Mateo 3:8 - Libuka Lya Kuyela

⁸ Yimenu mikabo ya ku fwanina muntu unatenguluku.

Kulimama Kwakupya

⁸ Yimenu mikabo yakufwanina muntu unatenguluku.

Mateo 3:8 Iomraidhean Croise

Yelemiya 26:13

Haya munafwanini kutenguluka ku zinzila zenu na zintendelo zenu, ombatalenu lizu lya Nyambi ya Ngula Nyambi yenu. Ndi mu kutenguluka ukalibelula, pe kukaleta malwa aya atoya ngayi akeza hahenu wufwako.

Yelemiya 36:3

Kampe bantu ba Yunda bakayuvwa byabibi nimwabyo biya nikuyongola kutenda kukwabo, hamina bakatenguluka kuleha zinzila zabo zazibi, pe nikabayatila kukutengama kwabo naku wubi wabo.”

Mateo 21:32

Ndaba Yowano wezile kukwenu na kumimonesha nzila ya kulunga, ngoboni kaliha mwamukulupilile. Ngoboni bakakutelesha na bakalwiholwiho bamukulupilile. Hinge oho mwamonene eshe, kaliha mwatengulukile na kumukulupila.

Luka 3:8

Yimenu mikabo yiku monesha ngayi munatenguluku. Hinga mutatika kwamba mukati kenu ngayi, ‘Tuli na tatiyetu Abulahama.’ Haya nikumitongweza ngayi, Nyambi ukutwesha kufutula awa mamanya kwinga bana ba Abulahama.

Milimo 26:20

Ngoboni nashimikilile ku Bakandamashika ha kutatika na mu Yelushalema na mu litunga nimwalyo lya Yundeya na ku Bakamatunga, ngayi batenguluke na kufutulukila kuli Nyambi, pe batende milimo yiku monesha ngayi banatenguluku.

Efweshe 5:8

Ndaba mwaka mwekalile mu mincimpwe, ngoboni wuluno muli mu lumuni, ndaba ngayi enu muli bantu ba Mwene. Haya endenu ngo bantu bali mu lumuni,

Efweshe 5:9

ndaba hali lumuni hawaniwanga kami wuwahe na kwoloka na kupwisha nimwako.

Fwilipu 1:11

Nyinkalo yenu yikenzala na byuma byakwoloka bikufuma kuli Yeshu Kilishitu, ngayi bantu nimwabo bamoneshe wuwahe na kuyemeza Nyambi.