilila ba kulingana, pe muntu na muntu ukatambula ncuungu yendi kuya na mulimo anatende.

2 Kolinte 4:17

Ndaba kuyanda kwetu oku kwa kashikati pele kutubalakanyina wuwahe tutendele wulemu wa mwaya myaka, wakupitakana wakutatika.

Fwilipu 1:29

Ndaba shinapanikiwi kukwenu kutendela milimo Kilishitu, kaliha kukulupila tuhu, ngoboni na kuyanda kami ndaba yendi.

Fwilipu 2:17

Kukulupila kwenu na milimo yenu kuli Mwene, yinafweke ngo nkombela yinatupuliwi kuli Nyambi. Na mukeza wami uketikiwila hamo na nkombela, nikatangala na ku wahilila hamo nenu.

Koloshe 1:24

Wuluno ami niku wahilila mu makando ami ndaba yenu na kwinzalisha mu wuntu wami ebye byayawilile bya makando a Kilishitu ndaba ya lutu lwendi, nilyo litengo.

Koloshe 3:24

mulimuka ngayi mukatambula ncuungu ya likona kuli Mwene, ndaba mu kutendela milimo Mwene Kilishitu.

1 Teshalonika 2:15

aba bazihile Mwene Yeshu na bamiluwe, kami nibo bali na kutuyandisha. Kaliha ba kuwahililisha Nyambi! Kami bali na nkani ku bantu nimwabo.

Bahebelu 10:34

Ndaba mwayuvwilile nceshe baya bekalile mu tolongo, kami mwetabilile hinga mwawahilila ngayi bapukule byuma byenu, ndaba mwalimukile ngayi enu muli na wuheti wawuwahe uya ukalaluka mwaya myaka.

Bahebelu 11:26

Moshesha wetabilile makalikiza a kuyandila Kilishitu kupitakana wuheti wa Engepita, ndaba walifulankanine biya akatambula kumbili.

Bahebelu 11:33

Kukulupila kwabo kwa bayavwile kukona bamyene, kami batendele byakwoloka, pe batambwile bikulupisho. Bashinkile tunwa twa babimbwi.

Bahebelu 11:6

Ndaba ndi kowa kukulupila, shashikalu kuwahililisha Nyambi ndaba nimwendi ukwiza kuli Nyambi uku fwanina kukulupila ngayi Nyambi nikwo ekala, kami wapananga ncuungu nimwabo baya ba kumushinga.

Yakoba 1:2

Bawushinda wami, labenu ngayi ku wahilila kwakunene oho mu kuwana byezeko bya mishoboshobo.

Yakoba 5:10

Bawushinda wami, hembwilizenu bamiluwe bashimikilile mu lizina lya Mwene na kuyanda makalikiza na lunzewe.

1 Pita 4:13

Ngoboni wahililenu, ndaba mukwinga bakakutambula shitapilo sha makando a Kilishitu, ngayi oho wuwahe wendi ukaholoka, enu mukawahilile na ku wahilila kwakupitakana.

Lute 2:12

Nyambi ya Ngula mwanga akupane hanebye unatende. Nyambi ya Ngula, Nyambi wa Ishalela, mwanga akupane ncuungu yayinene, kuno wezile ngayi uholame.”