Mateo 26:13 - Libuka Lya Kuyela

¹³ Mwa shikuma nikwamba kukwenu ngayi, oku zikashimikiwa eze ncango zaziwahe muno mu kaye nimwako, eshe anatende ou shikashimikiwa, pe shikenga sha kumwanukila.”

Kulimama Kwakupya

¹³ Mwashikuma nikwamba kukwenu ngayi, oku zikashimikiwa eze ncango zaziwahe muno mu kaye nimwako, eshe anatende ou shikashimikiwa, pe shikenga shakumwanukila.”

Mateo 26:13 Iomraidhean Croise

Nyimbo 112:6

Bantu bakulunga kukatalangila bafwako, bakanukiwanga mwaya myaka.

Ishaya 52:9

Tangalenu na ku wahilila, enu mapembe a Yelushalema, Nyambi ya Ngula, ukabengezeka bantu bendi. Ukalamwina Yelushalema.

Mateo 24:14

Eze ncango zaziwahe za Wene zikashimikiwa mu kaye nimwamo kwinga wupaki ku bantu nimwabo, nihoboni mamaninino akeze.

Mateo 28:19

Nohobene yenunga ku bantu nimwabo mukabenge bandongesha bami. Muka bazubilishe mu lizina lya Tate na lya Mwana na lya Moyo wa Kuyela.

Mako 13:10

Nohobene, ncango zaziwahe zinafwanini ku shimikiwa ku bantu nimwabo oho mamaninino shilolo akume.

Mako 14:9

Mwa shikuma nikwamba kukwenu ngayi, oku zikashimikiwa eze ncango zaziwahe muno mu kaye nimwako, eshe anatende ou mbuyama shikashimikiwa, pe shikenga sha kumwanukila.”

Mako 16:15

Yeshu wambile kukwabo ngayi, “Yenunga mukaye nimwamo mu kashimikile ncango zaziwahe ku bantu nimwabo.

Luka 24:47

ngayi kutenguluka na kuyatila kwa wubi, ku shimikiwe mu lizina lyendi, ku bantu nimwabo, kutatikila mu Yelushalema.

Milimo 10:4

Koniliyashi wapenzele kukwendi na bowa, pe wambile ngayi, “Kati bishini Hekulu?” Lingeloyi lya kumbwile ngayi, “Nyambi unawahilili na malombelo wobe na milimo yobe yayiwahe, haya uli na kukukumbula.

Baloma 10:18

Ngoboni nikwipula ngayi kati kaliha bayuvwile ndi? Byo, bayuvwile, ngonehe kwatikitiwa ngayi, “Mazu abo anapanzanini hano hanci nimwaho, ebye banamba binakumu ku mamaninino a kaye nimwamo.”

Baloma 15:19

na bimonekesho na bikomokesho biya binatendiwi na ngovu za Moyo wa Nyambi. Ngayi ncango zaziwahe za Yeshu Kilishitu ninazishimikili kufuma ku Yelushalema kukuma na ku Ililika.

2 Kolinte 10:18

Ndaba uya ukulilundumika niye mwine kaliha ukatambuliwa, ngoboni kukatambuliwa uya Mwene akwimanina.

Koloshe 1:23

ndi mu kuzamina mu kukulupila kwenu na kuhalaba mipishi na ku shumankana na kubula kufuma ku kulumbeza kwa ncango zaziwahe eze mwayuvwile, eze zinashimikiwi ku bibumbwabumbwa nimwabyo bili mu nceto ya liyilu, ebye nibyo ami Paulu nengile mukakushimikila.

Koloshe 1:6

Ncango ezi zaziwahe zikuhanya mu kaye nimwako, ngonehe likutenda kami mumwenu, kufuma ku mutena uyo mwaliyuvwile na ku yuvwishisha nceshe za Nyambi mu kupwisha.

1 Timoteo 2:6

Ou walipanikile niye mwine mu kukuliza bantu nimwabo, nikwo kwapakiwile ha shikati sha kufwanina ngayi Nyambi ukushinga muntu nimwendi ngayi apuluke.

Bahebelu 6:10

Ndaba Nyambi wenga mukakwoloka, wufwako kuvulama milimo yenu na kukalamana kwa shishemo munamumoneshe oho munayavwa bantu bendi na neshe mushili kubatendela milimo.

Kuholoka 14:6

Kami namonene lingeloyi lyamina, lituka mu mbimbayilu lyekalile na ncango zaziwahe za mwaya myaka ngayi lishimikile ku baya bekala hanci, ku matunga nimwawo na ku mishobo nimwayo na ku zindimi nimwazo na ku bantu nimwabo.

1 Shamwele 2:30

Eshe nisho anamba Nyambi ya Ngula, Nyambi wa Ishalela nehe ngayi, ‘Nakulupishile kunyima ngayi ba livumo lyobe na ba lupashi lwa tatiyobe bakantendelenga mulimo kwinga bakankombela ha shikati nimwasho.’ Ngoboni hano Nyambi ya Ngula unakwamba ngayi, ‘Haya kunamana,’ nika lemeeka baya ba kundemeeka na kulimbulula baya ba kundimbwilisha.