Mateo 4:4 - Libuka Lya Kuyela

⁴ Ngoboni Yeshu wakumbwile ngayi, “Kwatikitiwa ngayi, muntu ku fwanina kuyoya na linkende tuhu wufwako. Ngoboni ukayoya na mazu nimwawo akufuma mu kanwa ka Nyambi ya Ngula!”

Kulimama Kwakupya

⁴ Ngoboni Yeshu wakumbwile ngayi, “Kwatikitiwa ngayi, muntu kufwanina kuyoya na mankende tuhu ninkayawo wufwako ndele na mazu nimwawo akufuma mu kanwa ka Nyambi!”

Mateo 4:4 Iomraidhean Croise

Kututika 16:15

Oho Baishalela bashimonene balipwile umo na wamina ngayi, “Shishini eshe?” Ndaba kaliha balimukile ngayi shengile shumangani. Moshesha wambile kukwabo ngayi, “Ebye nibyo byakulya anamipana Nyambi ya Ngula ngayi mulye.

Kututika 16:35

Pe Baishalela balile maana myaka makumi anaa, hantu noho bakumine ku litunga lya Kenaani oku bazikile.

Kututika 16:8

Niho Moshesha ambile ngayi, “Nyambi ya Ngula, niye ukamipana nyama ya kulya kumazolo na byakulya ku lumenemene, ngo omu mu kushingila, ndaba unayuvwu kulinyenga kwenu okwe mu kulinyengela hahendi. Etu bayani ngayi mu linyengele kukwetu? Mwa shikuma kulinyenga kwenu kaliha kuli hahetu ngoboni kuli Nyambi ya Ngula.”

Kututika 23:15

Mu ngonda wa Ambimbi, ngonda owe niye wafumine nendi mu Engepita, pinga shimbo sha mankende a kubula mumena ngonehe nakutongwezele. Ukalya mankende a kubula mumena ku matena mutanu na abili a shimbo. Hinga ukeza na kundemesha kwakubula kuleta ntupu.

Mateo 15:11

Eshe shikwingina mu kanwa Kubipisha muntu shifwako, ngoboni eshe shikututika mu kanwa nisho shiku bipisha muntu.”

Mateo 4:10

Yeshu wakumbwile kukwendi ngayi, “Fuma kukwami obe Shatana! Ndaba kwatikitiwa ngayi, ‘Uku fwanina kulemesha Mwene Nyambi yobe na kumutendela milimo niye tuhu.’ ”

Mateo 4:7

Yeshu wakumbwile kukwendi ngayi, “Kwatikitiwa kami ngayi, ‘Hinga wezeka Nyambi ya Ngula, Nyambi yobe.’ ”

Mako 7:20

Watwalilileho kwamba ngayi, “Shiya shafumanga mu muntu nisho shamubipishanga.

Luka 4:12

Yeshu wakumbwile ngayi, “Kwatikitiwa ngayi, ‘Hinga wezeka Nyambi ya Ngula, Nyambi yobe.’ ”

Luka 4:4

Ngoboni Yeshu wamukumbwile ngayi, “Kwatikitiwa ngayi, ‘Muntu ku fwanina kuyoya na linkende tuhu wufwako.’ ”

Luka 4:8

Yeshu wakumbwile ngayi, “Kwatikitiwa ngayi, ‘Ukalemesha Nyambi ya Ngula, Nyambi yobe na kumutendela milimo niye tuhu!’ ”

Yowano 15:26

“Ngoboni oho Mukakubela ou nikatuma akeza kukwenu kufuma kuli Tate, niye Moyo wa kupwisha ukafuma kuli Tate, niye ukapaka byami.

Yowano 6:63

Moyo wa Nyambi ukupanika wumi, ngovu za muntu kowa ebye zikutenda. Mazu ninamba kukwenu niwo Moyo, kami niwo wumi.

Baloma 15:4

Ndaba byuma byatikitiwa, byatikitiwa ngayi tulilongeshe, mwanga twikale na lunzewe, pe tushumankane munebye byatikitiwa mwanga twinge bakakulumbeza.

Efweshe 6:17

Tambulenu kupuluka ngo hoshi yenu na mazu a Nyambi ngo mukwale wa Moyo.

Ndayano 8:3

Wamifwishile ku nzala, niho amipanine maana ngayi mulye, byakulya biya enu na bankakazenu kumwaka mwabulile kulya. Watendele eshe mu kumilongesha ngayi muntu ku fwanina kuyoya na linkende tuhu wufwako. Ngoboni ukayoya na mazu akufuma mu kanwa ka Nyambi ya Ngula.